السلام عليكم ورحمة الله وبركاته
اولا احب ارحب بنفسي في هذا المنتدى ويمكن يقول البعض منكم وش جابه هذا ؟
انا بقول لكم يا خواتي العزيزات بالعربي جدتي الجازي فاتحه لها مشغل جديد ومبلشتني
وشارطه علي اني ادخل موقع موقع عن الامور المتعلقة في مكياج المرأه او اناقتها او كشتها او او او
عاد هي الله يهداها فاهمه التجارة غلط مدري من اللي لعب عليها وقايل لها بيستضيفونك في ( كلام نواعم )
خخخخخخخخخخخخ لا كل صباح تاخذ لفه على الحوش يقالك تسوي رياضه
على اخر عمرها فاتحة لي مشغل لا وبين ورش سيارات ؟؟
بالله عليكم كيف تربح افهم بس ؟؟ عاد هي فيها الضغط وما تحب احد يقول لها لا وانا بالذات مقدر ارد لها طلب
ترجيتها يا جده يا جده غيري الموقع على الاقل ما فيه فايده ......... قلت لها عطيني فلوسك استثمرها لك في الاسهم
عطتني ......................... ؟؟ مقدر اقول وربي اتذكر حركتها ودي امعط شعرها اللى مسويه فيه ثنين لا ويابسه على فوق بعد خخخخخخخخخخخخخخخخ
المهم اخواتي تحملوني معكم بنخس كم موضوع وكم فستان وكم قصة شعر وبعطيها وافتك من طلباتها
<<<<<<<<< ياكثر بربرتك الله يصلحك
اسف للاطاله وتسلم عليكم جدتي وتقول الله الله بولدي
ارق التحايا
الروابط المفضلة