هلا حبيباتي خواتي فالله
شحالكن .. عساكن بخير وسهاله
الله الحمد والمنه .. إن شاء الله راح نطرح كل ما هو مميز .. وبسعر رائع .. وفي متناول الجميع .. سواء للتاجرة أو للزبونه
وقبل لا أبدأ .. بحط لكم بعض اقتباسات لتجارب زبايني الكرام..

كتبت بواسطة حورية ذاتي

هلا اختيه..
السموحه منج ماطرشيت رايي من البدايه
اولا اشكرج ع المكينه الحلوه واللي الكل استانس عليها..
ورايي بالمكينه وايد وايد حلوه ..
واستمتعت وانا استخدمها..
اهم شي الكل كان رااضي عليها وامي بعد..
وان شاء الله اطلب منج المزيد ..
موفقه غلايه..

كتبت بواسطة نفافة 10

مرحبا الغاليه ...
مشكوووووووره و ما قصرتي وصلتني الاغراض و شكرا على التغليف الحلو و ان شاء الله يكون لنا تعامل غير هذا معاج
ام حمدان

كتبت بواسطة ام نهيان999

هلا بدار الزين.....
مشكوووووووووووورة وايد عالماكينة وفعلآ وصلتني بسرعة،
وجربتها في نفس اليوم وماشاء الله ولا أروع سويت للريل والعيال بسكويت بالتوفي والشوكليت وعيبهم وايد والله......
الله يعطيج العافية وتسلمين....

كتبت بواسطة l_dl3_l

بصراحه سعرج مميز
انا شارتنها بسعر اغلى من هالسعر بوايد

كتبت بواسطة همزة وصل

السلام عليكم ورحمة الله وبركاته

اختي دار الزين .. تحيه طيبه عزيزتي
والف الف الف شكر لك على ارسال طلبيتي في اسرع وقت شاكره لك اسلوبك الطيب في التعامل
كما اشكرج على الكاتالوج اللي فيه الطريقه لاني بصراحه ما عرف شقايل يخبزون فيها وكيف هي طريقه العجينه وبجرب اللي في الكتيب ان شاء الرحمن
بالنسبه للمكينه انا للحين ما استخدمتها وان شاء الله في الاجازه بجرب
بس حبيت اشكرج على التوصيل السريع والتعامل الذوق

تحياتي

كتبت بواسطة همزة وصل

السلام عليكم .. الصراحه المكينه اكثر من رائعه وانا للاسف ما عرف
احط صور ولي نيه احط الصوره اللي صورتها انا وربيعتي بعد اللي خذت لها المكينه وقاعدات
نتفنن انا اسوي عين الجمل واصور واغايضها اطرش لها الصوره وهي بعد والف شكر لج
وان شاء الله بمر على موضوعج بس اعرف كيف احط الصوره وبكتب لج الرد هناك

كتبت بواسطة غلطة حياتي

مراحب اختي...
تسلمين على الماكينه وماشاء الله عليج ماتأخرتي في توصيلها وكل شي كان مثل ماابى
...من كثر مامدح الماكينه اختي تبى وحده منج
...

كتبت بواسطة وردة صغيروونة

هلااااااا الغالية الصراااااااحة انا من فترة ادور المكينة ومب محصلتنها وما صدقت لقيتها عندج
الصراااااااااااااحة ما فيها حيله وما عليج زود يالغالية وفوق هذا كله تعاملج الحلو وصبرج عليه
الصرااااااااااحة ما فيج حيله وماقصرتي بالغالية وتسلميييييييين فديتج

كتبت بواسطة ام شامه30

بصراحة المكاين ما عليهن كلام
و المعاملة بعد ما في اروع منها وانا خذت مكينتين من كثر ما اتخبلت عليهن...
مشكوره الغلا

