خلال هذا الأسبوع كنت وعدت ولدي برحلة لمدينة الأطفال
جاء اليوم الموعود ونزلت معاه وبدينا في أول لعبة
كانت اللعبة عبارة عن تسلق وتحتاج إلى لبس حبال معينه حول الخصر وتثبيتها من جهة الفخذ
طبعا العامل هو من يقوم بهذه المهمة وبدأ بتثبيت الحبال
أرتبت حقيقة من فعل العامل وطريقة تثبيته للحبال ..
حسيت أنه يحرص أنه يتحسس جسم الولد !!
وكان فيه بنت صغيرة تلعب قبلنا تقريبا حدود الخمس سنوات تتسلق بدون وجود أحد
طبعا البنت تنزل شوي وترقى شوي ( كذا طريقة اللعبة )
فلاحظت أن العامل يقرب من البنت كل ما كانت بتنزل و يصير بينه وبينها احتضان خلفي !!!!!!
أنا هنا ثارت أعصابي وتوتررررررت وأحاول أكذب شعوري وأني متسرعة وما عندي سالفة
وبعد كذا جاء ولدين صغار بديت أدقق أكثر و ألاحظ تعامل العامل
وفعلا تأكدت من أن الحركات متعمده ومقصودة
فصرت أتابع العامل وما أسمح له يقرب من ولدي ولاحظ هو أني فهمت حركاته
وفعلا ما قرب طوووول ما أنا موجودة من أي أحد
جات أم البنت أخيرا
وقلت لها هذي بنتك قالت نعم
قلت لها لا تخلينها تلعب لحالها
قالت عندي هناك أخوها الصغيروما أقدر أخليه لحاله !!!!!
قلت حركات العامل ما أعجبتني مع بنتك
فجلست ثواني و طلعت بنتها وبعد قليل ثاااارت الأم وقالت لها متى فتحتي سحاب البنطلون
طبعا طوووووول الوقت وأنا مع ولدي من لعبة للعبة ثانية
إلى ما انتهينا
ولما جيت أطلع من الألعاب ناديت واحد من الإدارة وطلبت منه متابعت العامل من بعد وبينت له شكوكي
وتشكر مني ووعد خير
فنصيحة لكل أم أطفالك انتبهي على اطفالك في هذه الأماكن فيمكن يصير موقف يأثر على طفلك مدى الحياة
وربي يحفظ ذرياتنا و يهديهم
ويعينا على متابعتهم
آمييين يارب
رد مع الاستدلال
كتبت بواسطة ولي معكم ميعاد
الروابط المفضلة