انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 3 من 3

قصة اربع فتيات ضاعن بالبر مع الشاب الغريب الوسيم

(الملتقى الحواري - منتديات لكِ النسائية - الأرشيف)
...
  1. #1
    ماجد آلبراهيم غير متواجد عضو جديد
    تاريخ التسجيل
    Aug 2006
    الردود
    7
    الجنس

    قصة اربع فتيات ضاعن بالبر مع الشاب الغريب الوسيم

    بسم الله الرحمن الرحيم
    أرجو ان الموضوع يعجبكم لان هذا اول موضوع اكتبه في حياتي

    قصه وقعت في شعيب الشوكي بداية القصه سواليف بعدين تجي القصه الصدقيه
    في ربيع العام الماضي 1425ه اتفق شباب الاستراحه على طلعت بر .. وقالولي يبو خالد نبيك معنا فيها
    قلت والله ياجماعه الخيرأشتريكم وأشتري مخاواكم بس عندي شرطين ولا تضحكون علي .....
    الاول ام عيالي ابشاورها
    والثانيه ابروح بسيارتي ولا ابي احد يروح معي .. قالوا أفأ ليـــــــــــــه ,, قلت من غير ليه ... قالوا بكيفك
    والوعد بكره في ( ام رقيبه) الساعه 12 الظهر عشان ندخل الصمان بدري قبل ما تظلم العين,,,,,
    شاورت ام العيال ولا مانعت حملت كل شي من عزبه (شنطه موجود فيها اغراض البر) وعدة الحطب ,,
    صليت الفجر ومشيت وصلت (ام رقيبه) قبلهم وصليت الظهر والحمد لله ما تخلف احد من العيال دخلنا
    الصمان ويازينه من صمان ارض خضرا ودفء ووناسه جلسنا في (أم قرين ) ومشينا إلين (مناخ)
    قضينا في الصمان 10ايام كنها ليله .. انا انشغل بالي مع ام العيال وهلي وامي ,, قلت للربع أنا بمشي
    للديره قالو ان مشيت مشينا ,, قلت هذا مقصدي يوم اجيب سيارتي معي انتم وسعو الصدر وانا ابقطع النفود
    لم ( القاعيه )ثم اتوجه للديرة .. قالوا الله يحفظك بس شغل الكنود(الكنود جهاز يستخدمونه حقين البر للمساعده
    وتحديد المواقع وله استخدامات اخرى )
    وادعتهم ومشيت الظهر منهم ودخلت النفود كل شي ماشي تمام إلا ان ريشة الكنود تعطلت .. قلت يالله دام الماجلان
    (جهاز يحدد المواقع ويعلمك المسافات ويعطيك خريطه للموقع المطلوب إلخ ..)شغال الله الموفق ما فيه غيره
    من دخلت النفود والسماْْء تمطر على خفيف اقول في نفسي ما فيه وقفه ولا نوم الا في السياره ان اضطريت له
    قطعت النفود والحمد لله قبل نصف الليل بشوي بانت علي انوار (القاعيه) وكلش تمام بس انا ابي (تمير) ومنها إلى
    (التنهات) عشان اختصر المسافه بس الامور ماجت على الكيف .. السماء تمطر والارض تمشي سيل قلت اشكوا لله
    .. وصلت
    الأعصل (وادي شرق تمير ) الوادي يمشي مشي ضعيف وقفت وقلت هذي ساعتك يبو خالد انزل وشب على الدله
    والقدر الساعه قاربت الواحده صباحا هذا هو يوم الخميس شبيت النار وبهرت الدله وأشوف السماء إلا برق قوي
    قلت الله العالم هذا رزق ساقه الله لها الديره ,,,,,,,,,,,,,,, الدنيا سكوووووووون شربت قهوتي وقلت ابرتاح لو ساعه
    فرشت فراشي وانسدحت وقريت الورد وسميت بالله وقبل ما أنام ,,,,,,,,,,,,,,,,,,,,,,,,,,,,,

    الا انا اسمع صووووووووووووت صياح بنت او ولد صغير تعوذت من الشيطان وقلت وش هالصوت
    وانا ما أخفيكم انا الصراحه خفت احسبته جن سميت بالله وجلست اقرا قرآن لكن الصوت يزيد

    ,,,,,,,,,,,,,,,,,,,, الصياح ازداد واحس انه ينقطع فجأه ويرجع على طول يعني احد يسكت اللي يصيح بالقوه الصياح
    ارتفع معه ازعاق الساعه قاربت الثلاث ومع صوت الصياح اسمع صوت حنين سياره ضفيت العفش وركبت السياره
    وأقول اروح لم الصوت ولا لأ
    =======> حطو انفسكم مكان ال ابو خالد بتروحون لم الصوت اللي يخوف ولا يا زين الروحه للبيت بس



