الســلام عليكِ ورحمة الله وبركاتهـ أختي لؤلؤة القرآن ..
في البداية أود أن أشكرك من الصميم ع إبداعك في اختيار مواضيعك التي أود دوماً الالتفات إليها ..
وكونك تناولتي موضوع همني بدرجة كبيرة حبيت أشارك معك ^ ^
احنا الأن نواجه مشكلة الجفاء بين الأخت وأخوها وكون حدود التعامل بينهم تقتصر ع وجودهم في البيت يعني لو تشوفين يوم الأخ يوصل للجامعة أو حتى ع الأقل الثانوي ما يكون له في البيت وجود الا عشان النوم والأكل واحيانا
لأ كمان , فطبعا تلاقي الأخت عندها فراغ عاطفي من هالجفاء الأسري أب مشغول في عمله ويرجع يبغى ياكل ويرتاح عشان عمله بالصباح وأم ماهمها الا بنتها معها بالمطبخ تساعدها أو ملتهية بالتلفون مع صحباتها والأخ كذا حاله
وكل واحد بوادي ...
فهل تصبح / تصبحين يا أخي / اختي صديقي / صديقتي ؟
أنا الحمد لله أخوي صحيح مابينا صداقة قريبة بطابع انو شخصيتو كذا بس مالي غنى عنه ولا هو كمان كوني انا وهو أوسط إخوانا ..
وهل تتمنين / تتمنى أيتها الفتاة / أيها الشاب ان تكوني / تكون صداقة مع أخيك / اختك ؟
أكــيد اتمنى وأحاول فعـلا لان الحين أخوي يدرس جامعة ومتغرب عنا فدايم أتصل عليه ولو مااتصلت يتصل يسال عني ويقصلي وش صار معاه ..
وهل علاقتك بأخيك / اختك علاقة عادية أم تعاني من توتر؟
الحمد لله علاقة مافيها توتر ابداً بالعكس يخاف علي مرة..
وكيف تجدين / تجد تقارب الأعمار بينكما يسهم في التفاهم والتعامل الجيد؟
طبعــاً بيني وبينه ثلاث سنوات وشايفة انو اسهامها كبير
وهل ترين ان صداقة المصالح المنتشرة بين الصديقات .. تدخل في علاقتك مع أخيك / اختك ؟
هو الصراحة يكون فيه مصالح بين الاخوان بس تختلف عن مصالح الصديقات ..
ولماذا يحب الأخ ان يفرض رأيه على أخته ؟
ممكن من طبع خوفه عليها وكونو شايف مصلحتها في فرض رأيه مع انو ليه نتايج سلبية تجلب عناد وخناق وهواش والنية كلها خوف بس بطريقة غلط ..
ماذا عن التسلط والغيرة والضرب والأمر والنهي ؟
للأسف هذا اللي يصير من بعض الأخوان بس صدقيني يكون دافعه مصلحة أخته وخوفه عليها ممكن أسلوبه عكس كذا بس لازم تفهم البنت ليش يعاملها اخوها بهذا الاسلوب ..
هل هذه أسباب تجعلك ترفضين صداقتك مع أخيك أم هناك أمور أخرى؟ ..
أناا ماأرفض أبداً أصادق أخوي واحاول ابعد المصالح بينا عشان كلنا في الاول والأخير نحب بعض وتهمنا مصلحة بعض ..
من أجل استمرار المحبة بين أفراد العائلة هل من الممكن ان يصبح الأخ صديقا لأخته
؟
نعم ممكن وأكثر من الصداقة الأخوية كماان ..
وهل لهذه الشخصية الأنثوية الناعمة قدرة على التناغم مع أخيها ؟
هي عندها القدرة بس تتحمل أسلوب اخوها مراعية تعامله معاها من باب الخوف والحرص عليها
وفي النهاية حابة أقول إني استمتعت بالنقاش والجديث وأتمنى اكون موفقة في رأيي
سلمت يمينك يا لؤلؤة القرآن ودمتِ ذخراً مميزاً بطرحه بيننا ^ ^
::
لا إله إلا الله
الروابط المفضلة