هل تعتقدون أن المجاملة ضرورية أثناء التعامل مع الاخرين أم أننا يجب أن نكون صريحين في في كل وقت وفي كل شيء ... فمثلاً لو وحده قالت لصديقتها إيش رأيك في فستاني ... وصديقتها شايفه أن الفستان في رأيها مش حلو أو لونه ماعجبها تقولها هذا بصراحة ولا تجاملها وتقولها الفستان حلو .

بصراحه انا اجامل
واتمنى اجد حل لأتخلص من المجامله لاني ما احبها
وهي عقدتي

بسم الله الرحمان الرحيم....
بصراحه من التجربه والمراس بالمعامله مع الاخرين..
أحيانا نواجه مواقف من الصعب أن نجامل فيها,,وأخرى من الصعب أن نصارح فيها!!!!!!
لذلك أحكم أو أجيب على هذا التساؤل على حسب المواقف التي نمر بها مع الناس أثناء
تعاملنا معهم...
أما بالنسبه لموقف الفستان:فهنا يكون الصدق+الذكاء+تقدير مشاعر الانسان الذي أمامي=
رأي يرضي الطرفين......
وعلى قولة وحده من زميلاتي اذا سألناها عن رأيها في فستان وماأعجبها تقول:
ياسلام بصراحه روعه,,يهبل ,,يجنن,,شكله حلوا بس لاتلبسينه مره ثانيه!!!!!!!!!!!!!..

بصراحه انا أايد رأي اختي أرجان في
أحيانا نواجه مواقف من الصعب أن نجامل فيها,,وأخرى من الصعب أن نصارح فيها!!!!!!

السلام عليكم اخواتي كيفكم انا عضوه جديده ومضوعكم شدني ومررره روعه وهذ مو مجامله لاصرررررراحه ,, ومضوع المجامله والمصارحه موضوع مهم جداا ومتعلق با الحياه اليوميه ,,,وانا معكم ان المصاااارحه كويسه بس احيااانا تجرح الشخص اللي قدامك والموضوع مو مستاهل علشان كذا في بعض المواقف اللي نمرفيها تحتاج الى مجامله مراعة لمشاعر الشخص اللي قدامي اما حكاية الفستان فهذه انا اشوف لك عين نظره يمكن يكون الفستان عاجبها وانا مو عااجبني فقول لها كويس مراعة لها فقط ......... وشكرا

اختكم في الله ,,,,,المزيونه2002

بصراحه انا مشكلتي الصراحه الزايده اللي بتوديني في داهيه وتوقعني في مشاكل وبصراحه اكثر انا مع المثل اللي يقول يابخت من بكاني وبكي عليا ولا ضحكني وضحك الناس عليا يعني مثلا" اختي سألتني ايش رايك في لون شعري الجديد بصراحه قلت لها مو حلو اولا كان احلى هذا اللون مسوي لمبه وسط راسك ساير كأن شعرك كان ابيض وصابغته وعرفته الطريقه الصحيحه للصبغه وهذا المفروض يكون بين الاخوات و الصديقات وبصراحه مافي احسن من الصراحه لكن تكون بذوق ولباقه بالذات مع الاغراب والناس الحساسين لحن مشاكلي معاهم كثيره

بصراحه المجامله احيانا تكون ضروريه جدا ..
مثل هذى اللى سالت عن الفستان ممكن اذا قلتى لها انه ماعجبك ممكن تزعل ..
فاحيانا تكون مهمه جدا للعلاقات الاجتماعيه لاغير ..

طب ايش رايكم يا جماعة اننا نتفق على اسلوب حلو بدل الكذب اعني المجاملة ...
يعني مثال الفستان ...اذا سالتك حلو ولاّ لأ ...نقول لها : ما شاء الله تبارك الله ....
يمكن انتي يناسبك لكن انا ما يناسبني هذا اللون !!!!
او
يمكن هذا الفستان حلو بس الثاني كان احلى .



صح !!!!!

أكره المجامل والمجامله وأحب الصراحة والوضوح



كونوا زييي

اعلموا أن الصراحة راحة .. حتى لو ما أعجبت الذين من حولك

واعلموا أن المجاملة التي تخالف الواقع والحقيقة هي كذب

وبالنسبة لمثال الفستان .. سأتحدث عن نفسي .. فأنا دائما ولله الحمد إذا لم يعجبني موقف أو فستان أو أي شيء ولا أحب أن أجرح الذي أمامي .. أقول لا تعليق !!!!!