السلام عليكم ورحمه الله وبركاته...

إشلونكم؟؟

أول شي أتمنى إنكم تاخذون هذه القصه عبره ...

أول شي الكل عارف إشكثر أحب بشار الشطي صح ؟؟...وشوفتوني مينونه إشوويه بحبه وحب أهله ما أدري شكو الحب حب عائلي مو حب شاب...

المهم وأنتوا عارفين شنو أسووي وشنو إهي المستحيلات اللي سويتها علشان خاطره؟؟؟
لا وإذا أي أحد يعيب عليه أقعد أبجي ولا أوقفهم عن حدهم؟؟؟
والكل الناس عارفين هذا الشي...

الكل يقول أووووووووووووه سارون تتغير؟؟
وعلى بشار؟؟
لا لا لا مستحيل من سابع المستحيلات
شنو السبب اللي خلاها إصير لها كل هذا ؟؟
لا وبيوم وليله؟؟
سارون تمسح صور بشار؟؟
لا وحتى الأغاني ؟؟
النغمات؟؟
اللي كانت تقعد على صوته ؟؟
مستحيل؟؟
سبحان اللي غير ولا يتغيير؟؟

أول شي أنا ملتزمه كنت نوعاّ ما بالصلاه بس ماكنت أصليها بوقتها...
شوفوا..أول شي في المدرسه عندنا مجموعه فراشات(بنوتات) أخلاقهم توووووب تووووووووب توووووووووب الله يخليهم حق أهلهم..
المهم ومدرستنا الإنجليزي و حبوبه وملتزمه سووت من هذه المجموعه قروب ينشر الإلتزامات بالدين بمجموعه إسمها (سجايا)..
ومن بدايه السنه وإهم يسوون مسرحيات وبرامج روووووووعه إشويه عليه ومشووقه..
المهم أنا بصراحه ماكنت أحضر وااااااااايد بس الكورس الأول حظرت مسرحيه وحده وكانت آخر مسرحيه وفيها تكلموا عن بشار وأنا بلحظتها كنت إمعصبه و قعدت أدعي ع البنت اللي إذكرت بشار
المهم عقبها عادي وماجنها مسوويه شي البنت ونسيت السالفه لأنه من طبعي ما أشيل على أحد بقلبي لو شنو صار ؟؟
ولما شفت فيديو اليهال اللي قلبت حيه من إهني قمت أهتم بالصلاه أكثر وأكثر..
بس مو واااااااايد وكل شي بوقته يعني مره اصلي وعشره لأ..

وبدايه الكورس الثاني كان عادي وسووا أوبريت فيه نشيده طموحي الكبير هالنشيده روووووووووعه وحتى نشيده فرش التراب كانت البنوته اللي تنشدها لا إله إلا الله صوتها واااااايد وااااااااااايد حلو.. فكنت بس أسمعها لما أحضر لهم مسرحيه بس هالأناشيد كانت في الأوبريت ..حبيت النشيده (طموحي الكبير) من جالكسيه و اسنكرزه بحركاتهم ع النشيده وأنا كنت قاعده وراهم....

خلص الأوبريت قعدنا نعطي المجموعه هذه راينا في الأوبريت وطريقه تقديمهم له...وكان هذا الأوبريت ناجح بطريقه مو طبيعيه..والكل حب هذا العمل البسيط اللي صار من الفراشات..
عقبها يمكن بشهر أو أكثر والله مو ذاكره المهم سووا قبل فتره بسيطه مسرحيه عن الكاكاو وكل وحده ماخذه لها دور وناقشوا موضوع البويات والبنات اللي يسوون الكبب اللي مالها داعي يعني شعرهم واااااااااايد وإهو أساساّ قوطي روب من نوران لا وطلبيه على شنو يا حظي..المهم كان إبداع ...
[IMG]file:///C:/DOCUME~1/jp/LOCALS~1/Temp/msohtml1/01/clip_image002.jpg[/IMG] فمن هذه اللحظه شدتني فراشه منهم اللي إهي نكها جالكسيه فكنت حاااابتها وحابه طريقتها وتعاملها مع البنوتات وكنت إشوويه وأموووووووووت بس أعرف إسمها !!!

