الصاحب ساحب

السلام عليكم :

الصاحب ساحب (قصة حقيقة بكل حرف فيها)؟؟
نبداء القصه ونرجع جم سنه وره عندما كان مبارك ولد عائله كبيره وخالد وسالم ربعه كانوا ينطرون سايق مبارك يجي لهم علشان يوصلهم لي مدرسه ليقدمون امتحان ثانويه عامه .. اخر سنه .. عندما وصلوا الثلاثه بقرب من بوابة مدرسه شاف خالد رفيجه بدر كان يدور رقم جلوس واذا يقول حق خالد ..

بدر : خالد ابيك شوي ما عليك امر
خالد ( يروح لي بدر وهو ضايق صدره لانه عارف شنو راح يقول) نعم شتبي خلصني ..
بدر : يا صباح خير .. يااخوي ترنا ربع من ايام ابتدائي .. شفيك يوم تشوفني وجنك شايف بليس
خالد : اقول مطول في حجيك عطني من اخر ..
بدر: ابي اقولك شغله .. ربعك هذيل راح يورطونك .. تكفى وخر عنهم ..
خالد : بدر اقول مالك شغل فيني .. وخر عني ..
في هذه لحظه يجي سالم ومبارك ..
مبارك : شفيه هذا خالد شنو يبي ..؟؟
بدر : خالد اوكي انا اسف لو ازعجتك .. ومع سلامه
خالد : بلي ما يحفظك .. يالله شباب نبي نقدم اختبار ولا تطولون وكانكم خلاص راح تنجحون خلصوا بسرعه

يردون عليه ما عليك ما راح نطول .. ويدشون القاعه وتجي حزت نصف الوقت .. ويطلعون وعين بدر على رفيجه خالد .. ويقول بينه وبين نفسه يا حساف والله كنت خوش ولد وكنت قبل اغار منك في صف .. بس بعد ما رفجت ولد عز ويه سالم خربت .. يا حسافه ..

ويروح خالد لي بيت واذا في امه جالسه في صاله ..
ام : ها ولدي شنو سويت في اختبار .. ان شاء الله حليت زين .. تكفى تراني من امس ما نمت احاتيك ..
خالد : أي أي ما عليج ان شاء الله زين ..
في هذه لحظه تنغشي الام وهي جالسه .. ويركض خالد لي امه يرش عليها ماي
خالد : يمه يمه ردي علي .. يالله كل يوم نفس شغله ما تروحين تراجعين طبيب
ام : اه يالله .. ما عليك ان بخير بس روح دق على خالتك قوله تي الحين ..
دق على خالته وطلعت من دوام ويت لي بيت بسرعه ..
الخاله : شفيج ام خالد .. عسى ما شر ..
ام : ما فيني شي بس يا ولدي خالد روح ارتاح شكلك تعبان من اختبار ..
خالد .. يروح ويطلع من صاله ويجلس يم باب يتسمع ..
الام : وخيتي .. تكفين لا يدري خالد .. بلي صار لي ..
الخاله تحط ايدها على قلبها : ليكون طلعت تحليل نفسها .. يت من لندن
الام : أي يتي على بريدي في دوام .. وانا انفصلت من شغل .. وتني يايه وسجلت بيت بسم خالد .. ورصيد فيه 90 الف دينار حطيته في احسابك امانه لو صار فيني شي
الخاله تقاطعها ) فا الله ولا فالج ..
الام : شوفي نعم في الله .. بس الي فيني خلاص انتشر في جسمي .. ولا له شفى
الخاله ما تقولين جي انتي راح تسافرين وان شاء الله تطيبين وترجعين لي بيتج ولد وظيفتج ..
الام : ان شاء الله يارب ارجع حق خالد .. توه صغير .. ولا يقدر يتحمل يعيش وحداني ولا عند عمات العقارب .. الله ياخذهم وين ما راحوا ..
الخاله : امين يا رب انتي ارتاحي وان شاء الله باجر راح تروحين ..

في هذه لحظه .. ما عرف خالد شنو سالفه .. وقال بينه وبين نفسه .. اذا جي شكله ما فيها شي .. انا شكوا في سالفه وراي جلسه في شاليه بعد شوي ولزم ازهب روحي ..

