السلام عليكم ورحمه الله //
تسيف الحال منورين
الحقيقه بودي اتكلم اليوم عن حاجه غافل عنها كثير من الاباء وفوق هذا يقلون وش سبب انحراف عيالنا :dede:
الا وهي ثقتنا بالقنوات الفضائيه والارضيه ثقه عمياء مما حدى بها ان تكون مصدر شر ومنهل يتعلم منه ابنائنا واخواننا امور لايجب عليهم تعلمها ومن هذه الامور المخدرات
قبل فتره ليست بالطويله شاهده احدى البرامج التي تحذر من المخدرات طبعا قلت ياولد شف وش عندهم علشان لو حدتك الايام ولا شي ورا عندك حصانه ثقافيه ضد هالسموم (( وخرو عنه هالمثقف )) والله وتمشي الامور تمام وفجاءه ياتي من يمثل دور المدمن ويخرج حقنه من جيبه ومن ثم يصورون كيفيه تعبئتها ومن ثم طريقه حقنه بها ؟؟
كان جنبي اخوي الصغير توه بثاني ابتدائي فطفوط ماتعدي 8 سنين قلت له انت وش مقعدك هنا ورا ماتروح تحل واجبك (( مثل حال كل الاباء كل ماشاف ولده قاله الواجب على باله حريص )) قالي ليه وش فيه التلفزيون . قلت له حاجات المفروض ماتشوفها ,, قال لا عايدي اصلا يجيبون اكثر منها
انا قلت خلني استدرجه دامه مخفه ويعلم على طول وقلت له وش شفت يامال العله انا ماني قايلك لاتدخل غرفتي تتفرج بالدش قال لا هذي بالسعوديه دايم يجيبون هالبرامج وصرت افرق بين الدخان والحشيش ياهو غير بدل قال ابد هذا اللي صار تبيني اوريك قلت لا مشكور قم اقلب وجهك لا اشوتك الحين (( عارف نصبه لكن مشوها لي اخر مره
والله وارجع الذاكره شوي لاعاده مشاهد البرنامج فماذا وجدت صحيح انه للتعليم والافاده لكنه لم يعرض الخطر كثيرا ولم يلقي الضوء على اساس الوقوع فيها او طرق تجنبها وكيفيه تلافي اخطارها وانما امتعنا باخراج رائع وسرد للاحداث مشوق عن كيفيه تعلم مثل هالامور وصور بشكل متقن وسلس مدي الشهوه التي يجدها ذلك المدمن عند تعاطيه مثل هالمحرمات بل جعلوها بمكانه المنقذ له من الام العذاب التي يعانيها
فكل من يشاهدها على جهل او صغر يرى انها ممتعه وشهوانيه ويصيبه التطفل بتناولها ليرى هل فعلا تستحق ان يفعل ذلك الشخص ماعمله بالمشهد ام لا وهنا فقط يقع مالا يحمد عقباه وكل هذا بسبب الجهل التربوي الذي نراه في تلك المشاهد ,, فحقيقه لابد لنا ان نحاول بقدر الامكان ان نمنع مثل هذ الامور التي نراها طبيعيه عن ابناءنا واخواننا حتي لا تكون سبب في سقوطهم في هذه الافه
والحقيقه لا تقتصر على برامج التوعيه فقط بل حتي المسلسلات الاسلاميه فهي اشد خطرا من باقي المسلسلات ففيها يتم وضع اناس عاصون لاهون عن الاخره في مقام الصحابه وافاضل من عاشوا القرون من علماء وخلفاء ونحوه بل وصل بهم الحد ان يمثلو دور امهات المسلمين وهم متبرجات سافرات والمشاهد العربي يراها ولا يهتم لخطرها بل قد يعتبر هذه هي صفوه الاسلام ويلزم اهله بالتقيد بها وكلها اوهام لا اساس لها من الصحه
ولعلي استدل بحادثه هارون الرشيد فاغلب الناس يراه فاسق ويحب الغناء والجواري وكل هذا اقتنعو به من خلال تلك المسلسلات المستنده على نصوص خطت للتجاره ولا شي غيرها ولا اساس لها او مرجع مصدق جعلو ذلك الخليفه الذي يحج عام ويغزو عام في مقام الخليفه الفاسق والغريب ان القنوات الارضيه والفضائيه العربيه المدعيه الاسلام تنقلها وتعلن عنها بكل وقاحه لياتي دورنا نحن المشاهدون لنكمل شريط الاحداث بتصديق مايقص علينا ,,, والعمل به احيانا
لم يعد الخطر ياتينا من الغرب فالغرب خلاص اصبحو يعلنون امورهم علناً لا يابهون لاحد لانهم موقنين ان هناك من يتبعهم لكن الخطر اصبح ياتينا من داخلنا ومن مصادرنا نحن فاصبحنا ندمر انفسنا بانفسنا
حبيت اقول ياخوان ان لم تريد ان تزيل القنوات من منزلك فاهم اخي بما يعرض في قنواتنا وحاولو منع مايحدث من مهزله وانشالله نحاول جاهدين ان نزيد من الوعي لدي ابائنا وابناءنا (( ماسكه اليوم على ابناءنا مادري ليه :dede: )) وانشالله اكون وصلت الفكره ماطولت عليكم والسلام عليكم