فيوم من الأيام اللي إهو يوم الأربعا فا هالمجموعه كلهم مقرارات وأنا عاشر يعني ناااااااادر ما راح أشوفهم بالهده المهم صادف هاليوم كلهم سادسه يعني يطلعون معانا شفت رفيجاتها و رفيجتي درابيل الغزالي فكنت قايلتلها إني أبي أعرف شنو إسم بنوته فا أشرت على رفيجات جالكسيه فراحت الفضيخه سألتهم وأنا ويههي ولا 30 لون فيه لا بالتدريج من الأبيض لي الأسود من الحرج..المهم قالوا لها إنها إسمها (...................) وردت لي خبر الفضيخه قالوا لها منو اللي تسأل أشروا علي..والبنت اللي إهي جالكسيه وصل لها الخبر ..

المهم وطاااااااااحت الميانه مع رفيجاتها وأنا من ذيج الساعه وأنا ماشفتها إلا لما مر علينا الإسبوع اللي وراه وصادف هم معاهم فعرفتني وسألتني شنو إسمي قلت سارون قالت عاشت الأسامي أنحرجت وويههي صار أحمر إشوويه وأنا خصوصاّ ما أعرف أرد في هذه الأوقات وسارون إبلعت إلسانها من الحرج ...مر جم إسبوع وبتخلص المدرسه..
وصار إهتمامي فيهم واااااااااايد وااااااايد كبير والله من حبي لهم قمت أعزمهم إنهم إييون على ساعه الإنجليزي ويقعدون يشروحون ونلعب بدال لا ندرس مع المس وفي يوم الأحد جالكسيه ما داومت بس بنات العلمي اللي داوموا وباونتيه أطلبت مني رقمي وصرت على إتصال معاها فا قالت لي سارون أحس أني متصله على فنان مو سارون والله شيلي الإغنيه
(ثاني مره)..

المهم يوم الأثنين 20-5-2007م كان آخر يوم إداومون مقرارات وإهم بالأخص والأدبي فكان آخر يوم ورفيجاتها باونتيه و سنيكرزه إطلبوا مني إني أكسر قاعده الإحراج اللي أنا صانعتها بنفسي من جالكسيه...فخلصنا الساعات المهمه وقعدت بالكافيتريا وطنشت بالساعات بس الكيميا والجيولوجيا علشان أنخلص المنهج فقعدت بالكافيتريا فا هالفراشات قاعدين يسترجعون ذكريات الطفوله..مابقى لعبه ما العبواها..وأنا يايبه الMP4 وقاعده أسمع الديوانيه ع المارينا ع الساعه 12 ضبط..بعدين يابوا الفراشات جالكسيه علشان أتسولف معاي وأنا بروووووووح فيها من الإحراج المهم إقعدت يمي وأمسكت إيدي وأنا قلبي راح فيها وقامت تاخذ وتعطي معاي وأنا ما أشوفها قمت أرد عليها كنت لافه على رفيجتي اللي إهي الفضيخه وخلص هاليوم..

