السلام عليكم حيالله اهل الامارات الطيبين اش حالكم طيبين
الموضع اللي ابي اطرحه سهل ان شاء الله ومريح ومربح بمشيئة الله وهو انا عندي مؤسسة تجارية في السعودية الرياض ابيع الملابس بالجملة وكنت في الامارات الصيف الماضي ومريت على سوق مرشد عمارة الصينيين ولاقيت عندهم شنط نسائية حلوه تقليد ماركات قلت اتوكل على الله و اشتري واجرب شريت 19 درزن وبعد ما وصلت عرضت عينات على المحلات لقيت عليها اقبال من المحلات وعشان ما درست الموضوع جيد حصلت نفس الموديلات متوفره بالاسواق بس ما عليه السعر اللي انا عارضه رخيص ضفت 10 ريال على كل شنطه وصار سعرها جدا رخيص بالنسبة للموجود المهم ما اطول عليكم بعتها ولله الحمد بمكسب يوسع الصدر قلت ودي استمر الشغله زينه وفيها مربح وبالامكان تسوق اكبر عدد درست الموضوع قبل ما اعرض في هذا المنتدى الجميل عشان اوفر واستفيد اني ما اسافر للامارات واشوف احد الاخوان او الاخوات الجادين اللي يعيشون بالامارات ويرسلوا لي بدون ما اسافر وانا ابيعها ويكون العمل على ارسال عينات فقط وانا اسوي لها تسويق واذا عليها طلب اسجلها واخبره ويرسل الكميات ونبيعها والربح مشترك النصف بالنصف هذي كل السالفه وربنا يكتب اللي فيه الخير حبيت اعرض لكم الموضوع كامل عشان تعرفون انه فيه فرص استثمارية حلوه وغير متعبة بالتوفيق والسلام عليكم

الله يوفقك ويوسع رزقك ويبارك لك يارب