بسم الله الرحمن الرحيم
السلام عليكم ورحمة الله وبركاته:
هاي عليكوا اكيد كلنا سمعنا عن فرصة تزويد الدخل مع اوريفليم انا بقى جبتلكوا التفاصيل مش بس كدة لا وفرصة الاشتراك كمان .
اولا شركة اوريفليم دي شركة ادوات تجميل عالمية كل منتجاتها من الطبيعة يعني لو لاقدر الله منفعتش مش هتأذي وليها فروع كتير في مصر الجديدة والمعادي والمهندسين والإسكندرية والمنصورة والسويس ودمياط والإسماعيلية.
اما عن الاشتراك فالحكاية سهلة اوي كل ما عليكي انك تجيبي صورة البطاقة أو جواز السفر لو مش مصرية وبتدفعي اشتراك30 جنيه في السنة والسنين اللي بعدها 15 جنيه وبتعملي العقد تحت عضو قبلك احم احم اللي هو أنا إن شاء الله وبتاخدي كود تقدري من خلاله تشتري المنتجات بسعر ارخصمن الموجود في الكتالوج ايوة بسعر ارخص بنسبة 23% والفرق بتاخديه ليكي طبعا ؛هي دي اللعبة كل منتج تقدري تشتريه بسعر ارخص من السعر اللي بتعرضيه على زباينك في الكتالوج اللي ممكن يكونوا قرايبك او صحابك او جيرانك او زمايلك في الجامعة او المدرسة او ... او ... والنسبة دي بتزيد كل ما عملتي نقط اكتر يعني لو عملتي 200 نقطة في الشهر هتاخدي خصم في أول فاتورة في الشهر اللي بعده 26% وهكذا دة غير برنامج الترحيب لكل عضو جديد لمدة أربعة اشهر فلو جمعتي 100 نقطة في الشهر بتاخدي هدية بقيمة 59 جنيه والشهر اللي بعده اكتر وهكذا والشهر الرابع بتاخدي ازازة بارفان ممكن يوصل سعرها إلى اكتر من 100 جنيه بس لو معملتيش ال100 نقطة بتوعك في شهر هتروح عليكي هدايا الشهور اللي بعدها .
بس الهدايا مش بتخلص على كده لأة فبعد برنامج الترحيب لو جمعتي 200 نقطة بتاخدي برضه هدية قيمة غير ال3% زيادة في الأرباح على أول فاتورة دة غير هدية عيد ميلادك. أكيد مش هية دي كل المزايا فكل شهر فيه أيام البيوتي داي يعني لو جمعتي 100 نقطة في اليوم ده بيتعملك تنضيف بشرة بالبخار ولو 150 تنضيفبشرة بالأوزون وهكذا . وكمان فيه محاضرات مجانية للأعضاء وفي أوقات مختلفة يعني تقدري تختاري المعاد اللي يناسبك والموضوع دة اختياري ومن غير فلوس طبعا .
طبعا أنا لسة مخلصتش كلامي دأنت ممكن تاخدي في الشهر 2500 جنيه نقدا او اكتر حسب مجموع النقاط غير الربح اللي انت بتحققيه ولو عايزة نقطك تزيد اكتر واكتر تقدري تدخلي اعضاء تحتك والنقط اللي بيعملوها بتضاف ليكي انت برضه وكمان نقاط الاعضاء اللي بيدخلوا تحتيهم يعني الموضوع بسيط جدا .
اما مشكلة الفاتورة فمفيش مشكلة خالص يعني لو زباينك طلبوا حاجات ومدفعوش تمنها ممكن تعملي نظام الآجل كل ما عليكي انك تجيبي فاتورة غاز أو كهربا وتاخدي اللي طلبتيه بتاخديه من غير فلوس ساعتها ولما زباينيك يدوك الفلوس ابقي ادفعيها للشركة .
اظن بعد كدة مالكيش حجة بقى مانكرش اني في الاول اترددت لكن قولت مش هاخسر حاجة ولقيت الموضوع لذيذ جدا ؛ فكروا ولو عجبتكوا الفكرة قولولي وأنا اديكوا الكود بتاعي تعملوا بيه العقد مستنياكوا
السلام عليكم والى اللقاء