في لقاء الصديقات في صالون منزل ديدي.. دار هذا الحوار الطريف قالت ميمي : تعرفوا أن الدنيا حظوظ وهناك مثل يقول: قيراط حظ ولا فدان شطارة..وممكن تلاقوا ناس محظوظة وناس منحوسة!! قالت ديدي: كلامك صح ياحبيبتي .. أنا عندي صديقة جمالها متوسط ويمكن أقل وسبحان ا
متجوزة من رجل في منتهي الوسامة والجمال.. وبيحبها جدا.. حظوظ ولا أيه؟ قالت لولا: علي فكرة الجمال ساعات يكون نعمة وساعات ينقلب لنقمة.. يعني الراجل الجميل ممكن يكون مشكلة لزوجته والعكس والمهم الأخلاق! قالت نانا: أحيانا الحظ والصدف تلعب دورا كبيرا في حياة الإنسان.. واحد قريبي بعد تخرجه اشتغل في مصنع وفي زيارة لخبير أجنبي عرض عليه أفكاره وصل الخبير لبلده وأرسل له عقدا وسافر من كام سنة.. وأصبح من كبار مهندسي الشركة العالمية.. طبعا هي مسألة حظ وشطارة مع بعض..
قالت ديدي: طبعا شفتوا الست الأمريكية اللي كسبت اليانصيب .. أكثر من 250 مليون دولار. وهي عاملة نظافة.. طبعا دي حظها ضارب .. الغريب أنها بعد أن عرفت فوزها قالت إنها ستذهب للبيوت التي تعمل فيها للنظافة لآخر الشهر قبل أن تترك الخدمة.. شوفوا الضمير؟! قالت نانا : مسألة البحث عن الحظ في مسابقات بالموبايل دي كلها خدع للناس ومكاسب خرافية للشركات.. يعني الجوايز بالآلاف والمكالمات بالملايين.. عملية ضحك علي الدقون! قالت لولا: المهم الحظ يكون في شئ مشروع بالحلال وساعتها بيكون رزق للإنسان من عند ربنا .. يعني مكتوب ولكل مجتهد نصيب.. والحظ لا يمكن يكون من الهواء.. لأن السماء لا تمطر ذهبا.. ولا ايه ياحبيبتي؟!
الروابط المفضلة