الســــــــــــــــــلام عليـــــــكم

MonsiLagara

مشروعي الخاص اليديد ... وهذي اول صور أعرضها لكم في منتدى كويتي ..

طبعا حقوق الطبع محفوظة ... ما أحلل اي بنت تاخذ الموديلات أو تسرق الأفكار.


عرضت قبل اسبوع صندل وردي ... وعجب الاغلبية وبنات وايد طلبوا مني اعرض المزيد من تصاميمي
لكن اللي ما لحق يقرا موضوعي السابق يشوف اول صندل مرة ثانية

الصندل الفلات عبارة عن موديل بو صبع لونة وردي فية فيونكات مطعمة بفصوص وبحجر سوارفسكي ... طبعا هاذي الصندل محجوزة خلاص .

سعرها 270 درهم








.................................................. ...........................

النعال الصندل البرتقالية مع قاعدة صفرا مطلوبة ومحجوزة قيمتها 330 درهم
مطعمة بين السيور البرتقالية بكرستال سوارفسكي اصفر وبرتقالي اللون الحلو... تنفع لقعدة بنات أو زيارة ناس على غداء... وهاذي مطلوبة للصباحية العيد.

فكرة صغيرة اضفتها .. فية خاتم صغير ينلبس للنعال وعلية حجر صغير من نفس اللون سوارفسكي بعد تقدر الزبونة تلبسة بصبع ريلها او صبع ايدها كطقم.




.................................................. ..............................

النعال الكعب هذا معروض للبيع .. وهو مصمم خصيصا للأعراس وقيمته 480 درهم ... شغل ايد ومتعوب علية من الخاطر خاصة الريش.

عبارة عن ريشتين على كل طرف والسير من فوق ذهبي كرستال سوارفسكي... ومن عند الاصابع 3 سيور كرستال ايضا سوارفسكي بلون الكحل والاخضر والذهبي... بكعب معقول .

والريش ترومين تشيلينة وتركبينة .. يعني نعالتين بوقت واحد تلسينها مرة من غير يش.. واذا عندج شيء مثل الطاووس ركبي الريش عليها بكل سهووولة ... التجديد مطلوب والافكار الغريبة تخصصي










وان شاء الله بنات اللي طلبوا مني يشوفون شغلي يطمنون كلها تصاميمي وشغلي هذا ... وانتظروا المزيد بعد الاسبوع الياي صندلين ونعال كعب تايجر. k:" class="inlineimg" />

وان شاء الله بديت استقبل الطلبات للصنادل او النعل بو كعب للأعراس او للعيد او العزايم والحفلات.. بنات اخر يوم استقبل الطلبات 10 رمضان عشان الضغط ... الحمدلله.


اللي تريد تراسلني عالخاص. وتطمن عندي التصاميم تخبللللل بس ما احطها عالعام ومسجلتنها عندي بالدفتر للطلبات الخاصة وخاصة الاعراس والعيد .. اللي يحبن يكشخن حياكن واللي تزهب لعرسها ما بتندم معاي ..

والله عندها اي استفسار ممكن تراسلني على هالايميل الخاص بي

monsilagara@hotmail.com

اترككم في حفظ الله ورعايته

وااااااااااااو هذي تصاميمك يا اختي ؟؟؟

روعة ...شو نعووومين...

خصوصاً هذا الطاووس .. عجبني كثيراً .. يعطيكِ الف الف عافية

ياريتني كنت ألبس هالموديلات المفتوحة

بالتوفيق ان شاء الله اختي

هيه نعم اختي

هاييلا كلهم من تصميم الخاص

وانا بنفسي اختار قطع الاحجار السواروفسكي والريش والقماش وكل شي

ومابتحصلين مثل هالموديلات عند غيري

واذا ماتحبين المفتوح وتحبين شي مسكر تقدرين تعطيني المواصفات اللي تبينهن وانا براويج كذا تصميمج تختارين واحد منهم

والله يعطيج العافيه على الرد .. اثلجتي صدري

تصميمات رائعة .

يعطيكي ألف عافية اختي ليالي العين .

اختي لوووز

تشكرين على مروورج الطيب وذوقج الحلوو حبووبه

يعطيج العافيه اختي
بس اول رابط هو ال فتح معاي بس باقي الروابط لا كنت حابه اشوف الباقي لانه واضح من الردودد انه الصنادل حلوه
ولو عيبتني التصاميم ممكن اخذ منها حق زهبتي يعني افصل من عندج مو اسرق التصميم
واسمحيلي

هلا اختي "" متى ستشرق الشمس""

انشالله راح ابعثلك الروابط على بريدك الخاص

واي شي انا تراه حاضره

هلا اختي مره ثانيه

سمحيلي الرساله الخاصه ماقدر استخدمها لقلة مشاركاتي

فبضطر احطلك هنيه الصور

تفضلي

السلام عليكم ..

هذي الروابط مثل ماوعدتك

اول واحد الوردي ليلسة البنات المرصع باسوار السواروفسكي
http://monsi.jeeran.com/pink%202.jpg

النعال البرتقاليه المرصعه ايضا بلونين الاصفر والبرتقالي الغامق بالسواروفسكي


واخيرا نعال الطاوووس واللي بعد احجار سواروفسكي






واذا عندك اي استفسار في اي شي تقدرين تضيفيني على ايميلي
monsilagara@hotmail.com

واذا عندج بعد موديل حابه تسوينه خبريني وانا برسمه لج وبراويج اياه

واذا عندج بعد قطعه تبين تسوين مثلها بعد حاضره ..

وانشالله يعيبج شغلي

دمتي بود

ما شاء الله أعمالك رائعة فعلاً، يا ترى كيف بتكون الصناعة اليدوية بهذه الحال؟ يعني بتصنعي كل الصندل أم بتجيبي الصندل وتضيفي عليه الفنون ؟ فعلاً جميل.

هلا اختي ايمان علي ..

الله يسلمج انا اتعامل مع اسكافي .. وانا اجيبله الاقمشه والاحجار والموديل .. وهو اللي عليه يصنعلي مثله بالضبط ..

ما اجيب شي جاهز واصنعه عليه

وتسلمين على الرد حبووبه