    المهم قلت في نفسي (اتوقع) هذي عائله متعطله سيارتهم خلني اشوف وش السالفه قبل ما البرق يقرب علينا
    مشيت مع الوادي (الأعصل) رفعت النور وأشوف




    , اشوف سياره جمس يوكن احمر . هذا اللي كنت متوقعه المهم اليوكن غاطس في الطين يوم شافني قربت الا النور
    طفا وجلس في السياره ولا تحرك ولا طلب المساعده السياره مظلله ضربت بوري وأشرت بيدي وبالنور لكن مافيه
    فائده ,, قلت على هواك .. تركته ومشيت مطلع شمس لم التنهات بس قلبي ما طاوعني لأني اشوف البرق قرب وقوي قلت ان امطرت عزالله ان السياره بتروح مع اللي راكبها رجعت لمه وجلس اصارخ ياللي بسياره يا راعي اليوكن انزل نسحب السياره قبل ماتمطر انزل ياغشيم خلنا نسحبها قبل السيل ,,,,,,,,,,,,,

    انا بيني وبينه قرابت العشرين متر بس أظاهر انه مايسمع وكنه فهم بس مايبي ينزل من السياره المهم
    فتح الدريشه شوي وقلت ترى السيل جاي بالطريق اما انزل نسحب السياره ولا تراك بتروح معها انا قلت هالكلمه الا الصياح يوم طلع من السياره انفتح باب السياره وانا احط نور سيارتي على اليوكن ولا وش اشوف

    ,,,
    ,,
    ,
    اربع بنااااااااااااااااااااااااااااااااااااااااات اعمرهن بين ال22 و 25 ولا رجال معهن ولا سواق قلت اجلسن في السياره لا تحوكون , يا حيلة الله حظي وجابني للغربله .. سحبت السلسله من صندوق الموتر وأخذت شنكار الونش معي وطبيت في الطين الين وصلت سارتهم ربطت السلسله في اليوكن والونش وقلت للي تسوق سيارتكم ما فيها دبل إذا سحبتك لا تلفين يمين ولا يسار وامسكي الدركسون عشان مايلف ,,,, قالت طيب
    وسحبتهن والواير انشد ومادريت الا الواير انقطع من سارتهن وضرب قزازة سيارتي الاماميه وضرب راسي بس خفيفه والحمدلله ماجاني شي نزلن من السياره وهن خايفات علي من السلسله ونزلت قالو سلمات قلت ماصار الا الخير ,,,,,,,,,,,,,,,,,,,,, شبيت النار وقلت اجلسو عندها ولا عليكم خوغ ان شاءالله السياره بتطلع بس سكتو هاللي تصيح لاني ما اعرف اشتغل وعندي احد يون(يصيح)
    وانا احاول ازين البكره الللي انقطعت مادريت الا السواقه طابه معي فالطين
    قلت يابنت الناس روحي اجلسي ريحي إذا احتجتك ناديتك قالت عيب علينا حنا بنات ارجال ,, (بنات ارجال ورايحات بالسياره لحالهن) لازم اساعدك قلت اقول روحي بناديك إذا بغيتك وأنا جالس اربط الا وجاني الشيطان وقال .....
    ............... استغفر الله تعوذت من الشيطان وقلت بيوت شعر
    أوا هني اللي على النفد نايم@@@أمجاور نار الدفا من غضاها
    قناص او كشات فوقه عزايم@@@ربعه يدلونه اللي هو نواها
    تركت انا الصمان والجوغايم@@@قاصد ابي الديره قلبي هوها
    لقيت انا المزيون والقلب صايم@@@عن الحرام أبعد هواها



