:LLL:

أخواني أخواتي عارف أن العنوان بتاع الموضوع يشد وهو علي القلوب صعب لكن لا مفر من ذلك فهي حقيقة يجب أن نواجهها أقول لكم هذه الحقيقة ولن أخفي عليكم ......

لما بدخل علي منتدى من منتديات الي بيكون حاطط برامج وقسم اغاني وقسم كذا وكذا
طبعا هما مش ملتزمين ...... بشوف حاجه غريبه جدا وهي


ان مثلا لما شريط جديد ينزل فضلاً عن كليب جديد ينزل تلاقي الاالاف والله الالاف بيدخلوا الموضوع ومش كده وبس الكل بيشارك وبيشكر وتلاقي ناس من دول شتى والكل بيشكر بطريقته حتي الي بيدخل ياخد المواضيع ويحطها في منتدى تاني بردو بيشارك قلتُ سبحان الله هو مش بيفرق معاه اذا كان صوت او صوت وصوره وتلاقي كل الي بيحمل بيشكر يعني تلاقي تلاقي مثلا شريط عمر دياب الجديد (( صوت بس )) تلاقي مثلا 300 رد او 500 رد سبحان الله ده احنا عندنا هنا يوم ما يكون الموضوع شائك ويكون حدث الساعه الموضوع مش بيعدي 35 رد وبنزهق وبنقفل عليه ....

قلتُ صحيح زي ما في ناس شغاله للدين في بردو ناس شغاله للشر

اخي اختي ليه طالما دخلت علي الموضوع ليه مش تشارك حتي ولو بشكرا
اخي اختي عارف شكرا دي ممكن تعمل ايه ؟؟
ممكن اولا ترفع الموضوع لراس الصفحه وتخلي غيرك تاني يشوفه لو كان مفيد
عارف ممكن تعمل ايه تاني ممكن تشجع بيها صاحب الموضوع انه يجيب كل الي عنده
عارف ممكن تعمل ايه ممكن تدخل السرور علي قلب مسلم


((((((((( الموضوع منقول )))))))))))

وده باقى الموضوع ...


يا اخي نحن في منتدانا كالناس في دنياهم زي الاهل ينفع كل يوم تعدي من قدامي لو انت جاري ومش تسلم علي والله هزعل منك والله لولا الملامه كنت عملت ليكم كل يوم موضوع اقول فيه السلام عليكم اهل المنتدى بس قلت بلاش عشان مطردتش
شوفوا يا حلوين ..... عايزين نشجع صاحب الموضوع ووالله ده مش نفاق وممكن اخ فلحوس يقولي جزاءه عند الله وهو مش مستني حاجه مننا ....
اقول ليه النفس جبلت علي حب الشكر والمدح وانت مش بتقول حاجه وحشه بالعكس من باب التشجيع

اخي اختي استحلفكم بالله لن تخسر شيء بكلمة شكرا بل وزد عليها قل رايك في الموضوع قل اقتراحا قل اعتراضا ( بس بأدب أحسنلك ) كده يعني
الي الاخوه في المنتدى والي الاخوه الذين يدخلون لينقل الموضوع لمنتدي اخر مفيش مشاكل انقل براحتك يا سيدي لكن ... قف لحظه هل الكيبورد عندك الضغط عليها بفلوس ؟؟ اظنها ببلاش الا اذا كان صابها داء الخصخصه ؟؟!!



النفس جبلت علي حب المدح والشكر
وقال النبي صلي الله عليه وسلم " من لم يشكر الناس لم يشكر الله "

أذكركم بتجديد نوايكم في وضع ورفع الروابط انها لله ......... ولن اطيل عليكم


نحسب بأذن الله ان كلنا نفعل هذا الجهد لله والكل يجدد نيته لله

عايز بعد كده يوم ما يكون الموضوع وحش اقلها الالاقي خمسين رد وعايز الردود تعدي الميه



عايزكم تنشروا المنتدى ومش بقول كده مثلا عشان صاحب المنتدي يكون جوز خلتي ولا مثلا لانه بيصرف عليا لا والله بس انا اصلا مش من هواه المنتديات واصلا مش بدخل منتدي غيره والله إلا نادرا ويكاد يكون منعدم
وبعد كده الي هنعرف انه دخل موضوع ومشاركش هيدفع خمسه جنيه ... انا هديكم فرصه اسبوع ولو ملقتش ردود كتير هفجر المنتدي


----------------
انتهى
----------------

دى رسالة منى على لسان أخى الحبيب

فى مواضيع فى المنتدى كتير دلوقتى من غير ردود

ليه بس ياجماعه

يعنى لما موضوع يبقى اللى شافوه 30 واحد ومحدش رد

طيب مهو اللى حط موضوع مرة اتنين تلاته معدش هيحط تانى

وأحبانا الزوار كمان ... ليه متشاركش بوجه نظرك الموضوع اللى يعجبك اشكر صاحبة اللى معجبكش انقض صاحبة

كن إيجابيا و ليكن لك دور فى كل موضوع

مشكور اخى وفعلا عندك حق الردود بترفع المعنوبات بتحس ان فى حد مشاركك فى حاجة
جزاك اللة خير
انا وال واحدة رديت اة وزيدنا من ها المواضيع الممتازة

صراحة لما شفت العنوان دخلت اعاتب صاحبة أو صاحب الموضوع
واقولها اتقي الله في نفسك وفي العضوات والزوار

بس الحمد لله انه طلع العنوان عكس المحتوى
جزاك الله خير اخي على النقل الطيب

جزاك الله خيرا

شكرا لك حبيبتي على الموضوع الرائع
لأنه بصراحة عندك حق في كل كلمة قلتيها
لكن إن شاء الله يكون في فائده
والكل يفهم
جزاك الله الف خير

جزاك الله خيراااااااا
علي الموضوع المهم ده
وفعلا الرد والمشاركات بتزود من الروح المعنويه

انصدمت اول ماشفت الموضوع!!!!!!!!!!!!!!!
منتدي لك معروف بالاحترام والبعد عن اي شئ مضر بالدين والحمدلله
بس بصراحه موضوعك ياخي رائع
جزاك الله خيرا

انا لمن شفت الموضوع قلت شكل المطرب التزم والحمد الله
بي طلع الموضوع شي تاني بس كتير مهم
حلو الواحد يرد
وجزاك الله خيرا

اتفق معك في ان النقاش في الموضوع يثريه خاصة مواضيع الحوار وابداءالراي ..
والكلمه الطيبه صدقه..
وكما قال الشاعر..
وقد ايقنت يوم كتابتي ان يدي ستفنى ويبقى كتابها

يعطيكي العافيه وكلامك صحيح بس مين يقدر