>>>سواق لكم أنا .. عطيتكم وجه أنتي وياها. . والله العظيم ما أوديكم عقب اليوم( وجه عاظ لسانه من القهر )

<<< مراهق توهـ ماسك سيارة ولا بعد تعود

السلام عليكم ..*

يالله يحهم وحي غاليهم

معليش أقلقناكم بالعنوان الساخن

نسيت أقول لكم .. هذه صورة من هواش أخوي المراهق ههههههههههه

يالله حيهم مرتن أخرى

ايه تخبرون المراهقين واجد في هالدنيا وأغلب البيوت ممكن يكون فيها واحد ولا اثنين .. ولا سبعة ولا يصير خاطركم إلا طيب ههههه

وبالتأكيد شخصياتهم تختلف .. أحيانا يجيك عصبي .. وأحيانا هادي.. وأحياننا مرح .. وأحيانا أقشر . عاد أنتي وحظك ههههههههه
..
وحنا يا البنات في الغالب نشتكي من خوانا خاصة المراهقين أنهم يسحبون علينا .. ولا يناظرونا .. وأربع وعشرين ساعة مع أصحابهم .. وفي الحقيقة معنا حق

لكن لو تأملنا في أسلوب معاملتنا لهم بنلاحظ أن بعض أساليبنا تحتاج إعادة نظر

إذا تبين أخوك المراهق وغير المراهق يهتم فيك ويناظرك ويسأل عنك .. .. حاولي تجربين هذي الأشياء

أولا شي : في سن الطفوله ...أغرسي في أخوك من هو صغير .. حب خواته ( وأنتي منهم ) .. وعوديه على الإهتمام فيهم واحترامهم والسؤال عنهم .وحمايتهم. حتى يحس بالمسؤوليه من هو صغير

وأيضاً تعلمي تحترمينه أنتي وخواتك.... وتعطينه بدون ما يسألك .. حتى يكون احترامه لك ولخواتك موب مجرد عرف اجتماعي .. او شي واجب عليه .. وإنما .. يحترمك لأنه يحبك ويحب يهتم فيك .وراح يكبر ويكبر معاهـ بهذا لتصور.

موقف ..!

وحدة من صديقاتي تسولف علينا .. تقول .. كان عندي طائر >> ( نسيت وش أسمه ) أهتم فيه .. وأوكله وأشربه .... ويوم من الأيام كنت بالمدرسة .. فجا ولد أختي الدلوع .. ودخل غرفتي ..وبدا يحوس فيها .. وشاف الطائر ....لما حرك القفص طاح منه على الأرض .. وبعدها مات الطائر هذا .. رجعت من المدرسة وشفت المنظر .. وقالوا لي السالفة .. لحقت ولد أختي أبذبحه .. وهو أنحاش .... لما بغيت أصيده جت أمه تركض .. واحتضنت ولدها .. وقالت ..إذا تبين تطقين .. طقي أخته .. اما ولدي لا تلمسينه >> تقول هذا الكلام وولدها يسمع !!!
>> وش تتوقع هالأم في معاملة هالولد لأخته إذا كانت تربيه بهذي الصورة

2 - . حاولي تعطين أخوك المراهق .. الأشياء إلي يحبها وأنتي تقدرين عليها .. بدون ما يطلب .. لأن هذي الحركة تقدرين تكسبين فيها أي شخص موب بس أخوك

3 - .. حاولي تشاركينه في اهتماماته وميوله .. أبعطيكم مثالين

الاول .. واحد من خواني يعشق شي أسمه رياضة .كل ما جلس معنا بدا يتكلم .. الفريق الفلاني طلع من الدوري والفريق الفلاني تأهل .. واللاعب الفلاني عطوهـ كرت أحمر هههههههه
في البداية ما كنا نعطيهـ وجه .. ونمل من سوالفه .. عقب ما عاد صار يقول لنا شي هههههه
وفي يوم قررت أسمع له .. جلست معه وسألته عن ياسر القخطاني هههههههه هو طار من الفرحة .. وجلس يشرح لي بالتفصيل .. ثم قال تعالي أبوريك مقاطع في اليوتيوب والله أهداف خطيرة .. قمت معه .. ثم بعدها صار صديقي هههههههه

وواحد من خواني .. مسافرا لكندا .. الحاصل إني لما أشوفه بالمسن .. وأبي اكلمه وأسأله عن أخباره ما يعطيني وجه ... جيت من بكرة .. ومعي معلومات عن دولة كندا .. وعن بعض أماكنها السياحية وعدد سكانهم ..و بعض أسماء جامعاتهم وتخصصاتها
مجرد إني طرحت بعض المعلومات .. وهو إلي يسلك معي .. ويعطيني علومه وأخباره وسوالفه هو واخوياهـ

