السلام عليكم ورحمة الله وبركاته
اخواتي الفضليات بصراحه ده اول لقاء ليا معاكم ويا رب تبقي بدايه خير ونفضل اصدقاء واخوات علي طوول ونعين بعض علي قضاء حوائج بعض.
انا كنت عاوزه اوريكم شغلي البسيط اللي بدات بيه مشروع صغير ادعولي ان ربنا يوسعها عليا ويرزقنيمن وسع ان شاء الله في الاول احب اعرفكم اني خريجة كليه الهندسه وانا بحب جدا الاعمال الفنيه وبموووت في الشغل اليدوي وكان نفسي ادخل كليه فنون جميله بس دخلت كلية الهندسه علشان والدي كان نفسه اني ادخل الكليه دي فالمهم مش هطول عليكوا.
انا قبل زفافي بشهر كنت عاوزه اعمل حاجه تفكرني باليوم الجميل ده وخصوصا ان انا متصورتش في فرحي غير بكاميرات اصحابي البنات.
فعرفت ان في حاجه اسمها جست بوك Guest Book وده شيء ظريف جدا بيكون عباره عن كتاب كده بيتزوق من بره باللون اللي كل عروسه عاوزاه والناس اللي بيحضروا الفرح بيكتبوا فيه كلمه للعروسه والعريس ومش عاوزه اقولكم علي الكلام الجميييل اللي بيتكتب طبعا انتوا فاهمنييعني مثلا انا يوم كتب كتابي كنت لابسه نبيتي فعملت واحد نبيتي في دهبي ويوم فرحي كنت عاملاه ابيض في ورد اخضر علشان كنت عامله الفرح في جنينه مفتوحه فهوريكم الحاجات اللي عملتها ولو حد منكم بيحب الذكريات ممكن اعملها واحد علي حسب الالوان اللي عاوزاها . وكمان بفضل الله بعمل حامل يتحط فيه القلم اللي الناس هتكتب بيه في الجيست بوك و بزوق الكاسات بطريقه جميله اوي وكمان بعمل صينيه للشبكه بشكل جميل وعلي حسب الالوان اللي كل عروسه تحبها او تليق مع لبسها عاوزاكم تقولولي رايكم بصراحه ولو منكم حد فرحه قريب وكحتاج الجست بوك يقولي ولو يعرف حد هيتجوز قريب يوريه الصور ولو عاوزه تقولي بردوا وبالنسبه للاسعار نبقي نتكلم فيها مع بعض
واليكم اخواتي الفضليات بعض الاختراعاات الفظيييييعه ومن غير تريأه
وان شاء الله هبقي اكمل تصوير لباقي الحاجات اللي عملتها وابعتهالكم وان شاء الله لو اي واحده عجبتها الفكره احنا ممكن نعملها كل اللي هي عاوزاه من الوان وممكن نتناقش في حاجات كتيير مع بعض ويا رب الحاجات تنال اعجابكم ولو اي واحده مش من سكان القاهره ممكن ابعتلها اللي هي تحبه ان شاء الله
وجزاكم الله خيرا ومعلش طولت عليكم يا حبايبي
اني احبكم في الله
الروابط المفضلة