اكيد طبعا دلوقتي مفيش حد ايا كان غني او فقير مش بيعاني من الغلاء الفاحش وارتفاع الاسعار
والمشكله ان المرتبات ضعيفه جدا يعني في مصر مثلا تلاقي موظف يوم مايقول انا قبضت تلاقي واخد 300 او 400 جنيه تخيلوا دول هيعملوا ايه دلوقتي دول يادوب يكفوه مواصلات مع انه ممكن يكون اتصرف عليه الافات علشان يتعلم ويدرس ويدخل الجامعه ويكون ايه المقابل في الاخر 300 جنيه
طب تعالوا نفكر كده لو الانسان ده فكر يتجوز هيكفي بيته ازاي طبعا اكيد اللحمه مش هتدخل بيته الا من العيد للعيد ولو حتي فكر يقضيها رز ومكرونه مش هيكفي ده غير طبعا مصاريف الكهربا اللي عماله تزيد علينا ومنعرفش ليه مع ان الاستهلاك هو هو
ولا كمان لو جاله بيبي هيجيبله بامبرز ولا هيوديه للدكتور ازاي مع الاسف الحكومه شايفه كل ده ومش بتتخذ اي خطوه علشان تقلل الاسعار او حتي تزود المرتبات
وبعد كده بنلوم علي الشباب اللي بيدمنوا المخدرات ولا الناس اللي بتسرق
طب ما الاولي اننا نلوم علي الحكومه
بس انا متاكده برده ان الاسعار هتزيد تاني اكتر من كده ومفيش فايده
ياتري ياحكومه احنا رايحين فين....؟
الروابط المفضلة