بسم الله الرحمن الرحيم
لكل الاخوات العزيزات ،
أحب أقول حاجه بس متردده ، أقول يمكن وحده تقول هذه فاضيه والا ما عندها سالفه ، بس يا جماعة الخير تراني أتكلم صدق و من الحزن اللي أحس فيه بسبب الغربة .. مخليتني أفكر أني أرجع ولا أعوّد ، فهل ممكن ألقى عندكم حل ...؟ يعني تكونون لي مثل خواتي وزميلاتي ...! والا أنا فعلاً ما عندي سالفة ... يمكن اللي مجربة الغربة وجايه هنا و ما عندها حد من أهلها ولا زميلاتها بتفهم معاناتي ، واذا لقيتوا يا عزيزاتي أني فعلاً فاضيه و ما عندي سالفة طنشوا كل الكلام اللي مضى ... وشكراً لوقتكم الثمين .
ولكم تحياتي .

حياك الله يازوزو اخت وزميله وعضوه ايضا ....وكلنا فى المنتدى مثل الاخوات .... وان شاء الله تستانسين فى الاوقات التى تقضينها بصحبتنا ....مع تحياتى ....

حياك الله اخت زوزو بيننا حنة نكون لكي زميلات واخوات و صديقات و الي تبغينا
و كلامك صريح وصحيح بعد
وتقبلي هذه من اخواتك و اخوانك في المنتدى ...

مع تحياتي لك
اختك الغريبة

والله يا زوزو معاك حق .......
فعلا الغربة صعبة واللي يدو في النار مو زي اللي يدو في الموية.....
انا مغتربة زيك ،صحيح في نفس البلد لكن كانها بلد ثانية ، العادات غير واللهجة وطريقة التفكير كاني في بلد ثاني تماما.
على العموم الواحد يحمد ربه انه في بلد عربي ، لان النكبة الحقيقية هي الغربة في بلد اجنبي.
انا اول ما جيت الرياض كنت زيك واكتر كمان ، ما اعرف احد بمعنى الكلمة ، ولا اخرج بالاسبوع ، لكن دراستي هونت علي الحكاية، وانصحك انك تلاقي اي شيء يشغلك والا حتكلمي نفسك بعد فترة .
اتمنى انك تعتبريني مثل اختك او حتى صديقتك و تلجئيلي في كل صغيرة وكبيرة.
وسمعينا صوتك دايما و على قول الانجليز' keep in tatsh'.
انا للاسف مسافرة وحاغيب شهر ، لكن ان شاء الله لما ارجع نكمل كلامنا.
ياريت لو تبلغي البنات وبيبااااااااااااااااااااااااااي. حتوحشوني من جد. .

هلا يا ام زوزو معاك حق فى الكلام اللى قلتيه وانت اخت عزيزه واللى يدخل هذا المنتدى الراقى مايحس بالوحده كلنا اخوات واهل ولا تشيلين هم واعتبرينا اخواتك وانت بين اهلك ولك تحياتى

مرحبا زوزو
ياهلا فيكي ....
اعتبرينا مثل خواتك وأكثر بعد ....
حياك الله وفضفضي على كيفك ......
على فكره أنا إلي خلاني أسجل في هذا المنتدى هذولي الأخوات صراحه طيبين مره .......
تحياتي لك.....

مرحبا فيك يا زوزو اخت معانا ............
افا عليك يا زوزو لا تتنكدين ............
واحنا كلنا اخوات في المنتدى الطيب........
ومرحبا فيك مرة اخرى..........
وبعدين دام اشتركت في المنتدى لا تشيلين هم مش راح تحسي بالغربه......معانا......
انصحك بممارسة الهوايات التي تحبينها........
بصراحه انا لما اتضايق على طول افتح كتاب طبخ اقصد كتاب حلويات....................... وهات يا تجارب.......واقعد اجرب في هالحلويات الى ان اضبطها .........
او عندك الرسم ما احلاه انا اشتري من المكتبه كتب تعليم الرسم وايد حلوه.................
وعندك الخياطه والتطريز...........في كتب تعلم التطريز.............

بسم الله الرحمن الرحيم
لكل أخواتي الطيبات أقول ...
والله العظيم ألف شكر ، وألف تحية على أهتمامكم في كلامي و أشكركم من كل قلبي أنكم عطيتوني من وقتكم وهذا ان دل فهو يدل على طيبة قلبكم و أنسانيتكم المحبة للخير للجميع ، عسى ربي يوفقكم دائماً وأبداً ويفتح لكم طريق الخير والسعادة ..

و على كذا ما أظن أنه راح يمر علي يوم وأنا متملله فيه فكل ما جاني الملل راح أدخل عندكم .

وبكل صراحة ...... أسعدتوني جداً الله يبعث لكم السرور في آخرتكم .

لكم تحياتي . ......

اهلا و سهلا بك اختي زوزو و اعتبريني اختك وو الله حاسه بمعاناتك بس يقول المثل الي يشوف مصيبة غيره تهون عليه مصيبته , و انت محظوظة يا اختي لانك في بلاد الاسلام و قريبة من الاراضي المقدسة , و سوف تجتازين هذة الفترة قريب و تعتادي على الاجواء و تكوني صداقات و تستطيعي ان تملىء وقتك بالاشياء المفيدة مثل تعلم القرآن و ان شاء الله ربنا معك و الله يوفقك و اعرفي ان فراق الدنيا و لا فراق الآخره .