كتبت بواسطة غزيل المناصير

بكل صراااااااااااااحه
بيض الله ويهج المكينه فنانه ماقصرتي

كتبت بواسطة اسومه 23

مرحبا الشيخه مشكوره فديتج على الطلب ونظافته وماصدقنا وجربناه بس صدق لذيذ وماقصرتي الغلا:alhamduleAllah:

كتبت بواسطة حراااير

هلا الغاااااااااااالية
انا صراحة لين اليوم ما استعملتها لكن سالت كم وحدة من ربيعاتي وقالتلي انها هذي النوعية واااااااااااااايد فنانة

كتبت بواسطة essa2006

مرحبا الساع يالغالية:
مشكووووووووووورة وااااااايد على الجهاز بصراحة الجهاز رهيب و سهل الاستخدام و يحمر البسكويت بطريقة حلوة (يعني يعطيش على اللون الذهبي) و هذا الشي الي تشتكي منه ربيعتي لأن عندها جهاز ثاني و ما يحمر لها البسكويت.
الله يوفقج في كل عمل يالغالية

كتبت بواسطة essa2006

مرحبا الساع يالغالية:
مشكووووووووووورة وااااااايد على الجهاز بصراحة الجهاز رهيب و سهل الاستخدام و يحمر البسكويت بطريقة حلوة (يعني يعطيش على اللون الذهبي) و هذا الشي الي تشتكي منه ربيعتي لأن عندها جهاز ثاني و ما يحمر لها البسكويت.
الله يوفقج في كل عمل يالغالية

كتبت بواسطة كيفي حلوه

هلا غناتي ،، سمحيلي ع التأخير لاني مشغوله بالامتحانات
جربتها وروووعه وتسلمين والله ونردها ل بالافراح ان شاءالله

كتبت بواسطة الكووون

تسلميييييييييييييييييييييين بدون كلام وايد المكينه,,,,,,,,,,, وايد حلوه واستخدامها سهلوالحين علمت الخدامه شيف تسوي عليها عين الجمل الحلو عشان عندنا ملكه ,,, ويقولن خدمتيه .

كتبت بواسطة ام روضه2002

مرحبا اختي دار الزين اسمحيلي كنت في العين وصار لي فترة ما دخلت النت
واما عن المكينه بصراحة ما عليها كلام سويت بسكويت عين الجمل والحمد لله ضبطت معاي من اول مرة وان شاء الله باجر بسوي بعد وبطرشه لهليه ف العين
واشكرج على التعامل الراقي وصدق ما قصرتي وياي
اختج ام روضه

كتبت بواسطة صمت الاصايل

هلا اختي شحالج عساج طيبه
حبيت اشكرج على وصول الطلبيه في وقت قياسي ما شاء الله ..
وامي تسلم عليج و تقولج مشكوره وايد عيبتها
ماكينة عين الجمل..
وربي يوفقج ان شاء الله..

كتبت بواسطة FaaRaaWaa

السلام عليكم
شحالج اختي دار الزين,,, مشكورة وايد وصلتني الماكينة و استعملتها على طول سهله و عمليه واااااايد... والصراحه تريحج في حالة الضيوف,,,
و مشكورة على الخلطات جربت معضمهم... الصراحه هالمكينه اختراع وايد عجيب و مشكورة مره ثانية وانشاء الله يكون بينا تعامل في اشياء ثانية في المستقبل..

كتبت بواسطة زخات مطر

السلام عليكم
هلا اختي.......
سمحيلي اختي من متى ابا اطرشلج بس ظروف تمنعني صارت عندنا حالة وفاة
صراحة الماكينة ما عليها زود وحتى سويت البسكوت وصورت بس ما كان عندي وقت انزل الصور بس كل العايله حبت البسكوت طبعا الفضل للماكينه وان شاء الله انزل الصور واشكرج

ما نطول عليكم .. ونخليكم مع الصور الحلوه وأسعارها الأحلى ..
:::ماكينة عين جمل بصينيتين:::
ماكينة عين جمل الجديده .. صاعة ألمانية .. وضمان سنــتــيــن
كما ذكرت في موضوعي السابق انه محد يخفى عليه مميزات هالمكينة الأكثر من رائعه
وتنفع خاصة ً فالأزمات والمناسبات الكبيرة ..
وتصلح للحلو والمالح
من تصويري الخاص ..
الكرتون من برع

الجهاز من الخارج

الصينية الأولى(لصنع بسكويت عين جمل)

الصينية الثانيه(لصنع بسكويت الويفر)

مسكات عازله للحراره

وسعرها 330 درهم بسسسسسس ..