وفي ساعه 5 العصر نادت ام خالد لي خالد

الام : خالد تعال يمه .. اقعد يمي ابي اسولف وياك ..
خالد : يطالع حق ساعتها .. ويقول اوكي ..
الام: يمه انت شلونك .. نقص لك شي .. علمني .. شنو في خاطرك .. قول أي شي ..
خالد : ابي فلوس ..
الام : بس ما طلبت شي جم تبي خبرني ..
خالد: انتي مدت ايدج حلوه ..
الام : تعال يا ولدي داري ..

في الدار الام ..

جلست ام على كرسي بقرب من تسريحه .. وقالت خذي يا ولدي هذه 300 دينار ..
اندهش خالد .. من امه ..

خالد : يمه اذا هذه جي عطيتج .. شلون يوم عرسي شنو راح تكون هديتج

الام ( انزلت دمعه من خدها ) وضمت خالد على صدرها .. اعطيك روحي .. تكفى يا خالد ابيك ترفع راسي .. تكفى يا يمه .. ما عمري بخلت عليك في شي .. افكر فيك قبل لا افكر في روحي .. ما ابي عماتك ولا ابوك الي قطنا وراح .. مع مرته اليديده يطمش علينا .. تكفى اذا لي في قلبك معزه انك ما يقولن ان امك ما قدرت تربيك ..
يدق تليفون خالد واذا في مبارك يقول حنا بره .. تعال ..
خالد : يمه انا طالع .. تبين شي
الام : لا خلك .. معاي اليوم .. بس اليوم .. تكفى
خالد : ربعي انا مواعدهم .. وانتي تبيني تقعديني عندج .. انا طالع
الام: ودمعه في عينه .. تمانعه ان تنزل .. روح يا ولدي .. في درب سلامه .. ولا تطول علي
خالد : اوكي باي ..
الام: باي .

ويطلع خالد يركض من بيت ولحظة ما قرب من باب قال حق ربعه اوووو .. نسيت تليفوني .. راج لك .. ويرد حق دار امه .. واذا هي تحظن صورته وهو صغير .. وتبجي عليها ..

خالد : يمه شفيج ..
الام : ما فيني شي . ليش ما رحت . شنو تبي تقعد معاي يا يمه
خالد : لا يت اخذ تليفوني نسيته ..
الام: خذه وتذكرني فيه .. في كل دقه .. لانه كان غاليه حيل يوم نزل .. ولا حبيتك تنطره لين يرخص سعره .. وشريته لك .. مثل ما شريت لك اشياء وايد .. وحبيت ان تكون احسن عيال ..
خالد : مشكوره باي

تجلس الام وحيده في بيت الكبير .. وتكتب وصيتها اخيره لي خالد .. قبل يوم سفر ..
وضعت الوصيه في صندوق ذهب وعطتها حق اختها

