الجدة : الحمد لله يا بني نحمده على كل حال .. طمني انت عامل إيه و فين اراضيك ؟
الحفيد : الحمد لله
الجدة :بقالي فترة مبشوفكش ليه ... كدة تسيبني لوحدي بعد ما كنت مالي علي حياتي
الحفيد : والله مقدر يا ستي انت الخير و البركة بس مشغول شوية
الجدة :مشغول عن جدتك برضوا ؟! وراك الديوان يعني
الحفيد : ديوان إيه يا جدتي ....مشغول شوية في مشوار الحياة
الجدة :مشوار إيه يا بني؟
الحفيد : مشوار الحياة يا جدتي إيه متعرفيهوش !
الجدة : وده بيركبولوا منين يا بني ؟
الحفيد : بيركبولوا ايه بس يا جدتي؟...ده مشروع نهضة أخلاقية و حياتية
الجدة (تنظر بتعجب ): بيقول إيه الواد ده ؟
الحفيد : أنا هفهمك يا جدتي
مشوار الحياة ده مشروع علشان نحسّـن أخلاقنا و نرفع من مستوى علاقتنا بالله سبحانه و تعالى .....
الجدة :تحسنوا الاخلاق !! اخلاق أيه ؟ ده الدنيا باظت.
الحفيد : عندك حق والله يا جدتي و ان مش شاغلني عنك غير حب بلدي و شباب بلدي و حبي و إصراري إني اغيرهم و اتغير معاهم ... بيني و بينك انا برضوا عايز اشد مع نفسي شوية ... سبيني بس اكمل كلامي
الجدة :كمل كمل الموضوع شكله حلو.
الحفيد : مشوار الحياة ده مشروع علشان نحاول نحسّـن الأخلاق اللي ظهرت الأيام دي زى اللي بيحصل في الشوارع والشباب الضايع وفترة مراهقة الشباب واللي بيتعرض في التلفزيون و غيره يعني هنحاول نعالج المشاكل اللي بيتعرض لها الإنسان من لحظة الولادة ولغاية لما يموت.
الجدة :والله كلامك صح ياواد بالذات شباب اليومين دول واللي بيعملوه... لكن قولي أنت جبت منين الكلام ده
الحفيد : ديه فكرة الأستاذ/احمد حبيب.
الجدة :مين احمد حبيب ده يا بني؟
الحفيد :ده داعية اسلامي ياجدتي
الجدة : ما شاء ماشاء الله ربنا يوفقكم يا بني وتعرفوا تغيروا الأخلاق ديه
بقولك متاخد حماده ابن خالتك معاك اصلي خايفه عليه ليضيع.
الحفيد : قوي قوي انا هسبله ورقة معاكي فيها عنواين على النت يدخل عليها وهو هيفهم.
هتقوليلي نت ايه يا ابني ... هقولك إنت بس اديهالو يا جدتي يا سكر و هو هيعرف
نص الورقة
يا محمد ادخل على اللنكات ديه
!!!!!
الجدة سعدية
رد مع الاستدلال
الروابط المفضلة