ياعجبي من حال الناس
ذا مبسوط وذا محتاس
والثالث موجوع الراس
غيره ماعنده احساس
عجيبه فعلا دنينا
تتقلب تلعب ويانا
احيانا تصبح معانا
واحيان تمر وتنسانا
يوم يمر تشيل الهم
واحيانا منها تسلم
واحيان تقول لك انطم
واحيان تقول لك ياعم
هذي الدنيا لا ماتكمل
والشاطر من هو يتحمل
يعمل في دنيانا يعمل
حتى ياخذ دور الاجمل
ذا تاجر وذا فقير
ذا سليم وذا كسير
ذا صاحي يتعب كثير
غيره نايم بالسرير
وسع صدرك في دنياك
في بيتك مع اخوياك
خل البسمه تملا فاك
تهوي الدنيا وهي تهواك
لاتنسى تكرم جيرانك
اكرمهم ابرز حنانك
احذر لاتكشر باسنانك
سمعهم صوتك والحانك
خلك ياصاحب متغاضي
عن جملة اخطاء الماضي
تلقا نفسك جدا حاضي
بالرضا الكامل متقاضي
ثم لاتنسى بكل حين
ترفع كفك مع حنين
تطلب من ربي التمكين
بالنصرة للمسلمين
ثم عليك بطاعة الله
والسنه من رسول الله
لاتتركها ياعبدالله
والنتائج حلوه والله
ابوعبدالمحسن
الروابط المفضلة