انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 23

الموضوع: قبل ان تنطقوا بكلمة ( احبك )

  1. #1
    تاريخ التسجيل
    Jan 2007
    الموقع
    فى مصر
    الردود
    59
    الجنس

    قبل ان تنطقوا بكلمة ( احبك )

    في الأيام دي اصبحت كلمة (بحبك) تقال بلا حساب وكأنك بتقول انا بحب المانجة


    تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم

    من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه






    بالنسبة للشاب:





    معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
    لازم تكون على استعداد للتضحية...مش كل حاجة انت بس اللي تاخدها
    لما تقولها تكون عارف ومتأكد ان ده حب حقيقي منك مش بتقولها كدة لعب عيال
    فكر ألف مرة قبل ما تقولها...واعلم ان مسئولياتك زادت
    لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم





    بالنسبة للبنت:



    فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها

    فكري كتير واتعظي من خبرات اللي سبقوكي وانكسر قلبهم
    لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قال الشرع
    تأكدي من شخصيته..واسألي نفسك هل اقدر اعيش معاه فعلا
    مفيش شاب كامل طبعا بس برضو أختبريه بدون جرح مشاعره
    أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
    لازم كل حاجة تعمليها يكون هو على علم بيها
    في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء
    طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!!
    لازم تحكمي عقلك كتير أوي قبل ما تحكمي قلبك في بداية الطرق
    لحد ما تتأكدي مليون في المية ان الحب بينكم صادق






    كلمة بحبك بداية تكوين أسرة ولو اتبنت على أساس غير سليم يبقى قول على الحب يللا السلام وانهيار الأسرة في الطريق

  2. #2
    تاريخ التسجيل
    Mar 2006
    الموقع
    **فى قلب مجروح وحاسس بالوحده لكن فى وسطه ناس بحبهم ويحبونى ويكفينى حبهم **
    الردود
    2,452
    الجنس
    أنثى
    اكيد كلمة بحبك صعبه ومش ممكن نقولها لاى حد بالساهل كده

    بس ممكن سؤال؟؟؟؟
    الموضوع جميل جدا
    لكن اسمك صعب جدا ليه ( حزينه مجروحه )
    ليه الاختيار الصعب ده
    اسفه لتطفلى

  3. #3
    تاريخ التسجيل
    Aug 2006
    الموقع
    فى ارض الله
    الردود
    1,814
    الجنس
    امرأة
    موضوعك جميل اوى اوى
    لكن اسمك صعب جدا ليه ( حزينه مجروحه )
    ليه الاختيار الصعب ده
    انا مع هاجر ليه كده صحيح
    الحياه حلوه اوى

  4. #4
    تاريخ التسجيل
    Jan 2007
    الموقع
    فى مصر
    الردود
    59
    الجنس
    اولا ميرسى على الردود الحلوة دى
    ثانيا انا الاسم ده انسب اسم ليا لان انا حزينة جدا ومجروحة جدا
    الحياه صحيح حلوة بس فيها ناس بيخلوكى تتجاهلى حلاوتها من كثر اللى عملوه فيكى
    صدقونى حزينة ومجروحة ده اقل تعبير عن احساسى
    وبعدين مافيش تطفل ولا حاجة احنا اخوات

  5. #5
    تاريخ التسجيل
    Dec 2006
    الموقع
    فى عينيك عنوانى
    الردود
    2,343
    الجنس
    أنثى

    الحزن والجرح اسهل طريق لليائس

    تعقيب كتبت بواسطة حزينة مجروحة
    اولا ميرسى على الردود الحلوة دى
    ثانيا انا الاسم ده انسب اسم ليا لان انا حزينة جدا ومجروحة جدا
    الحياه صحيح حلوة بس فيها ناس بيخلوكى تتجاهلى حلاوتها من كثر اللى عملوه فيكى
    صدقونى حزينة ومجروحة ده اقل تعبير عن احساسى
    وبعدين مافيش تطفل ولا حاجة احنا اخوات
    اختى ف الله انا معاكى ان الحياه حلوه وفعلا فيها ناس بيخلوكى تتجاهلى حلاوتها
    لكنك بامكانك تحدى كل هذه المصاعب وتتجهى الى الذى لايغفل ولا ينام
    وهتحسى قد ايه انا الحياه الى احنا عايشنها دى لاتساوى جناج بعوضه صدقينى
    ولكن عيشيها بحلوها بمرها يوم حزينه ويوم سعيده
    صدقينى كلها رحله وهتعدى بس الاهم انك تتطلعى منها بحاجه مفيده
    طااااااااااااااااااعه الله عليكى
    ربنا يسعد كل ايامك
    اختك ف الله :- سلمى