وفي نفس لحظه كان خالد .. مع ربعه في شاليه مبارك .. بين اغاني وبين بنات وبين خمر الي فاحت ريحته في شاليه .. ويدق تليفون واذا مبارك يصيح بدريه بدريه دقت سكتوا شباب .. واذا بدريه تكلم مبارك وتقول تراني جيايه .. وياي الغرض .. وابتسم مبارك وقال تراني ناطرج .. وتجي بدريه فتاة بي ثلاثين من عمرها .. لكن لبسه وكانها فتاة مراهقه .. تقبل مبارك وتقول لها طولت عليك حبيبي .. واذا ويها علبة كلنكس .. هنا استغربنا السالفه .. شنو هذه علبه الي كان مبارك يبي ينجن عليها .. واذا تفتح علبه وعين مبارك عليها وحنا كلنا عليها ,, تفتحها بدلع .. وتطلع منه منديل منديل لين فضت نص علبه وفي اخير طلعت كيس بودره ابيض اللون .. وخطفه مبارك من ايدها وقال يالله من زمان وانا ابيه .. قالت وايدها على ايد مبارك الي ماسك فيه الكيس حبيبي كل شي بحقه .. واذا سالم يجي حق مبارك يقول لها مبارك حبيبي تراني وياك .. وبنات يقولن لا يبه تراني صج في سوالف صياعه وياكم مو في مخدرات بعد مالنا شغل ويطلعون ويبقى خالد وبدريه وسالم ومبارك و يقوم مبارك يصك شاليه .. ويقول يالله شباب هذه راح تنسيكم كل اهمومكم .. ويرش بودره كله على طاوله ويقول خالد لا يبه انا مالي شغل .. انتم كيفكم .. قالت بدريه شفيك يا دادا .. خفت .. لحظه ابي اوريك شي .. شوف هذا انا اشم .. يعني لو فيه شي جان اناما شميت ..تره الحكومه يوم تسوي هذه اللويه على فاضي بس لانه تعرف لو زاد هذه ادويه في دوله يطيح اقتصادها .. وهي ما تسوي شي بس تخليك تستانس .. ويصارخ خالد قلت لج مالي شغل ويطلع من شاليه ويجلس على بحر .. وتجي بدريه بخطوات رقيقه على رمال البحر .. وتجلس بقربه تلسق جسمه في جسمه .. وبيدها كاس من ريد ليبل .. وتقول حلفت عليك ما تردني .. اشربه من ايدي .. وينظر خالد لي بدريه وعيونها سوداء ولا يعرف كيف شرب هذا الكاس .. واذا هو يحس في شي غير طبيعي .. يجعله يضحك .. وهي تضحك ويه .. ويطلع الصباح واذا في شاليه متغير .. وكل واحد فينا جسمه يعوره .. وباب شاليه فاتح .. وصاله كله ريحة خمر .. ومعفوسه وكانه كانت فيه هوشه كبيره .. وقمنا ولا روسنا ما تقدر تشيلنا انا ويه سالم .. اما مبارك كان طبيعي .. قنا مبارك شنو سالفها .. قال ما عليكم كله من دواء .. قلت مبارك انا ما شميت .. واذا في بدريه تطلع من غرفه .. وتقول لا حبيبي انت ما شميت لكه عطيتك هذه حبه .. في كاس .. شنو رايك فيها .. قام خالد وكان وده يطقها .. لكن الغريب انه دزته في ايدها واذا هو يطيح على ارض .. ما كان يقدر يشل روحها .. وتقول حق مبارك حبي اذا تبي غرض .. تره كل يوم احسب حسابك 200 دينار .. قال ما عليج كل شي علشان عيون شباب .. جلس خالد في طرف غرفه وهو يفكر ويقول انا ابي اقطع هذه سوالف .. قال خالد مبارك نادي سايق خله يردني لي بيت .. ماني قاعد ..قال شوف تراك اذا طلعت من هني .. ما راح تي مره ثانيه .. قال خالد يكون احسن .. ورد خالد لي بيت .. وراسه كل شوي يزيد عواره .. ويوصل البيت واذا في جارهم ينادي لي خالد ..
الجار : خالد خالد خالد ..
خالد يلتفت خالد لي جار وراسه يفتر ) نعم شتبي
الجار: يبه امك سافرت وقالت اذا يت دق على خالتك تبيك ..
خالد : استغرب شنو سالفه ليش امي ما دقت على نقال .. واذا يشوف نقال ماله واذا في 20 اتصال لم يرد عليه .. واذا يقول بينه وبين نفسه يا ربي شنو سويت امس
ويدق على خالته
خالد : قوه خاله ..
الخاله : انت وينك امك شويت وتنجن عليك شنو فيك ..
خالد : كنت سهران عند ربع .. شوف خلك مكانك وانا قريبه من بيتكم جايتك

بعد خمس دقائق توصل الخاله .. ويركب خالد ويها ..
الخاله : انت شنو فيك وينك
خالد : كنت ويه ربعي ..
الخاله : خالد شوف انت كبير ولزم تعرف .. امك مصابه في سرطان مخ وسافرت لندن علشان تتشفى وانت لزم تكون قد الثقه .. تره وايد تحبك .. ولا تبيه تنزل راسه ..
خالد : ( يحط ايده على راسه ) ويقول ان شاء الله .. ان شاء الله ..

الخاله تعجبت من برود اعصاب خالد ..

وصلت بيت .. ويركض خالد حق تليفون يدق على مبارك ..

خالد : الو مبارك .. تكفى ابي حبه ..
مبارك : ( وهو يضحك .. لا يبه لي يهال الي مثلك منا عندي )
خالد : انا ما بي بلاش انا اشتريها
في هذه لحظه تخطف بدريه سماعه .. وترد عليه في دلع .. وعلي عليك تعبان .. الحبه علشان خاطر عيونك سود الي اسحرتني فيه 50 دينار وخدمة توصيل مجانا ..
رد عليه خالد بسرعه : لا يبه .. انا اجيكم مو ناقص فضايح
ترد عليه كيفك ..

