السلام عليكم و رحمة الله و بركاته
مين يا بنات بتعرف تشتري دهب كويس و ميضحكش عليها
و بعدين أنا بزهق بسرعة و كل فترة بغيره و بعدين كل اللي بيعجبني بيكون فيه فصوص و لما بغيره بخسر فيه كتير
و بعدين إيه الفرق مثلاً في العيارات يعني 18 و 21 و 24 مش فاهمة و دايماً بحس إني بيضحك عليا
و المفروض مصنعيته تتحسب إزاى و الضريبة تتحسب إزاى برضه
مش عارفة إمبارح عجبني خاتم و كله فصوص بس خفت أجيبه لإني لما أفكر أبدله هخسر كتير هو عيار 18 و قاللي و الله الفرق في الخسارة بينه و بين الخاتم العادي 30 جنية بس
بس بصراحة مقتنعتش و حسيت إنه بيضحك عليا الجرام إمباح عيار 18 كان ب 123 و الخاتم كان 4 جرام و قاللي هيعمل 560 و مش عارفة صح و لا غلط إترددت و قولتله هرد عليك بكرة
و يا ريت اللي عندها خبرة تفيدني أو تكون تعرف جواهرجي كويس أو قريبها أو زوجها كدة يعني

انت منين في مصر علشان افيدك

بنات مصر مش مقصرين معاك حيساعدوك ان شاء الله

بصى حبيبتى ... اولا علشان بتحبى الفصوص ممكن تجيبى لازوردى لأن فصوصه منه فيه يعنى لما تجي تبيعيه فصوصه بتتوزن معاه يعنى زى ما بيقولوا فصوص من ذهب .
ثانيا : نصيحة انك تبيعى الاول واتاخدى فلوسك وبعدين اشترى حتى لو كان من نفس المحل ولا تدخلى ده فى ده لانه حرام ولا تضعى نفسك مواضع الشبهات