وكانت باونتيه ناويه أتقلد لي صوت حليمه بالتلفون في خدمه بلا تقييد
ويت الأيام فجأه اتصلت فيني باونتيه ع الساعه 5 ونص العصر وأنا بساااااابع نومي فا رديت عليها وأنا بناااااااااااااااام ألو قالت ألو هلا سارون إشلونج شخبارج؟؟ وبعد السلام والتحيات والحاله قلدت لي حليمه وتفاجأت إنه حليمه أتصير لي يعني من الأهل فا مر الموضوع عادي قالت لي بسمعج أناشيد وعطيني رايج وشنو النشيده اللي سمعتني إياها سمعتني وأنا قاعده أسمع ومندمجه أمي إدخلت علي قالت منو إتكلمين؟؟قلت أكلم باونتيه قالت أسمع صوت أغاني قلت لا يمه أسمع أناشيد طبعاّ ماصدقت من بشار لي أناشيد وحيل بالدين فقالت لي سكري الجهاز وحرمان سكت لأني مو غلطانه ولا عاد باونتيه دزت ٍٍ لي مسج سارون النشيده طموحي الكبير المنشد إبراهيم السعيد فا أمي اللي قرت الرساله وصدقتني وعقبها قامت تدعي لنا وأنا حدي مستانسه قعدت على طول دوورت الاناشيد وأغاني بشار شلتهم من الجهاز ومن كل مكان أنا فيه وبعد ربع ساعه ناديت خدامتنا وقلت لها ييبي إجياس كبيره يابتهم لي وقطيت الصور..كلها والأشراطه أختي الصغيره سألت الخدامه ليش هالجياس قالت علشان سارون بتقط صور بشار قالت أختي الله وأكبر سارون أكرهت بشار لا لا لا لا أتجذبين حراااااااااام سارون أتمووووووووووت فيه ولما شافت الصج تسألني سارون أنتي ماتحبينه قلت أي خلاص قالت لا سارون والله حلو أنتي ماتحبينه بعدين منو راح يحبه ؟؟قلت عادي... عقبها رسلت مسج حق باونتيه قلت لها قطيت كل صور بشار ومسحت أغانيه وقطيت أشرطته وكل شي له..أتصلت فيني وتبجي قالت والله سارون لج بوسه كبيره باجرو أنا أستانست لج وااااااااااااااااااااااااااااااااايدو كبرتي بعيني وأنا كنت حدي مستانسه وقالت لي يالله قومي صلي صلاه الشكر وقمت صليته مامداني ولا متصله علي مره ثانيه شلته قلت لها ألو قالت سارون ممكن أحط لج في الفلاش أناشيد قلت أي والفلاش كنتأبيها أتوصله حق بنوته والفلاش كله صور بشار وفيديوهاته وأاغانيه وكل شي له..قلت لها مسحيهم قالت أوكي..وعلمت كل مجموعه سجايا والكل إستانس من إنجازه..وسألتها إذا وصل الخبر حق مدرستي الإنجليزي بس للأسف ما وصل لها بوقتها بس الحمدلله من باجر بالمدرسه ولا الخبر واصل لها..حنيت ع الأبله علشان أتقول لي منو اللي قال لها بس قالت لي وحده من مجموعه سجايا وليما ألحين ماعرفت منو اللي قايل ..

والبعض منهم يعرفني بس في بعضهم ما يعرفوني إنشالله أتعرف عليهم..وأصير وحده من سجايا..
ودامت يوم الثلاثا ولا باونتيه يايبت لي الفلاش فيه الأناشيد وعطتني البوسه اللي وعدتني فيها..والمس درت واستانست لي وعطتني CD خاصه لهذيل الفراشات وباونتيه عطتني بطاقه إهداء منها لكل سجايا وإنشالله السنه اليايه أكون من ضمن مجموعه سجايا..
وعقبها تعدلت والحمدلله والله يتمم علي..والله يستر علينا ويهدي المسلمين...

والله يثبتني على ما أنا عليه آمــــــــيــــــــــــــــــــن...

وأتمنى أنكم خذيتوا درس حلو مني ومن هالقصه ....
وأتمنى من مجموعه سجايا أن يتقبلوني وأكون وحده منهم وفيهم وأصير رقم 16 فراشه في هذه المجموعه.

وللأمانه هذا كل اللي صارت معاي وإنشالله أكتب بعد اللي راح يصير للذكرى..

ملاحظه..
كنت أول كاتبه روايه عن بشار الشطي..
بس ألحين بديت بكتابت روايه في مجموعه سجايا بس ينقصني جم شغله وإنشالله على التخرج المجموعه راح أقدمها للمجموعه..

ولازم أنشرها ع النت..
و ع المنتديات.

مشكووووووره اختي على القصه وبصراحه ما قدرت أقراهاا؟؟؟؟؟؟؟؟؟؟
لان الخط عور عيني في بعض الحروف راكبه فوق بعض وما تنفهم
قريت اشوي منها لنص تقريبا
اسمحي لييي حاوولت بس ما قدرت
بس شكلها قصه فيها عبره
ومشكووووره اتمنى ما تزعلين منيييي

أهلا فيك وقصة فيها عبره ولكن الخط تكفييييييييييييين غيريه
وحياج الله في المنتدى
(( واهلا فيج يا بنت ديرتي))