السلام عليكم و رحمه الله و بركاته

بس حبيت أقولكم عن مسرحيه مسوينها إتحاد طلبه الثانويات بالكويت ..

و هي مسرحيه فقط للبنات .. و ما فيها غير البنات .. (يعني للنساء فقط )

و الله أنا ما أقولكم هالشئ عشان بسوي دعايه و بس ..
لكن اللي بقوله .. إن المسرحيه اسلاميه ..
وما فيها موسيقى ..
وفيها تذكره .. و الله استفدت منها .. و علمتني أشياء ما كنت متوقعتها
اسم المسرحيه ( وانتقمت )
وهي بمسرح الدسمه
و الله المسرحيه رووووووووووووووووعه ... روعه بشكل لا يصدق
ما راح تتوقعون إنها بهالمستوى

إذا كنتوا تبون تروحون لا تنسون قوطي الكلنكس معاكم .. لأنها تبكي من قلب ..

و الحلو فيها إنها واقعيه ..

بصراحه نصيحه مني .. روحي و لا يفوتكم نص عمركم ..

إختكم : اسلاميه


ما عليكم أمر إذا كنتوا تقدرون نشر هالموضوع بمنتديات ثانيه نشوها ..
و جزاكم الله الفردوس

شلونك اسلامية .......افتقدناك على بداية المدارس .......... اما عن المسرحية فقرات مرة انها والمسلسلات والافلام كلها تعتبر في حكم الكذب ........ القصص الحقيقي يكفي للاعتبار ........الله يوفقك يا بنتي

عزيزتي إسلامية
والله ودي ومتشوقة أشوفها
بس
للأسف أنا مش في الكويت
يا ليت يصير هنا زيها

مشكوره أم كلثوم .. حتى أنا مفتقدتكم

أما عن حكم اللي قلتي عنه .. و الله ما أدري عنه ..
لكن المسرحيه هذي مو تأليف
هذي قصص من الواقع و مثلوها ..
و الصراحه أنا ما أدري بهالأمور إن كانت حرام و لا حلال .. فما أحب أخوض فيها .
مشكوره و جزاك الله الفردوس .

لحن الحياه .. مشكوره على الرد
و الصراحه ما أتوقع أبد إن يسونها بره الكويت لأن كل اللي مثلونها بنات بالثانويه .
مشكوره على الرد و ما قصرتي

اسلامية ..........التثميل شنو ....... القدرة الفائقة على الكذب يعني الوحدة تسوي نفسها حزينة وتبكي وهي حقيقة ليست كذلك او تسوي نفسها ام وجدة وهي لأ ووتمثل احداث ما وقعت لها حقيقة .......... حتى لو كانت القصة حقيقية لكن تمثيلها هو الكذب ........
ارجو ان الصورة اتضحت الآن ..........

ان شاء الله رح حاول روح لها ..

بس بالنسبة للاخت ام كلثوم اظن ان المسرحيات التي تتكلم عن الدين والامور التي تتبعه فلا اظن انها محرمة ..

ولا اريد الفتوى والتدخل في تكل الامور ..

ولكن يجب علينا التاكد من ذلك الامر ..

وعلى كل حال الله يعطيك الف عافية

الغاية لا تبرر الوسيلة

مشكوره خالتي أم كلثوم ..

و أعتقد أن كلامك فيه الكثير من الصحه ..

مشكوره على النصيحه ..

نعم اختي ام كلثوم ..

جزاك الله خيرا ..

واسفة ان كنت قد تدخلت في امور لا افهمها ..

وعلى فكرة الى الان لم اذهب للمسرحية و لن اذهب اليها ..

والله لا يحرمنا منك يا رب ..