  6. #6
    تاريخ التسجيل
    Jan 2007
    الموقع
    فى مصر
    الردود
    59
    الجنس
    جزاك الله خيرا اختى فى الله
    ولكنى قبلت من هذة الدنيا ان ابقى وحيدة مع ربى ارجوا منه رضاه عنى
    وان يرحمنى ويغفر ذنوبى لانى متاكده ان الحياه دى احنا عايشنها علشان نعرف بعد كده ان شاء الله
    انها ماتساويش حاجة
    واشكرك على كلماتك الجميلة

  7. #7
    تاريخ التسجيل
    Jan 2007
    الموقع
    فى مصر
    الردود
    59
    الجنس
    جزاك الله خيرا اختى فى الله
    ولكنى قبلت من هذة الدنيا ان ابقى وحيدة مع ربى ارجوا منه رضاه عنى
    وان يرحمنى ويغفر ذنوبى لانى متاكده ان الحياه دى احنا عايشنها علشان نعرف بعد كده ان شاء الله
    انها ماتساويش حاجة

  8. #8
    تاريخ التسجيل
    Jun 2006
    الموقع
    EGYPT
    الردود
    447
    الجنس
    ذكر

    byebye

    انا عارف انى اول شاب ارد على الموضوع وده من حسن حظى
    اولا انا متفق معك تماما فى كل اللى اتكتب
    بس الجرح احنا اللى بنعمله فى نفسنا
    لاننا بنصدق الكدب وبيكون باين امامنا بس القصه الحلوه واللحظات السعيده بنخاف تنتهى منا علشان كده بنكمل
    واحنا متأكدين من كل ده كدب بس بنقول اه ممكن يتغبر
    طبعا كل اللى بيحصل ده مش حب
    الحب مش كلام هو فعل ومش شرط اقول لواحده بحبك علشان تعرف
    ممكن من التصرفات او غيره
    وهو ده اللى بيقع فيه معظم البنات مش علشان واحد ساعدنى او كان شهم معايا يبقى بيحبنى
    لا ممكن تكون تربيته وطبيعته كده
    المهم اننا نصبر عليه ونقيمه لحد مالامور هتمشى لوحدها
    ونصيحه اخيره
    لكل شاب وفتاه معروف عندنا فى مصر ان لو الواحد قال لوحده بحبك يبقى خلاص كده هى اللى سايقه المركب والعكس صحيح لو هى قالتله .
    علشان كده بلاش نقول الكلمه دى ونسيب التصرفات هى اللى تثبت اننا بنحب ولو رفض ادينا بنعمل خير ونرميه البحر
    ومش كل علاقه بين ولد وبنت بتكون حب ممكن تكون صداقه عمل او كليه او ممكن لاغراض اخرى وبتظهر على طول طبيعه العلاقه
    اسف على الاطاله
    آخر مرة عدل بواسطة الكميائى : 07-01-2007 في 04:22 AM

  9. #9
    تاريخ التسجيل
    Dec 2006
    الردود
    1
    الجنس

    camera

    جزاك الله خير هذه اول مشاركة لي علموني كيف اخصص لي توقيع
    آخر مرة عدل بواسطة الدلع كلووه : 07-01-2007 في 04:31 AM

  10. #10
    تاريخ التسجيل
    Dec 2006
    الموقع
    فى عينيك عنوانى
    الردود
    2,343
    الجنس
    أنثى

    لوحه تحكم العضو

    تعقيب كتبت بواسطة الدلع كلووه
    جزاك الله خير هذه اول مشاركة لي علموني كيف اخصص لي توقيع
    من لوحه تحكم العضو

مواضيع مشابهه

  1. الردود: 1
    اخر موضوع: 26-01-2010, 02:16 PM
  2. بماذا ساكافيك .. زوجي .. احبك وساظل احبك
    بواسطة أمنية الامين في نافذة إجتماعية
    الردود: 11
    اخر موضوع: 09-01-2010, 06:46 PM
  3. احبك**احبك**احبك
    بواسطة جدولين في نافذة إجتماعية
    الردود: 19
    اخر موضوع: 09-12-2007, 11:44 PM
  4. احبك؟؟؟
    بواسطة منايرالسليمان في فيض القلم
    الردود: 1
    اخر موضوع: 19-11-2007, 03:22 AM
  5. ااااااااااااهـــ. يا امي كم احبك.كم احبك
    بواسطة الرايق في ركن الصوتيات والمرئيات
    الردود: 3
    اخر موضوع: 24-10-2002, 09:30 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