السلام عليكم و رحمة الله و بركاته,,
* لديكم مسن طاعن في السن ..و محتاج للرعايه و الاهتمام..عيل هاذي نقاط ممكن تساعدكم في تعاملكم معاهم..
اولاً : لما تكلمه:
1. بدايةً ارسم ابتسامة علىويهك و يا ليت تكون عرييييييضه حتى ان ما كنت في مزاج زين.
2.ارفع صوتك..و خله واضحً..لان اغلبهم يعانون من مشاكل في السمع..
3.اختر مواضيع يقدر يناقشتك فيها و تثير اهتمامه..و راعي الفارق السني و الفكري بينك و بينه .
4.لا تستخدم كلمات ما يفهمها او جديده عليه مثل( تكنولوجيا..ارستقراطي..كابتشينو)
5.لا تشتكي له اببببببداً..فهو في غنى عن همومك و مشاكلك..و قد حمل على كتوفه ما يكفيه منها.
6.حط يدك على يده او على كتفه و اقترب منه فهذي اللمسه الحنون تشعره باهتمامك به و بقربك منه.
7.حاول ان تتظاهر بانك تسمع سوالفه للمره الاولى و..و ترا اغلب الشيبان يعيدون السالفه نفسها في اليوم ثلاث اربع مرات..فلا تحرجه بقول..(اعرف هالسالفه)..اسكت و اسمع..
8.لا تجادله..و لا تغالطه فاللي يقوله..و ان اضطريت و سويتها.. فباسلوب ما يحسسه بانك تفهم او تعي بشكل احسن منه.
9.بعضهم يخطي في معرفة هوية الاشخاص..فاذا صارت و غلط فيمن تكون..لا تصحح له معلومته..بل تظاهر بانك ما انتبهت.. منعاً لاحراجه
ثانياً: اذا كنت انت من يهتم بهذا المسن:
1.سوي له فحوصً دوريه.. مش بس عشان تطمن عليه بل عشان يحس بعد باهتمامك و مراعاتك له.
2.اكتب ملاحظات الطبيب حول نظامه الغذائي و تذكرها زين و الاهم ان تحاول تطبيقها حتى و ان كان هذا المسن عنيد فيما يخص اكله.
3.ان كان ياخذ ادويه..(اغلبهم ياخذون ادويه) ..فحاول ان تشرف بنفسك على هذه العمليه او شخص تثق فيه..لان المسن غالبا ما ينسى دواه او ينسى بانه قد اخذه فيرد ياخذه مره ثانيه.
4.النوم مفيد..لكن اغلب المسنين ما ينامون كثير ..فلا تصر على مسألة النوم و خله عراحته..
ثالثاً: ان كنت(للأسف) استاجرت له شخص للاهتمام فيه.. لا تعتقد بان مهمتك وقفت عند هذا الحد..راجع نفسك و مسؤولياتك..و حاول تكون معاه و تهتم به قدر الامكان..و وصي من حولك من اهلك عليه..
اخيراً..تذكر دايماً..ان ما فات من عمره..ما يوازي اللي ياي.. فخلي اخر سنواته..جميله و دافيه.. و مليئة بالاهتمام..و الرعايه..
قال رسولنا الكريم :
(ما أكرم شاب شيخاً إلا قيض الله له من يكرمه عند سنه)
صدق رسول الله صلى الله عليه وسلم...
رد مع الاستدلال
الروابط المفضلة