أنا كنت طالبه ابتدائي وكنت نشيطه مو مدح في نفسي لكن حب للمدرسه والله الليله الاولى للمدرسه ماكنت انامها كنت اجلس ارتب مريولي وشنطتي ودفاتري الين يجي الفجر البس واطلع الشارع انتظر الباص كانو الناس باقي يصلون الفجر في المسجد والباص مايجي الا 6ونص وانا من 5 انتظرة بس كان شعوري فرح وحب وو مدري ايش اقول لك او كيف اوصف المهم
بنفس الطريقه والحب والفرح كنت في باقي مراحل الدراسه من ابتدائي ومتوسط وثانوي مع المسئوليه اللي كانت تكبر معي والكتب او المواد اللي كانت تنضاف لي وكانت تحسسني اني كبرت مثل الE والفيزياء اللي هي عشقي المهم والله عمري ماتذمرت من يوم دراسي لاني كنت احب الدراسه واحترم معلماتي واعشق صديقاتي المهم مرت السنين وانا انجح واحصل تقدير ممتاز
في كل الفصول الى ان وصلت اللحظه الحاسمه....!!!!!!!!!!!!!!!!!!!!!!!!!!الثانويه العامه الكل كان ينتظر نتيجتي ويقولون هذي هي اللي بتحدد اذا كنت شاطرة وممتازة فعلا مرت علي ايام وليالي الله عالم بها .....وبعدين .............نجحت وبتقدير ممتــــــاز الكل فرح واهلي وعدوني اني ادخل جامعه في الرياض او جده لا ن ديرتنا ماكان فيها جامعه لكن كان فيها كليه
حصلت لنا ظروف وماقدرت اسافر اكمل الجامعه فاضطررت كارهه ان ادخل الكليه وكان مجالي علوم لاني كنت احب الفيزياء ولكن ماكان فيه عندنا قسم خاص بالفيزياء المهم كملت دراستي بحب اقل ولكن وجود صديقاتي معي كان يشجعني ويمدني بالحب لاني القاهم كل صباح فكانو بالنسبة لي كالشمس تمدني بالدفء كانت علاقتي بصديقاتي اعمق من علاقتي بالكتب المهم
ان حن درسنا الكلية وكانت سنتين فقط كانو الاستاذات مصريات وكانو يكرهونا ككل ويتعاملون معانا بطريقه جلفه يعني عصبيه ويتذمرون منا ولما نطلبهم اعادة فقرة يضحكون باستهزاء ويطلعون ولا يكملون الدرس والله كنا معهم في منتهى الادب ولم نسئ لاي منهم المهم انا طلعنا من الكليه بملاحق واجتزناها واليوم هذي ثالث سنه اجلسها وصديقاتي وغيرنا الكثير في البيت بلا وظيفه لا واللي زاد الطين بله انهم طورو الكليه الى جامعه وكان مسموح لنا بالتقديم ولما قدمنا طلبو منا التنازل عن السنتين الماضيه (ظلم) لكن مع ذلك وافقنا ومع ذلك كان الاختيار بالقرعه فلم تطلع اسماء الكثير الكثير
كل ماأردت قوله كيف تريدين ان يكون شعوري في اول يوم دراسي وانا اجلس في البيت بلا وظيفه او هدف لا شعور احساس بعدم او تجمد الشعور مابغى اضخم مفرداتي واقول اني يائسه ولكن اذا هناك كلمه اخرى تعبر عنا وعن بنات منطقتي فنحن محبطوووووووووون
صدقيني اني الى هذا اليوم وانا اقف الفجر الاول من اليوم الاول للدراسه خلف باب المنزل لاسمع الباصات تاخذ البنات فاتذكر واتذكر حتى اصبحت اشعر بالشيخوخه
آآآآآآآآآآآآآآآآآآآه
الروابط المفضلة