يتبع ..

الماكينة الثانيه .. وبسعر أرخص من السوق
:::ماكينة المعمول:::
تنفع مب بس للبسكويت وبعد لشغلات ثانيه بس تابعوا موضوعي للآخر ..
وهي صناعه صينية وضمان سنة كامله
اتركم مع صوري الخاصه وسعرها الاخص
الكرتون من برع

الماكينة من برع

الماكينة من الداخل

صورة اقرب للصينية

وسعرها ب 230 درهم بسسسسسس
وهذي بعض افكار لإستفاده من الماكينة مب بس للبسكويت .. بعد لعمل الفطاير والخنفروش .. أقتبستها من بحثي فالنت
((لعمل فطاير))

المشاركة الأصلية أضيفت بواسطة : ام نواره
السلام عليكم اليوم سويت فطاير المعمول في مكينة المعمول وطلعت عجييبه الصراحه رووووعه وماتاخذ وقت وحق اللي ايينوهم ضيوف على غفله.. مكينة المعمول تنقذج يمكن خلصت الفطاير في اقل من خمس دقايق اخليكم مع الصور
حطي اى عجينه تعجبج انا حطيت عجيينه تصلح لكل انواع الفطاير حتى للخبز

الفطاير اول ماجهزت في فرن المعمول


الفطيره من داخل مستويه ماشاء الله وانا حشيتها في جبن كيري وانتي ممكن تحشينها باي حشوه تعجبج

((لعمل الخنفروش))

المشاركة الأصلية أضيفت بواسطة : ملاذ الحب
هلا وغلا باحلى الخوات
هاي صور لهالخنفروش اللذيذ كانه كيكه وريحته حلووه مع الهيل والزعفران
والطريقه مضبوطه ومن اول مره تضبطونها
حبيت اشكر رفيجتي الابديه فديت قلبها على هالخنفروش الروعه
ماشاء الله الكل يطلبه منها وتسوي هالخنفروش باعراس خواتها من حلاوته
بس هي تسوي اصغر مني ويطلع شكلهم كيوت
شوفوا صورته

وهاي الطريقه والمقادير
المقادير :
1 كاس طحين رقم 1
6 بيضات
1 كاس سكر
1 كاس طحين عيش (( ارز ))
نص كاس زيت
1 ملعقه كبيره هيل مطحون
فنجان ماء ورد مضاف اليه زعفران (( الزعفران على كيفج انا احبه وااايد ))
شويه فانيلا
1 ملعقه صغيره بيكنج بودر
الطريقه :
نضع البيض ويضرب بالخلاط وعقب نضيف السكر والفانيلا حتى يخلظ القوام شويه
ثم يوضع الطحين (( العيش وطحين رقم 1 )) والزيت والبيكنج بودر
وبعدها يضرب بالخلاط لمدة خمس دقايق في الاخير نحط الهيل والماي الورد والزعفران ويضرب مره ثانيه شويه
ويترك بعد الخلاط لمدة نص ساعه
جربوه يابنات لذيذ

واهني شوفوا من قريب

واللي فخاطرها من هالمكاين ما عليها الا تترك لي عالخاص
(الأسم - ورقم التلفون - والإماره و المنطقة - العدد)
ومايصير خاطرها الا الطيب
ودعواتكن الطيبه والحلوه منكم تكفيني وترفع لي الموضوع.
ويامرحبابكم

بالتوفيق

موووووووووفقه

===============

الله يوفقك يارب