    المهم زبنت البكره وربطتها بقوه قلت للبنت تعالي حطي الموتر بالفاضي وثبتي الدركسون وانزلي لاني اخاف تنقطع البكره عكس ويجيك شي راحت عندهن وما دريت الا والسماء بدت تمطر والبرق فوق الراس وأول ما بدت تمطر الا البنت رجعت تصيح وتصارخ نزلت من السياره معصب قلت ترا والله إذا ماسكتي والله لا اخليكم وامشي ,,,
    أشوا سكتت
    ركبت السياره وتوكلت على الله وسحبت السياره والحمدلله طلعتها واول ما طلعت الياره ركبو البنات في موترهن الا والبرد ينزل علينا وانا محتاس قزازتي يدخل منها المطر والبرد بس الحمدلله ما طول المطر ,,,,,,,,,,,, كل اجهزتي
    خربت من كنود وماجلان من المطر ,,, بس الحمدلله ان الجماعه طلعو رحت لمهم وقلت الحمدلله على السلامه الحين طلعتو عاد قولولي وش قصتكم
    قالن حنا كاشتين مع اهلنا في شعيب الشوكي ورحنا نتمشى بالسيارة نحسب الدعوه تمشي وضعنا ولادرينا الا حنا هنا في هالشعيب من امس العصر
    قلت طيب وين ب الشوكي ما فيه شي يلفت الانتباه قالت اللي تصيح ايه حولنا (غار عليه باب مفكوك )(هذا الغار معروف للي يروحون لذيك الجهات) مشينا.. المسافه ماهي بعيده لكن المشكله طين وسيل والسواقه أعليميه والموتر ما فيه دبل وصلنا الشوكي على طلعت الشمس يوم قربنا من اهلهم قلت اهلكم يبعدون عنا 500متر انا بروح مع درب ثابي يعني الواح يخاف من الظن لا قدر الله
    قالت السواقه الله يعافيك ويفرج عنك بس ابي رقم جوالك .. عطيتها الرقم وتفارقنا ومشيت شوي وابعتدت وقلت خل افطر نزلت وشبيت النار وانا جالس افطر ما دريت الا هالجيوب والجموس والسيارات اللي جايه لمي نزلو خمسة شباب وقالو انت اللي طلعت اليوكن قلت نعم ,,,,,,,,,
    قالو امش معنا قلت وين وليه قالو هناك تعرف انا خفت ورحت للسياره واخذت السلاح وحطيته بمخباتي ورحت معهم وساقو سيارتي نزلوني عند الخيام ودخلوني وحده منهن الا فيها شايب عليه آثار الخوف قال يا ولدي انت من طلع بناتي وبنت اخوي قلت ايه قال وين قلت بالمكان الفلاني قال يعني هن صادقات قلت ايه وانت موترك اندمر من السحب قلت ايه قال وش تبي مكآفأه قلت سلامك طال عمرك قال لا انت مثلك في هالديره قليل قلت لا كثير قال تقولي لا من انت عشان تقولي لا مسك الدله وضربني مع راسي بقوه .......( وأنا اقوم من نومي وأنقلب على جنبي الثاني وأكمل نووووووووووووومي)
    هههههههههههههههههههههههههههههههههههههههههههههههههه ههههههههههههههههههههههههههههههههههه
    ادري طولت عليكم بس حلللوه 1/0

  2. #2
    ~ ريـــــم ~'s صورة
    ~ ريـــــم ~ غير متواجد زهرة الحوار
    تاريخ التسجيل
    Jul 2005
    الردود
    719
    الجنس
    أنثى
    بصراحة اندمجت مع احداث القصة كنت احسبنها واقعية

    قصتك هذي حلم حقيقة والا من تأليفك ؟

    اذا كانت من تأليفك مشكلة كبيرة معناتها انك تتمنى انك يصيرلك هالشيء وتخلو ببنات

    وين زوجتك عنك ما ملت عينك !!!

  3. #3
    شمالية غربية's صورة
    شمالية غربية غير متواجد مستشارة لكِ - ذوق راقي " قلب لكِ النابض"
    تاريخ التسجيل
    Mar 2002
    الموقع
    ღ♥ღ .. وَإِنَّ الآخِرَةَ هِيَ دَارُ القَرَار ღ♥ღ
    الردود
    34,635
    الجنس
    امرأة
    التدوينات
    10
    عذراً لإغلاق الموضوع

    بإنتظار جديدكم المفيد للمرأة والأسرة المسلمة
    الرجاء الرد من الأخوات فقط

    قريباً .... تجربتي مع الـ ديرم إميلان Dermamelan Mask بـ..الصور

مواضيع مشابهه

  1. ارجوكم ساعدوني والله يادموعي اربع اربع على خدي
    بواسطة متفائله100 في الأمومة والطفولة
    الردود: 9
    اخر موضوع: 22-02-2011, 06:28 PM
  2. ~~~~~...فنجال بالبر ...~~~~~~~
    بواسطة m$m في ركن الصوتيات والمرئيات
    الردود: 16
    اخر موضوع: 14-11-2008, 03:27 PM
  3. الشاب الوسيم الزاهد ...... والفتاة الجميلة ...!!!!!!
    بواسطة الكادي في الملتقى الحواري
    الردود: 8
    اخر موضوع: 24-04-2003, 03:33 PM
  4. اربع كلمات عن اربع ملوك
    بواسطة العبير في الملتقى الحواري
    الردود: 6
    اخر موضوع: 07-07-2002, 10:52 AM
  5. للمهتمات بالرشاقه##خبز بالبر
    بواسطة جوريم في المعجنات والسندويشات والفطائر والخبز
    الردود: 5
    اخر موضوع: 18-05-2002, 02:33 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96