كانت العيله من اول كلهم في بيت واحد يقوم اهل البيت من الفجر يصلون جميع في مسجد العايلة وبعد الفجر يجيبون التمر من الجصه والدله على النار والنجر والمحماس ويتقهون ويروح كلاً لمزرعته وتجتمع الحريم مع بعضهم البعض ويجلسون سوالف وقدامهم الكراث وسوالف ويصلحون أمور البيت يخيطون ثياب رجالهم ويطحنون ويعجنون ويخبزون وينظفون وكل والبزارين في الحوش يلعبون ولى جاء وقت المغرب جاء الرجاجيل من المزارع وتعشا الجميع وصلوا الاخير وناموا و ايام العيد يبدون الحريم بوضع الحنه والحريم يتديرمن ويوم العيد يبدء البزارين من بيت الى بيت ياخذون الحقاق ( مثل العيديه وهي القريض ) وكانت ذيك الايام الزوجات غير الحريم يزينون البنت ويجى المعرس مع ابوه وجماعته بيت العروس ويدخل ابوها المعرس عليها وينام ذيك اليله عنهم ومن الصبح يجيبون الصباحه فطور يزين لهم ودارة الايام ودارة وراحت ذيك الايام وذيك الاجتماعات وصارت مدينه في بيت دبلكس و سور وجدران يقوم اهل البيت وقت الدوام 6:30 و الي يفطر يفطر والى سفري سندويش كيري والى البقرة الضاحكه او مربه والخدامه هي الي تطبخ وتنظف وترعى البزارين وكلاً في بيته يمكن يجتمع الاخوان في المناسبات كل عيد او اذا هم متواصلين كل شهرين…. ايه….. الله يرحم ذيك الاجتماعات وبعد الدوام يجون من المدرسة او العمل ونوم الين العشاء او المغرب وطبعاً يجلسون على التلفزيون على حدى القنوات الفضائية والبيت لا جاك العيد يفضى وله نوم من الصبح الى وفي العصر زياره او في ملاهي والحريم تلبس بنطلون وعبايه مين دلعك والعطر يفوح والضحكه الى وين وين طار وتطاير ذاك الحياء الى كان في عجزنه من اول كانت تطبخ وتنفخ وتزين كلش وبنت الحين تلبس وتتزين وتنام وتسولف واربعة وعشرين ساعة حش بخلق الله ولا تعرف المطبخ لكن تعرف المغنيين والفنانات والفلم الجديد وشباب الحين يعرف من هذا الاعب وايش احدث موديل سيارات والقصه الفلانيه مرنز وقصة الاسد والحصني طارت وتطايرت ذيك الايام واهلها وجانه جيل البامبرز والنيدو بس مانقول الى الله يرحم مزنه؛؛؛؛؛

ايه والله ,الله يرحم مزنه على قولك واين الناس اول ووينهم الحين تغيروا ما ادري هم وألا الدنيا الي تغيرت صاروا يحبون المظاهر بشكل ماأحد يتصوره كل وحده من الحريم جوال وسواق وشغاله والله لو ان رجلها منتف ماعنده ولا قرش مايهمها اهم شيء ما تصير اقل من غيرها يشحذ يسرق مالها خص بس وفر لي بأي طريقه .
ولا ازيدك من الشعر بيت صارت العلاقات رسميه حته بين الأخوان , الله المستعان .
<IMG SRC="http://www.montadalakii.com/ubb/smilies/cwm45.gif" border=0> <IMG SRC="http://www.montadalakii.com/ubb/smilies/cwm45.gif" border=0>

------------------
اللهم علمنا ما ينفعنا وأنفعنا بما علمتنا .

ليت تلك الأيام تعود آوّاااااه ....ما اجملها من أيام !

<FONT COLOR="Navy">نعيب زماننا والعيب فينا</FONT c>
<FONT COLOR="Navy">وما لزماننا عيب سوانا</FONT c>
<FONT COLOR="Navy">ونهجو ذا الزمان بغير ذنب </FONT c><FONT COLOR="Navy">ولو نطق الزمان لنا هجانا</FONT c>

------------------
ومن يتق الله يجعل له مخرجا

جزاكم الله كل خير على التعليق وتعليق على الشعر الذي ذكرته الاخت حنين العيب دائما وابا في الشخص وبنا نحن وليس الزمان او المكان بل نحن من نصنع العيب ....
هذا والله اعلم

ايه والله يا ابو عوجان وين ذيك الايام وين ذيك الجمعات البسيطه الحريم يجون من العصر للي معزومين عندهم الحريم يساعدن في الطبخ والبنات يساعدن في التقليط وغسل المواعين موهب مثل الحين المعزومين ما يجون الا بعد العشاء -وهم بعد اهل-الحريم على سنقة عشره وعلى طول على مجلس الحريم ورجل على رجل ويالله تمدلك فنجال القهوه وعلى طول بعد العشاء تطلع اصلا السواق منطق ينتضرها!!!!! ويقلون الزمان تغير والله حنا اللي تغيرن.