مشكورة وتسلمين
للبحث في شبكة لكِ النسائية:
|
مشكورة وتسلمين
السلام عليكم ورحمه الله وبركاته
انا كنت من اشد لمتابعين لبرنامج صناع الحياه واستفدت منه كتير
بعمل حاجات يدويه كتير بحكم انى مش بشتغل وعملت مشروع صغير يعنى كام شجره زينه وطبعا فشل.
السبب الاول انى خجوله فى التعامل المباشر مع الناس وخصوصا فى التسويق لان كان بيتم عن طريق قرايبى وصحابى..
السبب التانى ..انى من الصعيد من سوهاج ودايما مشكله الخامات بتقابلنى فاى حاجه ..
اديكى مثال:مشروع الشجر انا بشترى الخامات غاليه لانى بجبها بالطلب وبتالى الشجره بعد متخلص بيبقى سعرها اغلى من المحلات اللى جايبه من القاهره وبسعر الجمله..
مثال تانى..الخرز والاحجار بتباع بالوزن فكل الدنيا عندنا بتتباع الاحجار بالوحده فطبعا هتاثر على ثمن الحاجه هتعمليها.
وحاجات اكتر مش موجوده زى السلك اللى بتتعمل منه الاكسسورات ده لافيت عليه محدش عارفه اصلا.والخيش الملون و......و...... و....
المهم انا دوشتك بس الصعيد بيعانى من قله اهتمام فظيعه فكل حاجه
نفسى ابقى معاكو بس مش عارفه الظروف ايه؟؟ هنزلك صور من الحا جات اللى بعملها واللى فيه الخير يعمله ربنا ويا ريت توضحيلنا اكتر ربنا يكرمك..
احب اعرف رايك فكل الاحوال وكل سنه وانتى طيبه.
انا من طنطا وانا عاملة حاجات كتير من الاورجانزا والتريكو والكروشيه وانا عاملة بيهم مواضيع
الاورجانزا فى القسم ده والتريكو والكروشيه فى قسم التريكو والكروشيه
وعملت جاجات كتير بالمكرمية والخرز ورسم على الزجاج وحفر على المرايات
ياريت اكون ممثلتكم فى طنطا لانى اعرف بنات كتير بتشتغل ومش عارفة توزع
وعندنا نفس مشكلة الاخت فى الصعيد التجار هنا بيبيعوا بأسعار خيالية المواد الخام مثل الخرز والمكرميات وخيوطها
وفعلا تتكلف كتير وتبقى غالية
لكن ممكن عن طريقكم تورد المواد الخام
وانا تحت امركم فى اى حاجة وشكراااااااااااااااااااااااااااااااااا
فينكم يا بنـــــــــــــــــــــات
السلام عليكم
شكرا لكي اخت فرح على موضوعك الجميل
اما بالنسبة ليا فانا لديا محل متواضع للملابس الجاهزة فى امبابة وكنت اقترح لاى واحدة عندها شغل يدوى انها لو حبت ممكن تعرضوا عندى فى المحل على ان يكون لى نسبة بسيطة فى الربح علما بان محلى على شارع رئيسي وانا كمان بشتغل مناديل للراس شغل خرز وترتر وبديهات كورشية وخرج النجف فمش عارفة ازاى انا ممكن اكون معاكم ولكى جزيل الشكر
ربنا معاكم يا اخوات بالنسبة للأخت العراقية اللى فى مدينة ستة اكتوبر اللى مش عارفة اماكن الخامات فهى موجودة فى مكان اسمة الموسكى فى محلات الخردوات مثل ظريف مليكة والعقاد والنمرسى وغيرهم وهناك يتواجد الخرز والترتر وكل الخامات باسعار جملة
وبالنسبة للأخوات اللى بمحافظات تانية غير القاهرة والخامات عندهم مشكلة ممكن يتفقوا على ان واحدة تنزل منهم القاهرة مرة كل اسبوع بالتبادل وتشترى الخامات اللى محتاجاه هى وزميلاتها بالتبادل
وانا فى خدمتكم فى اى اسالة عن الخامات وبالتوفيق
الروابط المفضلة