سلام عليكم كيف حالكم يا بنات ايش اخباركم طيبين،
يا بنات ، يا آباء ويا امهات ، الكل يحتاج الزهور والورود وتزيين الهدايا عشان التواصل بين الناس والمحلات طبعا على قفى مين يشيل ، ولكن اريد ان احذركم من محل واحد معروف في جدة عند أغلبكم وله فروع كثيرة جدا في جدة والمحل اسمه (ازهار .....)، اعتقد الكل عرفه .
اللي صار يابنات بالتفصيل الكامل : تحكيني الوالدة بحكم حضورها ومساعدتها لاهل العروسة والعريس وتقلي انه تم دفع مبلغ 40 الف ريال كاملا على كوشة فرح عروسة وتم اختيار الكوشة على مستوى وبشكل معين وتم اختيار نخبة من افضل انواع الازهار الفاخرة والمختلفة الالوان وتم ايضا اختيار تصميم فاخر جدا. وكان صاحب المحل( مالك جميع الفروع) ، يحي اهل العروسة ويقول لهم ابشرو وابشرو ولكم ما يرضيكم وبتحطون رجل على رجل وانتو مرتاحين . ولكم هدايا وازهار اضافية وسوف ارسلها لكم .
أهل الفرح المساكين وثقوا فيه ودفعوا له المبلغ كامل قبل يوم الفرح حسب ما هو طلب عشان المبلغ كبير والرجل كان قمة في الذوق معهم .
المهم ، وجا يوم العرس : حيث تم تجهيز الكوشة وتم رص الازهار وفرزها وتم تزيين الكوشة وتم كل شي ، ولا تنسو تم دفع المبلغ كاملا ،
وصل اهل العرس على الصالة العصر عشان يرتبوها وهنا المفاجئة
ولا شء من الوعود الكاذبة اللهم شكل تصميم الكوشة اما الورود فهي من ابخس الأنواع اللي سبق اهل العرس وحذروه من وضعها ، كانت الزهور المتفق عليها كأنها غير موجودة اما الموجود منها أصلا كان ميت ودبلان
طبعا مساكين اهل العرس بدأوا يتصلوا بصاحب المحل يبغوا يفهموا ايش اللي صاير بكوشتهم ، صاحب المحل الذوق صار شئ ثاني ، يقنع الستات ان حط لهم اكثر من طلبهم وانه خسران كمان فوق البيعة وماهو كسبان منهم شئ
وبدأت توسلات اهل العرس من الستات انه ايش اللي صاير بالكوشة وانه يحسن الأوضاع طبعا لأنه مسك روحهم بيدوا وقبض المبلغ مقدما ولو يصكوا راسهم بالجدار هذا هو الواقع وراح يسوي اللي هو يبيه .
استمرت المحاولات لتحسين الوضع للساعة 8:30 المساء وصار شد بينهم وبين الأخ المحترم قام هددهم وسحب كل العمال وترك الكوشة والدنيا محيوسة
اضطر أهل الفرح انهم يلينوا معاه ويستسلموا للي هو يبيه لأنه مافي مجال انهم يدعسوا ببطنه وهو عارف نقطة ضعفهم .
وعلى الرغم ان بين اهل العرس والمحل الفاشل هذا عقد لكن ما باليد حيله فهو ينفذ اللي يبغاه حسب العقد ويلعب بالأمور اللي ممكن ينفذ فيها من خلال العقد .
أضطروا هل العرس أنه يعتذروا له عشان يرجع العمال ويكمل الشغل اللي ما انتهى الا 10بالليل يعني قبل بداية حضور المعازيم بدقايق و يستلموا الكوشة اللي كل من شافها يحسب انها ب 8 آلالاف ، وحضرة النصاب يعتقد انه متكرم عليهم ودفع كمان من جيبه .وأنه مصدوم بتصرفات اهل العرس ياحرام .
المهم من هذه القصة اهل العرس تعلموا درس مار اح ينسوه :
1- انه ماراح يوقفوا على هالنصاب بعد ذاك اليوم ولا يشتروا منه ورده .
2- الخطأ في الثقة بصاحب المحل وكان لازم ما يدفعوا له أكثر من ربع المبلغ والباقي عند التسليم .
كتابة كل الاتفاقات الصغيرة والكبيرة بالعقد ومراجعة العقد قبل ما يغادروا المحل وما عاد يخجلوا انهم يتفحصوا كل حرف انكتب .
3- الثقة بالخلق في حدود وما يغرهم الوعود الكاذبة .
4- مثل هالنصابين يبيلهم رجال مفتحين فوق العادة لأنه يا حرام ما اكثر ما يضحكون على النسوان .
5- والأهم مساكين اللي راح يطيحون بيده بدون ما ياخذون العبرة
ودمتم سالمين
رد مع الاستدلال
الروابط المفضلة