ويروح خالد لي شاليه بتكسي .. ويشتري حبه .. ويرد مثل حاله اول يضحك وفي عالم ثاني من اوهام .. ويجلس على هذا موال اسبواع .. لين ما انتهت فلوسه
ويترجى خالد ربعه علشان حبه .. وبدريه تجلس قدامه تتدلع ..
لين ما عصب وحول ان ياخذ حبه غصب من ايد بدريه .. ويقوم سالم ويه مبارك في طق خالد وحذفه بره شاليه .. ويقعد يصارخ واصحاب شاليهات الي يمه يطلعون ويدقون على مخفر .. وتجمع ناس وتخاف بدريه ولا تعرف شنو تسوي .. وتحول تنحاش من دريشة مطبخ .. لكن واحد من جيران مسكه .. واذا في دوريه تجي ويحول خالد ينحاش .. لكن شرطي لحق عليه ومسكه .. ويقعد يخربط في كلام ولا يعرف شنو يقول غير يترجى شرطي في حبه .. ويروح المخفر وتي خالته .. واذا تشوف خالد ويه ربعه جالسين في غرفة انتظار .. تصارخ وتقول هذه اخرتها يا خويلد .. جي تسوي من لله اذا سوت ويه امك الله يسود ويهك وفي نفس لحظه تدق ام على تليفون خالته .. في لحظة غضب وانفعال .. تقول تعالي شوفي ولدج .. ولدج صار مدمن هذه الي ضحيتي في حياتج علشانه .. ويسحب خالد من غرفة انتظار وهو لا يدري في الي صار قدامه .. ويحكم عليه في سجن ثلاث اشهر مع ايقاف تنفيذ ونقله الى طب نفسي هو ويه سالم ومبارك
وبعد ثلاث اشهر من علاج .. ونقله من حاله لين حاله .. خرج خالد من طب نفسي وهو خالد غير خالد امس خالد شي ثاني .. واذا في ابوه ويه عمته ينطرونه بره .. يسلم خالد على ابوه ويمد ايده على عمته وتدزه .. وتقول
عمه : لو بيدي جان حرقتك .. انت ويه امك ..
ويقاطعه ابوه .. سكتي .. هذا توه طالع وهو تغير
تمشي عمه قدام وخالد ويه ابوه ورها .. يقول ابوه
ابوا : خالد كل واحد مو عيب ان يغلط لكن عيب انه يستمر على غلطه ..
خالد : يبه انا خلاص .. تبت وصدقني صرت انسان ثاني ..
عمه من بعيد تقول : أي مبينه اشوفك طالع ولحيتك وصاله لين بطنك وصرت امام .. في مسيد قريب هني روح قوم لي صلاة الظهر ..
خالد : يمسك نفسه .. ولا يرد عليها ..
الاب : شفيج انتي هذا وانا جايبك علشان تكونين لي عون تصيرين لي فرعون ..
خالد : شنو سالفه يبه .. اشوف في عيونك كلام .. صج وين امي .. لين الحين ما يت من سفر؟؟
العمه : السفر ابدي يا حبيبي
قالته في صوت خفيف ولا سمعها خالد ..
ركب خالد سياره قدام يم ابوها وعمه تلعثم في كلام مو مفهوم ..
خالد : يبه وين امي ..
الاب : شوفي يا ولدي امك عطتك عمره .. الله يرحمها .. لانه مرضت في سرطان وهملت روحها ..
العمه : أي من كثر العروس الي تروح والاسوق الي تروح لها .. هذه ما نستها وخلت ولدها هايت لين ما سود ويهنا ويه عائله قدام ناس ..
في لحظه حول يبجي خالد .. لكن دموع عيت تنزل .. ما قدرت ادموع توفي حق امه .. وقربت سياره من بقاله في شارع قال خالد يبه وقف هني ابي اشرب ماي ..
وقف اب ونزل خالد اشتره علبت ماي وهو طالع واذا في سياره مرسيدس وقفه .. وينزل منه رفيجه رفيج ابتدائي بدر .. وهو يضحك التفت عينه في عين بدر
وقعد يفكر خالد لحظة ما يه بدر ينصحه .. وكم مره كان يضحك عليه ..
قرب بدر .. وكان مبين عليه ان لين الحين زعلان .. وكان خالد واقف يم باب البقاله .. وقف على يمينه بدر .. وحول انه يدش .. البقاله وكان حاس في عين خالد فيه .. ما قدر يتحمل روحها .. رد لي وره .. ومد ايدها .. قال يا خويلد انت رفيج ويشهد ربي اني احبك .. تعنق ربع وبجوا .. بج بدر على الي صار لي خالد .. وقال خالد

