السلام عليكم ورحمة الله وبركاته
.......................
اود طرح مشكلتين :
الناس الطمع زاد عندهم تلقى اللي عنده عمارة يطلب فيها ايجار غالي واغلب العماير الجديدة تلقون فيها السباكة عدم ولازم لها تصليح والناس بعضهم ظروفهم جيدة وبعضهم لا تسمح ظروفهم واصحاب العماير مطلعين الايجارات
فياليت الجهات المسؤولة تتولى المهمة ويحددوا اسعار معينة للعماير بحيث انه مثلا الشقة اللي بغرفتين ب12 الف في السنة
واللي ب 3 غرف ب13
واللي ب4غرف ب14 الف
واللي ب5 غرف ب15 الف...............وهكذا كل زيادة غرفة بالف
ارحموا الناس الله يرحمكم
خلوا الشباب يتزوجوا
......................
والمشكلة التانية غلاء المهور واهل العروسة اللي شروطهم وطلباتهم ماتنتهي
ويكون الواحد لسة راتبه الفين او 3 ووراه ايجار وفرش جديد طبعا ويحملوه العروسة واهلها مصاريف مالها داعي الزواج وطلبات ماتنتهي وهدايا مع كل زيارة للعروسة
فياليت ايضا يحددوا للمأذون أو المملك انه يكتب ويتحدد المهر من 15 الف ل20الف
وحتى اذا كانوا العروسةواهلها على قد حالهم موشرط يكثروا لها ملابس ىومن الغالي وفساتين سهرة وهي كم شهر وتحمل وماتلبسهم ومطربة وتفاسير على الطاولات وكلام فاضي ماله داعي والفرحة في القلب وبتوفيق العروسين وليس بالمظاهر امام الناس واذا كان الفرح مختصر وفي بيت اهل العريس او العروسة ومقتصر على الاهل فقط وخلي الاصدقاء والجيران والمقربين بعدين لوحدهم يجوا زيارات خفيفة يباركوا
لكانت الدنيا بخير واصبح الناس بالف خير
اعرف انه كلام قديم ومكرر وانقال كثير وانكتب في الجرايد كثير ومافي فايدة لكن آرائكم بناءة ويمكن نلقى حلول بنشر توعية للناس كلا ينشر لمعارفه واقاربه
,............
انتظر تفاعلكم
رد مع الاستدلال
الروابط المفضلة