السلام عليكم
ازيكم يا بنات
الحكاية وما فيها اني رحت مع صديقة الحمام البلدي الشعبي بتاع زماااان ،، اللي بيجي في الافلام
حقيقي هو هايل وينظف تنظيف ممتاز وبتشوفي بلاوي تطلع منك ، كإنك مستحمتيش من شهر
مع ان الواحد بيكون واخذ دش تمام قبل ميروح
بس المشكلة ان شكلوا يخوف جدآ، لانه قديم ومن العصور القديمة وكله صخور كإنوا مغارة
والريحة مش لطيفة فيه ،
المهم بعد مرجعت من الحمام قررت اني اعمل مشروع خاص ، اخذ مكان واعمل فيه شيء زي الحمام ده بس بطريقة انظف شوية وبتطور بسيط جدآ
لكن برضو تكون اسعاروا رخيصة زي الحمامات الشعبية
لان في كتير بمصر عاملين الحمام المغربي والساونا وخلافوا ، واسعارهم مهوووولة وغالية جدآ ، ومش كل البنات تقدر ترروح
فانا قلت ليه معملش مكان شبيه بالحمام الشعبي فيه برضو مغطس وميه سخنة وبخار وتكييس لإزالة الجلد الميت والبلاوي التانيةبس يكون رخيص .
فحبيت اخذ رايكم في الفكرة ، هي ناجحة ولا فاشلة ؟؟
ولو عملت فعلا حمام زي ده إيه الحاجات اللي تنصحوني اني اوفرها فيه ؟؟
ولو انك زائرة عندي
واللي عندو خبره يفيدني يا بنااااااااااااات بليييييييييييييز
( مش عارفة لو هنا المكان المظبوط لموضوعي ده او لا ‘ دورت وملقيتش مكان احطه فيه ‘ لو حابين تنقلوه للقسم المخصص انقلووه )
واللي بترد عليه وتفيدني الله يرزقها باللي في بالها
الروابط المفضلة