خالد : ابو ناصر .. تعرف شنو الي فهمته من الي صار فيني ..
بدر : شنو
خالد : صج ان صاحب ساحب .. انت الحين مبين عليك رايح تسجل في كليه .. انت ويه رفيجك هذا الي وياك الي كنت اضحك عليك .. انت سحبته ونجحتوا
وانا سحبني ربعي وانت عارف شنو صار فيني ..
بدر : قال حق رفيجه دش بقاله وانا جايك .. خالد الي صار صار .. وصدقني كل كتب عندي خاشهم لك .. ابيك تدرس من اول وتكون احسن شباب .. مثل اول .. يوم كنت غار منك وانت توك صغير وعمر طويل ..

خالد : قال ان شاء الله .. مع سلامه وتوفيق
ركب سياره خالد .. واذا في عمته تقول شنو كان يبي يعطيك مخدرات ولا شكلكم اختلفتوا في سعر
يقاطعه الاب : اقول انتي شنو فيك راح تسكتين ولا شلون يعني والا والله من باب سياره احذفج .. انتي عمه ولا عدوها
خالد : لحظه يبه .. اقول انا تحملتج وايد .. وتراني توني طالع من طب نفسي ولا على مينون حرج .. يعني لو انقز الحين عليج ونزع عيونج من ويهج ما راح يصير فيني شي .. انتي فاهمه عدل ولا تبين اوريج
العمه : لا يبه فاهمه بس وخر عني

ويقول الاب : وين تبي تروح يا ولدي قال بيت خالتي .. وبعيدن انا اجيك اذا ارتحت قال خلاص
ويروح حق بيت خالته .. ولا تصدق خالته يوم شافته .. وتبجي من فرحه .. ويدور بينهم هذا الحديث ..
الخاله : يا ولدي امك صج ماتت .. بس الي خلق ما مات .. وانت امك يامه ضحت علشانك تكفى لا ترد مثل اول
خالد : ما عليج ان شاء الله ابيض ويهج ..
الخاله .. اذا جي انا مصدقتك بس تعال عنيد امانه لك ..
وتصعد لي دار .. وتفتح كبتها .. وطلع صندوق واعطيه حق خالد ..
خالد : شنو هذه ..
الخاله : هذه ذهب امك ورقت تنازل من بيت وسجلته في اسمك وصيتها .. لك

نزل الصندوق على ارض وفتح وصيه واذا هي مكتوب فيها


هذه وصيته في نص

ولدي خالد .. اذا دريت في خبر موتي .. ادعيلي يا ولدي .. لا تنساني .. تذكر اني يوم انفصلت من ابوك مو علشانه تزوج علي .. لا يمه انا انسان اكبر من تفكير هذا علشان .. ما ابي تي لحظه الي تكون لك حرمت اب .. يمه اذا تبي رضاتي ارفع راسي .. ولا تخلي عماتك يتشمتون فيني وحتى وانا ميته يا يمه .. يمه انا مرضت في سرطان المخ .. وهمت روحي .. علشانك .. ما حبيت اضيع فلوس في ادويه وعلاج .. لانه فلوس الي جمعته كله من وظيقه ومن ورث ابوي علشانك .. تعيش منها وتزوج منها ولا تحتاج حق احد طول عمرك .. يمه ارفع راسك ولا تنزله .. انت ولد امك .. وانا الي طقيت صدر في محكمه وقالت ولدي في حضانتي وانا الي مسؤوله عنه في كل شي .. يا يمه انا ما خليك تعدي عماتك .. بس صدقني انا عشرتهم اسنين .. وعرفتهم عدل .. لا تقطع رحم .. لكن خلك بعيد عنهم .. يا ولدي ديري بالك من عيال الحرام .. يا ولدي هذه الدنيا فانيه .. وما اوصيك في صلاة .. ولا في دراسه الصلاة قبل الدراسه .. لانه هي اساس .. يا ولدي .. اذا خطرت على بالك ادعي لي في رحمه ... ودي انهي كلامي .. بس مدري شنو اقول لك ..
غير الله يحفظك ويطول في عمرك ..

التوقيع امك

وبعد فتره رجع خالد في احسن ما يكون .. وصار مضرب شباب قي اجتهاد ودراسه .. ولتحق في كليه مع رفيج عمره بدر



منقوووول للعبرة