4 - حاولي تنادينه بأحب الأسماء والألقاب إليه .. يعني بعضهم وخاصه الأقشر .. يحب ينادونه الناس .. يا قوي .. ولا يا قاهرهم .. ولا يا بطل .. وبعضهم يحب ينادونه يا خلوق .. ولا يا راقي .. ولا يا مثقف .. يا مبدع .. يا ذكي .. يا داهية .. ولا والله أنك خطير هههههههه >> على حسب إلي يناسب اخوك

5 - إذا عمل لك حاجه طلبتيها منه...أشكريه أمدحيه وريشي به وعطيه من ذا الرخيص .. >> ترا هالأسلوب ينفع مع كل الناس وخاصة المراهقين .. لأنهم بيحسون بأهميتهم وأن فيه ناس تقدر جهدهم
واحد من خواني .. ودانا للسوق وهو معصب ولا له نفس .. يوم جا يرجعنا .. ونقعد نمدح فيه ذاك المدح .. وسبحان من غير مزاجه بلحظه .. في النهاية قال .. أنا أدري أصلاً انكم ما تستغنون عني ههههههههههههه

6 - .. بعض البنات أخوها ما يعتمد عليها في شي .. يعني لا تطبخ ولا تسوي له شاهي ولا تغسل له ملابسه .. كلش على الشغاله .. .. بهالشكل وشلون يحس بأهميتك او بوجودك حتى .. أنا أدري أنك موب ملزومه تشتغلين له .. بس إذا تبين تكسبينه .. لازم تخلينه يعتمد عليك بشي
لأن حتى لو أستنذل عليك في يوم لا سمح الله .. بيكون عندك سلاح تخلينه يرجع عن كلامه غصب عنه

7 – إذا عصب عليك في يوم وقام يهاوش ويسب ويهزئ ..خليه على راحته .. لين يهجد .. إذا هبط وطلع إلي في خاطرهـ أعتذري منه .. واذكري أفضاله عليك>> باختصار العبي عليه هههههههه

أبقول لكم سالفة
واحد من خواني جا يآخذني أنا وأختي من الكلية .. الموهم اننا تأخرنا عليه نص ساعة .. كله الحرر وحرقته الشمس وقفلت معه ع الآخر .. أول ما ركبنا ويستلمنا تهزيئ هههههههه
مشينا للبيت وهو يهزء ويشرشح .. يوم هجد .. قلت له : والله اني دارية أننا غلطانين .. وأننا مالنا داعي يوم نلطعك في هالحر .. آسفين يا أخي لا تزعل . . ويالله عشانك أبعشيك اليوم من المطعم . . كم عندي من أفلان بسس .. تصدق عاد أنك حبيب . وإني أفتخر أن عندي اخو زيك >> هو خلاص داخ ..ههههههههههههه

..

هذي بعض الأساليب إلي جربتها مع خواني وجابت نتيجة هايلة

أنتظر آراءكم وإضافاتكم

ممآآ رآآآآقــ ليــ

أسومه .. نورتِ الحوار ..

غاليتي ..
لو كان حال المراهقين كحال صاحب الكاركتير لقلنا على شبابنا السلام
لأننا نتطلع لجيل واعي ينهض بالأمة بدلاً من أن يفكر بمتطلباته ..

يوجد لدينا نماذج رائعة من أبنائنا في سن ( المراهقة ) لكن مشكلة
بعض الأسر أنها لاتنظر لـ أحتياجات أبنائها النفسية وأعطائهم الفرصة
للتعبير عما في خواطرهم لأنهم يفتقدون فن التعامل معهم ..

أوردتِ بعض الصور لكيفية التعامل معهم ..
هم بحاجة لمن يفهمهم ويشاركهم هواياتهم وإن لم تكن
مقبوله بإمكاننا تطويعها وتعزيز الجانب الإيجابي فيها ..

المهم أن ندعوا لهم دائماً بالتوفيق والهداية .

بإنتظار جديد قلمك معنا .

تسلمي عيوني كلام رائع

أنتي قلتيها بنفسك ( مو كل المراهقين زي بعض ) ..


بس صراحة بعضها ممكن يجيب فائدة ..


- إلا نقطة واحدة مالها داعي وهي ...


" بعد ما يهزئ أعتذري منه "

غلط في غلط ,,, شوفي ترى فيه مراهقين أغبياء يفهموا هذه الحركة إنها

خوف وضعف شخصية ويستأسد بعدها لأنه حس إنه رجال وقوي ..

جزاك الله كل خير .

مشكوراخى الكريم

مشكوره موضوعك جميل.

جـــــــــزأإكــ الله خــــــيـــــر..}.~..

لك مني ألف شكر.

كلامك رائع ..

بس صعب التنفيذ ...!!!