انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 5 من 5

الموضوع: اشياء تمر في حياتنا اليوميه

  1. #1
    تاريخ التسجيل
    Nov 2001
    الموقع
    السعوديه
    الردود
    540
    الجنس

    Thumbs up اشياء تمر في حياتنا اليوميه

    السلام عليكم ورحمت الله وبركاته

    هذه بعض الاشياء التي تمر علينا في حياتنا اليوميه


    PARKING 1

    part 1

    خالد : مساء الخير

    نايف : مساء النور

    خالد : وشلونك يا بعدي وشخبارك من زمان ما شفناك وش دعوه تتغلى علينا

    نايف : لا والله يا خالد بس تعرف مشاغل الدنيا ولا انت تعرف وش كثر اغليك واقدرك واعزك وحاسبك كواحد من اخواني

    خالد : هذا العشم والله لاهنت يالشقردي وانا مكلمك ابقولك ان الشباب مجتمعين عندي الليله وياليتك تشرفنا بحضورك

    نايف : ابحاول ان شاء الله ولو جيت ترى ابجي علشانك وعلشان اثبت لك وش كثر اغليك

    خالد : في انتظارك يا غالي

    ============

    part 2

    نايف : مساء الخير يا فيصل

    فيصل : هلا بابو وليد

    نايف : وين النيه الليله

    فيصل : ابروح للمقهى ما ودك تخاوي

    نايف : خلاص ابروح معك

    فيصل : ما عزمك خالد

    نايف : الا عزمني بس ماني برايح له هالزلابه

    فيصل : حتى انا عزمني بس ماني برايح له لاني ما اطيقه ولا اطيق شوفة وجهه

    نايف : ههههه والله انك صادق ما بلعته من عرفته يا اخي من شكله ما بلعته

    فيصل : ههههه خلاص زلبه ووعدنا الليله في المقهى

    ============

    ليه الواحد يصير ابو وجهين قدامك يهلي ويرحب ومن وراك ما يخلي شئ ما يسويه هذه الاخلاق اللي تعلمناها من ديننا الحنيف هذي التربيه اللي تربينها لكن حسبي الله عليهم قوم ابو وجهينما يدرون ان هالحاجات من نواقص الرجوله..والشخص اللي فيه هالطبع زي الضبع ما ياكل الا الجيف ولا الذيب اللي يعامله معاملة رجال راح يظل ذيب ولا يهتم للي يتمرغون قدامه ويضربونه في ظهره

    ===============

    PARKING 2

    مشاري : شفت الجول اللي جابه يوسف جازع الله يا زينه

    صالح : الجوال حلو بس اللي جابه منصور بشير ولا هو بيوسف جازع

    مشاري : قسم بالله ان اللي جاب الجول يوسف جازع

    صالح : لا تحلف يا مشاري

    مشاري : اقول وربي انه يوسف جازع انت ما عندك معلومات رياضيه زيي

    صالح : انا عندي شريط المباره وخلنا نشغله ونشوف

    مشاري : ترى بحق ان صار يوسف جازع والله يعينك على الحق

    صالح : تحلف وتبي حق بعد الله يصلحك ولا ياخذك

    شغلوا الشريط وطلع اللي جاب الجول هو منصور بشير

    الى متى وحنا على اتفه شئ نحلف ونستخدم اسم الله...هالحاجه غلط يا جماعه واظنها منتشره عندنا ولا نعرف عواقبها واللي دايم يحلف على اي شئ يحاول يتخلص من هالشئ لان العواقب وخيمه والدين واضح وصريح....(( ولا تجعلوا الله عرضة لا ايمانكم ))

    ====================

    PARKING 3

    part 1

    سلطان : الوووه

    وصايف : نعم

    سلطان : مساء الخير

    وصايف : مساء النور

    سلطان : فيه امل

    وصايف : لا والله ما عندنا احد بها الاسم الظاهر انك غلطان

    سلطان : هههه لا انا قصدي فيه امل نتعرف على بعض

    ===============

    part 2

    عابث : الووووه

    ابراهيم : مرحبا

    عابث : سلام عليكم

    ابراهيم : وعليك السلام

    عابث : معك مصلحة المياه والصرف الصحي اخوي وحنا هالحين قاعدين نشتغل على مواصير الماء اللي في حيكم وودي اعرف الماء يصب عندكم ولا واقف زي جيرانكم

    ابراهيم : دقيقه ياخوي ابشيك وابرجع لك

    ابراهيم : لا الماء يصب يالغالي

    عابث : طيب غسل وجهك فيه هههه

    وتنتهي المكالمه بضحك العابث

    الا متى وحنا نتحمل سماجة وتخلف ومراهقة البعض يظن هذا الحيوان انه مضحك ولكن هل يتخيل ان يحدث هذا الموقف لا اخته او لزوجته او لقريبة له اللي يطق بيبان الناس لا بد من يوم وينطق بابهواللي يزعج الناس ويعبث بوقته في ازعاج الناس والاستهبال على خلق الله لابد ما تجيه لحظه ويندم فيها على كل تصرف طائش سواه في حياته

    ==============

    PARKING 4

    part 1

    عبدالله يسوق سيارته في هاي وي وماسك المسار الايمن يبي يطوف السياره اللي قدامه وفيه واحد وراه يكبس له وهو مسرع سرعه غير طبيعيه

    عبدالله : يا اخي اصبر شوي خلني اطوف اللي قدامي

    طائش : ورى ما توخر موترك يا ابن.......

