مساكم الله بكل خير
اليوم جبت لكم صور فرح من تنفيذي الله يبارك لاهله ويسعدهم ويوفقهم ويرزقهم العمل الصالح (( اذكروا الله ))
كانت طلبهم طاوله للمدخل هم يحددون الاغراض اللي فوقها
واغراضهم كانت
عروسة التوقيع
فكرة جديدة وحلوة وتعطي منظر عباره عن عروسه كبيره لبستها فستان منفوش وحطيتها على استاند وزينته طيب وين يوقون الضيوف التوقيع يكون في كروت صغار تنحط في جيوب على فستان العروسه وفي ايدها قلم مثبت على الاستاند
وذا شكلها من ورا
وشكل ثاني
2-صندوق يحتوي على مبخر +مرش + توله حجم كبير ومزينه الكل بنفس الالوان
علب الهدايا
3 علب كل واحد بحجم وتغليفه مختلفه
شموع وسبت فيه عينه من التوزيعات وكرت الفرح مكبر
التـــــوزيــــــعات
كانت عبارة عن 150 توزيعة فيها مخدة صغيره عودي _ذهبي ثبت فوقهم تمثال عروسه وعريس.gif)
وتوله عطر (دلع البنات ).gif)
ومسبحة ومطويه فيها كلمة ترحيبيه من ام العروسه ومسبحة انا عكست المخدات العودي لفيتهم في تل ذهبي ومعاهم مسبحة ذهبي ومطويه ذهبي وسويت العكس مع المخدات الذهبي وجمعتهم على استاند كبير وحطيت فوقه تبسي عليه عروسه صغنونه لبستها لبس باليه وولفيت لها شرايط زي جزمة الباليرينا اكرمكم الله ملاحظة لازم اقولها (( الاستاند كسر ظهري
))
وهنا بعد التغليف
مزهريات الزينه والورد
عملت ثنتين وحدة طويله ورفيعة والثانية تخينه وقصير عشان اعطي للطاوله بعد
الطويله عبيتها بقماش التل الفيروزي ورصيت فيها الجوري الاحمر وفي النص ثبت الاغصان اليابسة وعليه لزقت كم وردة فيروزي
والثانيه كانت قصير فقلت ما ينفع تطلع الورود على برا فحطيت وردةفيروزي جواتها وثبت الورد الجوري حوالين الوردة الفيروزي وحطيت فراشة كبيره فيروزي وشويه شرايط
والحين بوريكم الطاوله كاملة مع ملاحظة ان هذا التصوير مو في القاعة كان في بيتي(( يعني تخيلوها في القاعة مع الاضاءت والحركتات اللي في القاعات))
كمان عملت زي الكتاب المفتوح والمطبقه اوراقه في صفحة دورت على صورة حلوة وتكون الوانها متناسقه ما لقيت بس لقيت صورة مرة حلوة لكن مافيها من الالوان اللي ابغاها غير العقد اللي لابسته كانت تطل من ستارة وفي الصفحة الثانية ورقه طبعت عليها كلمة صغيره من ام العروسه بس للاسف الصورة مو راضيه تتحمل من جهازي (( المخرف))
كمان عملت مفرش للطاوله عباره عن ستان فيروزي وفوقه قطعه مربعه 100في 100 وطلع رووعة للاسف صاحبتو استلمتو وتوني مطلعته من الخياط يعني ما امداني اصورو
اتمنى يكون شغلي عجبكم ولا تحرموني من ارآآئكم وتشجيعكم ((( وظهري انكسر ))
يعني كلمة ولو جبر خاطر
نجي للمهم
اي وحدة تبغى زي هذا التصميم يا ريت تكون بدري لانو الشغل ياخذ مني 3 اسابيع وبقيه التفاصيل على الخااص دمتم في حفظ الله ورعايته
محبتكم في الله ام ريما 94
تفضلوا وحياكم ربي شوفوا طلبيه فرح وحدة من الاخوات
الروابط المفضلة