بســـم الله الـرحــمــن الــرحــيـــم
الســلام عليـــكم ورحمــة الله وبركــــاته ..
راح أبدأ الموضوع بذكر قصــة لأختي الصغيرة دانـــة
هي من عشاق شخصية فُلة يعني لو قلت لكم تموت فيها شوي عليها
مغرمة فيها لدرجة انها تتمنى لو تصحى من النوم وتلاقي نفسها فُلة
اشترت شنطة من منتجات فلة جت للبيت فرحانه فيها
تقلبها وبعد التفحص وجدت ان الشنطه مو لفلة الاصلية لكن لبُله التقليد
بُله هذي تقليد تماماً لمنتجات فُله
وكانت النتيجه انها عصببببت وتبدل فرحها لصياح <--- وش الفرق فله ولاخسه
موقفها اللي حصل ذكرني بصورة قديمة التقطتها لها كنت ناويه اطرحها لكم من فترة لكن نسيت
رحت قلبت في السي ديات واستخرجتها كانت متلبسه بقناع فُلة
ولابسه العباية علشان تكمل الخلطة
موقفها بهالقناع لاينسى كنت في آخر الليل بمفردي في الصالة اطالع التلفزيون
وماانتبهت الا على المخلوق الغريب النازل مع الدرج الله لايوريكم تخرعت خرعه لو وزعت على
ثلاثين رجّال لتخرعوا
بس طلعت أحسن من هالثلاثين كلهم وتماسكت
بعدها تكلمت وعرفتها بصوتها
كنت بقوم اهاوشها بس من الدهشة غيرت الوجهه لتصويرها
سموا بالله وشاهدوا الصورة
وأسفاااه على حال أختـــاه
اتسائل هل في هذا التقليد خطر على شخصيتها
وهل تقليدها بهذا الشكل الكبير له أثر سلبي على نفسيتها وعقليتها
والاهم من ذلك دينها وعقيدتها ؟
فهل من نصائح وتوجيهات لمن هم في مثل حالة اختي او ان الأمر طبيعي ..
تحية زهرية
الروابط المفضلة