هذه القصة خيالية و غير حقيقية و غير مستوحاة من أي أحداث أو مواقف حالية .. و أي تشابه بين أحداث و شخصيات القصة و بين أي أحداث او شخصيات من الواقع انما هو من قبيل الصدف البحته الغير مقصوده والتي نعتذر عنها في حال حدوثها.
ذات يوم دخل حمار مزرعة واحد صاحبنا وقعد يأكل من زرعه الذي تعب في حرثه وبذره وسقيه أزاي يخرج الحمار .. ؟؟ جري الرجل علي البيت جاب عدة الشغل .. الموضوع مش مستحمل تأجيل جاب عصايه طويلة وشاكوش ومسامير وقطعة كبيرة من الكرتون كتب على الكرتون (يا حمار أخرج من مزرعتي) ثبت الكرتونة في العصايه الطويلة بالشاكوش والمسمار وراح إلى حيث الحمار المبرطع في المزرعة رفع اللوحة عالياً وقف على هذه الحالة رافعاً اللوحة منذ الصباح الباكر حتى غروب الشمس والحمار مطنش علي الاخر الراجل احتار يمكن الحمار مفهمش اللي اتكتب على اللوحة المهم الراجل تعب رجع للبيت ونام تاني يوم عمل عدداً كبيراً من اللوح ونادى أولاده وجيرانه وجاب أهل القرية كلهم ووقف الناس في طوابير شايلين لوحات كتير مكتوب عليها (أخرج يا حمار من المزرعه) (الموت للحمير) (يا ويلك ياحمار من صاحب الدار) ووقفوا حوالين الحقل اللي فيه الحمار وبدأوا يهتفوا أخرج ياحمار أطلع أحسن لك والحمار .. حمار .. بيأكل ومصدر الطرشه علي الاخر .. غربت شمس اليوم الثاني الناس تعبت من الصراخ والهتاف وبحت أصواتهم فلما رأوا الحمار مش معبر رجعوا إلى بيوتهم وهما بيفكروا في طريقة تانيه في صباح اليوم الثالث الرجل قعد في بيته بيعمل حاجه تانيه خطة جديدة لإخراج الحمار فالزرع أوشك على النهاية وحق الراجل هيروح خرج الرجل باختراعه الجديد نموذج مجسم لحمار شبه الحمار الأصلي وراح إلى حيث الحمار يأكل في المزرعة وقدام الحمار وحشود القرية المنادية بخروج الحمار رش بنزين على النموذج وحرقه فكبر الحشد والناس هاصت وزاطت بص الحمار علي النار ورجع يأكل في المزرعة بلا مبالاة يادي النيله ايه الحمار العنيد اللي مبيفهمش ده الناس احتارت تعمل ايه وفي الاخر قرروا يبعتوا وفد يتفاوض مع الحمار قالوا له من الاخر كده صاحب المزرعة عايزك تطلع والراجل صاحب الحق وللزم تسمع الكلام وتطلع الحمار بصلهم كده ورجع ياكل تاني ولا كأن في حد بيتكلم بعد عدة محاولات الرجل بعت وسيط تاني قال للحمار طب يا سيدي صاحب المزرعة مستعد يتنازلك لك عن حته من مساحتهاالحمار بيأكل ولا يرد طب ربعها والحمار مطنش طب ثلثها واخينا مش في دماغه طب نصهاالحمار مكبر علي الاخر طيب حدد المساحة التي عايزها بس وعد ما تعديهاش ... ماشي؟؟ رفع الحمار رأسه وبصلهم والظاهر كده كان شبع من الأكل المهم مشى شويه علي طرف الحقل و قال لنفسه وهو بيبص علي الجمع اللي واقف يا سلام .. انا ماشفتش في حياتي أطيب من الناس ده .. سايبني آكل من مزارعهم كده ولا يطردوني ولا يضربوني زي مالناس بتعمل في اي حته تانيه غلابه جدا والله الناس ده .. هبل يعني المهم الناس فرحت لما الحمار اتحرك لقد وافق الحمار أخيراً جاب صاحب المزرعة الخشب .. وظبط المزرعة وقسمها نصين وساب للحمار النص الذي هو واقف فيه .. في صباح اليوم التالي كانت المفاجأة لصاحب المزرعة الحمار ساب نصيبه ودخل في نصيب صاحب المزرعة وقعد يأكل يادي النيله رجع أخونا مرة تانيه إلى اللوح والمظاهرات الظاهر ان مفيش فائدة الحمار ده مبيفهمش اصله مش من حمير المنطقة شكله جاي من بلد تانيه المهم صاحبنا ابتدي يفكر يسيب المزرعة كلها للحمار ويروح اي بلد تانيه عشان يعمل مزرعة تانيه وأمام دهشة جميع الحاضرين وفي مشهد من الحشد العظيم .. حيث لم يبق أحد من القرية إلا وقد وكان موجود عشان يشارك في المحاولات اليائسة لإخراج الحمار جه طفل صغير خرج من بين الصفوف دخل المزرعة وراح طوالي علي الحمار وضرب الحمار بعصايه صغيره على قفاه وطلع الحمار جري من المزرعه !!!!!!!!!!!

-----------------------
منقولة من بريد قد استلمته من أحد مجموعات الأخبار.

نستفيد من هذه القصة أن المشاكل التى تواجهنا لابد أن نختار الحلول المناسبة لها