السلام عليكم

جلست أفكر كثيرا .. و أتأمل حالنا نحن العرب في كافة بقاع الارض ... و تخيلت العالم العربي كيف سيكون حاله اذا لم تكن امريكا موجودة على وجه الأرض.. تفتكروا .. هل سيكون حالنا أفضل؟؟

لن أقول ما تخيلته قبل أن أعرف تخيلاتكم

اتركينا من التخيلات عزيزتي وخلينا في ارض الواقع ..

فما الفائده من تخيل عدم وجود لشيء موجود ...

وبكل الاحوال لو ما كان في امريكا اكيد بيكون في غيرها مثلها ... فالشر موجود في عصر ومكان .

التخيل جميل
لكن الواقع اقوى

و لفظ لو ضد العلم وضد التاريخ

لاننا لا نملك ان نغير التاريخ ونرجعه الى الوراء لنحذف ونضيف

وقدرنا ان نعيش في عالم نتقاسمه وامريكا واسرائيل
وكافة رموز
الى ان ياذن الله ..

اانا اقول تخيلوا العالم بلا يهود

والا امريكا تروح ويجي غيرها

انا فاهمة ليه سؤالك دا و انه مش معناه يا سلام على الدنيا من غير امريكا كانت تبقى جنة
لكن معناه هل احنا اقوياء و مسلحين كفاية بديننا و علمنا لفرض هويتنا

لا لو امريكا مش موجودة برضه هنبقى ورا و دول كتير مستنية الفرصة هتتقدم منها اليابان و انجلترا و فرنسا و الصين و غيرهم كتييير

يعنى ااقصد ااقول انه المشكلة الاساسية مش فى امريكا و اسرائيل اللى احنا بندعى عليها ليل و نهار

المشكلة فينا احنا اللى همشنا دور العلم و التعليم و مش فى الحكومة بس

فى مشينا وراها فى بعدنا عن ديننا و عن ايمانا

و لنفرض حتى النهاردة غيروا حكامنا قولولى حتى لو مين حكمنا برضه محتاجين سنين لتغيير انفسنا
يعنى شوفوا حالنا احنا بحالنا دلوقت نستحق نحكم العالم

الاهل و لله الحمد مش فاضيين يربوا و مش من ضيق ذات اليد و انما من الطمع و اللهث وراء المادة
الناس زمان كانت غلبانة و من اهالينا اللى كانت بتمشى طول السنة بجونلتين مفيش غيرهم و حامدة لربها على النعمة و تبيع ذهبها عشان تجيب كراريس لولادها فى بداية العام الدراسى

انما دلوقت الاهل ما بيشبعوش و عايزين كمان و الامهات سايبين التربية للشغالات و بيشتغلوا
مش باعيب فى عمل المراة بشكل عام لانى انا شخصيا اشتغلت و لكن شغل معقول صباحى
واولادى ارجع لهم ااقضى معاهم بقية اليوم و كان عندى نبطشية واحدة فى الاسبوع

و لما سافرت الخليج رفضت اشتغل لان الشغل اللى كان قدامى مجهد و هاضطر اسيب اولادى طول اليوم حتى بعد عودتهم من المدرسة مع الشغالة بدون رقابة دا غير نبطشيات 24 ساعة مرابطة فى المستشفى

و تسوى ايه الفلوس جنب ابناء مش متربيين و لا عارفين حاجة فى دينهم و بتأتأوا مابيعرفوش يتكلموا دا غير عدم انتمائهم لا الى الاهل او الدين او الوطن

دول اللى هيحكموا و لا الشباب الجميل اللى مش عارف دينه و بيجرى ورا الموضة و بيستعر من لغة القران و طول النهار يتكلم انجليزى عشان يبين انه متحضر و مثقف و هو عمره ما قرا كتاب
دا غير اللهث وراء كل مساوئ الحضارة الغربية

لو تشوفوا دلوقت الاطفال عمر 10 سنوات يقولوا التعليم مش مهم انا عايز اطلع لعيب كرة و احترف بره و اخد اى كلية 4 سنين و خلاص على كدة

هما دول اللى عايزينهم يحكمونا ولا البنات و الشبان اللى ماعادوش بيحترموا المدرسين فى المدارس و اهم حاجة ايه اللى بكره نشتغله عشان نقبض منه

طبعا انا باتكلم على ناس سوية مش هاجيب كمان سيرة الفئات الضالة المضلة

انا عارفة ان فيه ناس كويسة جدا و يبربوا احسن تربية و مهتمين و فى داهية الفلوس

بس لو بتخرجوا هتحسوا انهم مش باينين فى وسط هوجة الشباب الضايع

يا جماعة قبل ما نقول العيب فى امريكا و غيرها نبص لديننا لازماتنا اللى المفروض نطلع منها بحاجة

احنا لو كنا اقوياء كفاية كنا فرضنا ارادتنا على شعوبنا كنا فرضنا لغة القران الكريم بدل اللغة الانجليزية على حياتنا و علمنا

بس لسة الفرصة موجودة مادام الساعة ما قامتش لازم نغير نفسنا و حياتنا و ما نبصش تحت رجلينا بس نبص لقدام نفكر فى الجيل اللى بنربيه و نحتسب تربيتنا عند ربنا

يعنى اولا نبدا نقرا زى الاول و نفهم اهمية العلم اللى خلى الغرب يتفوقوا علينا و نعد اولادنا اولا دينيا و اخلاقيا لانهم لا ينفصلوا و نغرس اهمية القراءة فيهم و اهمية التسلح بالعلم و ان الدين و الاخلاق و العلم سبيل النصر و التقدم

لازم احنا كمان نتغير و يشوفوا فينا القدوة الصالحة من كل النواحى لان الطفل بيقلد اللى بيشوفه مش اللى بيسمعه

عيدوا ترتيب حياتكم تانى و اقروا فى كتاب الله و شوفوا مدى التوصية على التسلح بالعلم

و يللا كلنا نتعاون نطلع جيل جديد موحد مؤمن بالله متعلم مثقف رياضى عشان ننتصر و نفرض ارادتنا

و معذرة على الاجابة الطويلة

و لكم الاحترام و التقدير