    عبدالله : الله يهداك اصبر وابخليك تطوف بس خل زحمة هالسيارات تروح

    طائش : ابوك ابو ابوك وخر خلنا نلحق التطعيس في الثمامه

    عبدالله : وخرنا ياالله طوف يا مطفوق الله يخليك لا اهلك

    طائش : اخيرا وخر ابن.....وخذ( يسوي حركات وصخه باصبعه تجاه عبدالله)

    عبدالله : الله يهداك بس

    طائش : كانك رجال اصفط على جنب علشان اوريك شغلك

    انا اقول ابوك انت ومن عطاك سياره يا عابث بروحه وبارواح الناس ...الناس تمشي بامان الله ويجي واحد مطيفيق ويضيع ارواح الناس وممتلكاتها...صار الواحد يخاف من السيارات بسببكم..خافوا الله ياالاباء بعيالكم وانتبهوا لهم وراقبوهم وخافوا الله يا المطافيق نصف اللي في المقابر شباب مثلكم

    part 2

    محمد قاعد عند اشاره وهو سرحان شوي وفيه سياره بجنبه

    راعي السياره يقول لمحمد افتح الدريشه ...فتح محمد الدريشه

    شراني : وش عندك تطالع فيني

    محمد : لا والله يا الاخو ماني لمك

    شراني : الا انت من الصبح تطالع فيني

    محمد : الله يصلحك انا كنت سرحان

    شراني : سرحان عبد البصير

    محمد : تنكت انت ووجهك

    شراني : خلك من البربسه وعلمني ليه كنت تطالع فيني

    محمد استشر : تفهم انت ولا لا ما كنت لمك

    شراني : لا يكون مضيع شئ في وجهي

    محمد خربت معه : ايه مضيع نعلتي بوجهك

    والنهايه نزلوا وصار اللي صار

    ليه ما يكون الواحد حليم وليه ما يحاول يكبر عقله ولا ينزله لا اشباه الرجال اللي يظنون ان العقل بالفتوه وبفرد العضلات وبتخويف الناس الامنه ليه الواحد ما يحاول يسيطر على نفسه ويترفع عن سفاسف الامور

    يقول المصطفى صلى الله عليه وسلم

    (( ليس الشديد بالصرعه انما الشديد الذي يمسك نفسه عند الغضب ))



    اخوكم همس المشاعر 222

  2. #2
    تاريخ التسجيل
    Feb 2002
    الموقع
    في قلبي زوجي
    الردود
    1,731
    الجنس
    أنثى
    بارك لك على هذه المواقف
    اللهم كما حسنتي خَلقي فحسن خَُلقي

    أسيرة الشام

  3. #3
    الثمال's صورة
    الثمال غير متواجد رئيسة الأركان التعليمية-مشرفة ركني الروضة ودار لك للتحفيظ -محررة في موقع لكِ
    تاريخ التسجيل
    Mar 2002
    الموقع
    اللهم ارحم غربتي في الدنيا وارحم مصرعي عند الموت وارحم قيامي بين يديك
    الردود
    44,066
    الجنس
    امرأة
    التدوينات
    13
    التكريم
    • (القاب)
      • درة الحوار
      • محلقة في سماء الإبداع
      • الإصرار على النجاح
      • متميزة
      • محررة بمجلة انا ورحلة الامومة
      • درة صيفنا إبداع 1432هـ
      • واميره النظافة والتنظيم 2
      • تربوية مثقفة
      • لمسة عطاء
      • درة صيفنا إبداع 1431هـ
      • فن وإبتكار
      • بصمة إبداع
      • الماهرة
      • مُبدعة صيف 1430هـ
      • أنامل ذهبية
      • بصمة إنجاز
      • بصمة تعاون
      • مصممة رائعة
      • بصمة مبدعة
      • ريشة متميزة
      • ذاكرة سياحية مميزة
      • فراشة الحلم والأ
    (أوسمة)
    جزاك الله كل الخير

  4. #4
    تاريخ التسجيل
    Jun 2001
    الردود
    4,145
    الجنس
    أنثى
    تسلم .. مواقف هادفه ..

    بارك الله فيك ..


    ^^يسلمووووو غاليتي غزوله ^^

    شعارنا
    ** نلتقي لنرتقي **


    معك هدية .. وتحيرتي .. في كلمات الإهداء .. معنا =====> تجدين مايسرك

    لاتنسونااااااا من دعااااااائكم


  5. #5
    تاريخ التسجيل
    Nov 2001
    الموقع
    السعوديه
    الردود
    540
    الجنس
    جزاكم الله خير

    واشكركم على المشاركه

مواضيع مشابهه

  1. اشياء نحتاجها في حياتنا.....
    بواسطة kameo في ركن المواضيع المكررة
    الردود: 1
    اخر موضوع: 14-06-2009, 10:41 AM
  2. المشهد الخامس من مشاهد من حياتنا اليوميه
    بواسطة moon light 2 في نافذة إجتماعية
    الردود: 20
    اخر موضوع: 09-05-2005, 08:48 PM
  3. المشهد الرابع من مشاهد من حياتنا اليوميه
    بواسطة moon light 2 في نافذة إجتماعية
    الردود: 21
    اخر موضوع: 27-04-2005, 01:25 AM
  4. المشهد الثاني من مشاهد من حياتنا اليوميه
    بواسطة moon light 2 في نافذة إجتماعية
    الردود: 30
    اخر موضوع: 16-04-2005, 10:18 PM
  5. مشاهد في حياتنا اليوميه ..
    بواسطة moon light 2 في نافذة إجتماعية
    الردود: 4
    اخر موضوع: 11-04-2005, 06:53 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