السلام عليكم و رحمة الله و براكاته


بصراحة موضوعي هذا في بالي من زمان بس اليوم شدني موضوع احد الاخوات فشجعني ان نفتح موضوع مماثل لبنات ديرتي الخليج

مثل ما تعرفون الوحده منا كثير تحاتي المستقبل مع الغلاء اللي دابح العالم والرواتب اللي يالله تقدر تغطي المصاريف الاساسيه وننتظر اول الشهر على احر من جمر عشان نقبض الراتب

فأكيد كلكم مثلي تفكرون شلون تقدرون تساعدون في توفير راتب اضافي واكيد فكرتوا تفتحون مشروع حتى لو صغير يعود عليكم بالنفع

وطبعا دايما نفكر في مشروع ويوم نبغي نبدأ نحصل عقبات وصعوبات قدامنه ونوقف

من هالعقبات راس المال او شلون نسوق للمشروع او شلون نبدأ شلون نوظف هوايتنا وتصير مشروع كبير وشلون نشهر تجارتنا....الخ


وفي البعض عندها فلوس بس ما عندها فكره لمشروع حتى تبدأ

وفي بعضنا عند مشروع بس موب عارف شلون يطوره

صح وإلا انا غلطانه؟؟؟!!

فعشان جذي احنا عملنا جمعية و ما حبيت ابخل عليكم بها اي تاجرة عندها صعوبة في بدئ مشروعها او تعاني من تخوف او عدم بيع منتجاتها او اي شخص لسه ما ابتدئ مشروعه او اي شخص عنده هوية و تبي تستغلها بمشروع صغير تديره من البيت و بدها تعرف كيف الطريقة تطرح فكرتها ومشاريعها وهواياتها لا تتردد في طرحها وتخبرنه و انشاء الله راح اساعدها و هذه الجمعية تشتغل لرعاية المشاريع الصغيرة و المتوسطة و تطويرها و اخراج الافكار من الخيال الي ارض الواقع و كيفية ادارة ناجحة لمشروع معين تحت شعار (ناجح مدي الحياة)

كلنا نواجه العديد من التحديات بشكل يومي سوق العمل غير واعد وفرص التوظيف ضئيلة، والاقتصاد متعثر والسوق ممتلئ بالشركات والمتاجر. في هذا الجوء الكئيب كيف لنا أن نزرع الأمل في انفسنا؟
( من لم يريد ان يطرح فكرته هنا او مشكلته هنا يقدر يتواصل معي على الخاص عادي )
وعسى يكون هالموضوع فاتحة خير علينا ونصير كلنا تاجرات و سيدات اعمال ونلاقي لأفكارنا ومشاريعنا مجال ومتسع حتى تلاقي النور والانطلاق
وارجوا من الاخوات بعد كتابة مشروعكم هنا ان تراسلوني بايميلاتكم حتي تتسني لي لفرصة للتواصل السريع معكم

اتمنى اللاقي تشجيع وردود حلوه يا بنات الخليج لا تفشلون الجمعية ...