السلام عليكم
في مننا امهات
او بنات مخطوبات
او منتظرين ابن الحلال
ومافيش امكانيه للشغل سواء مش لاقيين او الاهل في البيت مش راضيين
طيب عمركم سألتوا على أشغال صناه يدويه أو هاند ميد HAND MADE وعرفتوا سعرها كام ؟
أسعار الأشغال اليدويه غاليه جدا
هتسألوا وايه علاقة فاستبقوا الخيرات بالكلام ده
أقولكم العلاقه
فكرنا ازاي نقدر نكسب الناس فلوس وهي قاعده في البيت من غير ماننزلهم حته
طبعا مش هنقدر نعمل موقع ونقولهم طول مانتم قاعدين نديكم فلوس
فكرنا فلقينا فكره
الفكره هي اننا هنعلن عن مسابقه لمعارض
معرض لكل محافظه
طبعا المعرض هيبقى عباره عن موضوع لأن طبعا مش هينفع نعمل كله على بعضه وبعد كده اللي يعجبه حاجه يلاقيها في محافظه تانيه
هنعمل في البدايه دورات في التطريز والكروشيه
ده غير مايستجد اي حد عنده هوايه يقدر يعملها دوره يقولنا وننسقله دوره
واللي يعرف برضه نقدر نساعده بأفكار
واللي تعمل حاجه وعاوزه تعرضها للبيع تحط صورة الحاجه مع السعر اللي عاوزاه واللي محتاجه الحاجه دي تقول برضه
وهنا بينتهي دورنا
ايه رأيكم ؟
طبعا لو حد عنده اي افكار تانيه اهلا بيها
كتبت بواسطة اميرةوليد
الروابط المفضلة