حصرياً:عائلة قطرية تقيم حفل زفاف بهيج لخادمتهم .

فاطمة ، او فطوم فلبينية كما يطلقون عليها ، عملت لدى عائلة قطرية كخادمة مدة 11 سنة متوالية وبدون اجازات ، أحبتهم وأحبوها ، وأصبحت مثل بنتهم وأختهم ، ففي يوم من الايام جاءت فاطمة الى معزبتها ربة الاسرة وقالت : ماما ! انا في رجال يسوي كلام بابا مال انا داخل فلبين ، يبي انا عروس ( الترجمة: خطبني رجال من ابوي في الفلبين )
المعزبة : مبرووووك فطوم ، بس انتي ليش زعلانه؟؟
فاطمة : انا لو في عروس كيف انا بعدين ترشي فلوس ألشان بابا مال انا؟ ( الترجمة : لو انا تزوجت اشلون بعدين اطرش فلوس حق ابوي؟ )
المعزبة : ولايهمج فطوم ، انا ازوجج أحسن زواج وأجيب خطيبج هني الدوحة وأزوجكم
وطارت المسكينه الفلبينية من الفرحة ، ومن فرحتها بغت اتخم وتنظف الفريج كله .

من هنا بدأت قصة الزواج ، التي تكفل بها مخدومي فطوم ، وانا كنت شاهدا وحاضرا في هذا الزواج الرائع وبأيجاز بوصف لكم العرس :-
اولا طبعا العائلة تكريما وعرفانا لفطوم والعشرة اللي بينهم جابوا المعرس من الفلبين وعلى حسابهم وسكنوه في بيتهم وعدلوا لهم الغرفة ، صبغ جديد وغرفة نوم وزل على كيفكم ، والمعرس جايب معاه المسكين البدلة السودة ولكن المعزبة قالت حق عيالها فصلوله ثياب وجيبو له بشت ، وبالفعل تم ما أرادت الام
اما يوم الزواج الرجال والمعازيم من القطريين والفلبينيين المسلمين وحديثي الاسلام ، والعشا : ذبايح ماشاء الله.
وفطوم جابوا لها كوشة ، ودي جي اسلامي (DJ) ، و بوفيه من أحد المطاعم الفاخرة ، والمعازيم من القطريات والفلبينيات وصديقات فطوم من خادمات الفريج ، وكل هذا على حساب عائلة المرحوم / احمد بن عبدالله العبيدلي وأقيم الحفل في منزلهم العامر في منطقة معيذر بتاريخ 19/4/2007 ، بصراحة اخنقتني العبرة !!!!!!!!
الدعوه عامه ممنوع اصطحاب الاطفال والخدم عادي
والله يهنيهم
ودامت دياركم عامره بالافراح

وإليكم الصور
(صور بالجوال)

يطيع العافيه على الموضوع وهذه الصور

الله يجزاهم خير قصروا عنوتها للفلبين
الله يجمع بينهم بخير

مبروك عقبال عندي

ماشاء الله

الله يبارك فيهم الاثنين الخادمة على اخلاصها وتفانيها

و ربتها على طيبتها وتعاملها معها باخلاق الاسلام

اللي للاسف بعض الخادمات مساكين يهربون من مكفوليهم عشان رواتبهم اللي تتاخر بالشهور وعشان الضرب

وفي منهم يسفرها وهي جسمها كله ازرق ضرب

رسالة مني للجميع

اتقوا الله في مخدوميكم والله ان الله يحاسبكم اشد الحساب

والرسول عليه الصلاة والسلام وصانا نعطي الخادم اجره قبل لا يجف عرقه

وبارك الله فيك اختي

ياحليلهم والله يجزاهم كل خير
سووا شيء ماأحد سواه ... من طيبهم والله وطيب أصلهم
وأكيد الخدامه تستاهل ومخلصه
وش بيسوون باقي الخدامات ليا دروا ؟؟؟

الله يبارك لهم.

بس أول ما قرأة القصة فكرتها مو حقيقة

ولا صدقت الا يوم شفت الفلبيني لابس ثوب....

والله فيهم الخير
لانهم عملو بوصية الرسول صلى الله علية وسلم انة ( وصانا نعطي الخادم اجره قبل لا يجف عرقه )

وجزى الله كل من يعمل هذا وينفذ وصية الرسول علية افضل السلام

الله يجزاهم خير

الله يباركلهم انشاء الله

صج عملو بوصيه الرسول