بسم الله الرحمن الرحيم

السلام عليكم ورحمة الله وبركاته
انا وكلت امري الي الله
ولكن ساكتب تجربتي مع التاجره
((تاجرة نت)) ام محمد حياة الحربي وهذا ماظهر لي بالتحويل
انا ليان بنت الراشد
اقولكم القصه الحقيقيه مع هذه التاجره(( تاجرة نت )) واترك لكم الحكم؟؟؟؟؟
سمعت عن هذا المنتدى كثيرا وسمعت عن تاجرات ولم يشد انتباهي الا ((تاجرة نت))
تسالوني ليش ايش معني هي لانها تابعه لمؤسسة الروائع الذهبيه وهذا ما اراحني بالموضووع
واتصلت على ام محمد((تاجره نت ))
يوم يابنات قرات اعلان بمستعمل لواحد اسمه الحربي ((معرف))((تاجره نت ))وارسلت رقم جوالها لي واتصلت فيها وطلبت 130لعب احساس قالت اسال موجوده كل الكميه واردللك انتظرت وكلمتني بعد المغرب وقالت في واعطيكي ب65وقلت راعيني قالت عشان ناقص سيدي خليها 63ريال وافقت وبعد ساعه اتصلت وطلبت ازيد الكميه لان اخت زوجي طالبه كميه ورح نوزعها بدبي ابغاها 250حبه قالت اشوف واردللك اتصلت
رجعت اتصلت فيني وقالت خلاص كل الكميه موجوده ياقلبي
حولي عربون 5000الف يال قلت لها احول والباقي اجي اليوم من مكه لجده واسلم واستلم الباقي ووافقت
وخليت اخت زوجي تحول كانت نص البضاعه لها ونص لي المهم قلت لها انا من اهل مكه ايش رايك اجي اكمل المبلغ وسلم واستلم وافقت ونزلت جده وصرت ادق عليهاواطلب متى اجي تاخرني حتى صار اخر الليل وقلت ام محمد البضاعه مو موجوده لو 130 اهم شي انا واخت زوجي شراكه بالمبلغ لاتحرجيني الكميه كامله قالت ايوا
الموضوع فيه شرط يابنات وهي وافقت
قال الرسول صلى الله عليه وسلم
((البيعان بالخيار مالم يتفرقا))
المهم طول الليل ادق عليها تاخرني رجعت الفندق وانتظر ارسلت تقول مافي كل البضاعه هي ناقصه قلت ما ابغاها
لان زوجي مايفهم يحسب شريت لي وماشريت لاخته وما ابي مشكله عشان بضاعه شراكه مع اخته وهي الي حولت المبلغ صرت ارسل رسايل لها اترجاها ترجع فلوس او تكمل البضاعه طنشت ((وطول الليل انا بحانا ومانا))
المهم جا ثاني يوم دقيت عليها قلت ارجوكي يا ام محمد ابغا البضاعه قالت: ماعندي كامله الكميه ناقصه بس 100 حبه تبغيها او براحتك
قلت لها فين الباقي يا ام محمد؟؟؟
قالت لي ام محمد
هذا الموجود تبغيه ولا براحتك
وانا تاخرت عليكي لان طول الليل وزوجي بالسوق يدور كرستال لانه كان ناقص
وانتظرت يومين و واتصلت عليها وقلت ام محمد كملي الكميه واحول لاني كنت ابي اسافر دبي
قالت الكميه المتوفره 100 حبه بس
ورجعت المدينه واستلمتني اخت جوزي وين ؟؟؟البضاعه ؟؟وين فلوسي ؟؟؟ماعرفت ارد
ودخلت زوجي وقلت كذا كذا قال انا اكلمها واتفاهم معها
وصار الموضووع بينها وبين زوجي وقالت لزوجي الكميه بس 100 حبه وقالها زوجي ماكان اتفاقناممكن ترجعي المبلغ قالت اشوف واردلك...
وطنشت جايوم ويومين وماردت
احرجتني سببت لي مشاكل مع زوجي
اقسم بالله صرت ارسل رسايل والله واسترحمها واترجاها برسايل الجوال وماترد على مكالماتي اترجاها ماتورطني مع زوجي واهله
كان بامكانها ترجع فلوسي 5000ريال وتنهي المشكله
وسافرت دبي وقبل لا اطلع الطياره ارسلت لها رساله يابنات والله واترجاها ترجع الفلوس
ولا شي رافضه ترجع الفلوس وكمان طنشتني ماترد حتى اخر مكالمه كانت قبل اطلع الطياره لدبي
وسافرت وسلمت امري اي الله
وبعد اسبوعين رجعت وتوقعت اني اعطيتها فرصه كافيه توفر لي اللعبه رجعت وانا فرحانه على اساس انه عندي امل انها توفر لي اللعبة ودقيت عليها وماردت علي
لاني ابغا استلم البضاعه انصدمت .....................
لانها قالت لي ويشهد علي ربي اني ما افتريت عليها
ردت علي بالحرف الواحد اختي ماللك عندي بضاعه ولماقلت لها ليش انا اختي ماقصرت معاكي انا حولت لك عربون 5000ريال قالت لي
سالت شيخ قال دامك تاخرتي راح العربون
((الي هو 5000ريال ))وماللك شي عندي استغربت مين هذا الشيخ ؟؟؟تخيلوا يابنات
والله العظيم ما اكذب الله ياخذ عمري لو ظلمتها بكلمه
وتدخل جوزي وقالت طيب وطنشت شهر
وخليت اخو زوجي يدخل وكلمها بالبدايه انكرت
ولماحست ان الموضووع رح يكبر
دقت على اخوى جوزي و قالت ايوا اعرفهم وارسلت من اسبوع مع الما اكس برس بضاعتهم الي
هي 50لعبه بس بعد ماكانوا 100لعبة

ارسلت رساله بالجوال تقول ارسلت 50لعبه والباقي لماتتوفر متى ما ادري
يابنات وبعد هذا الانتظار.......................

وقتي راح علي .....................
فلوسي راحت علي........................
بضلعتي راحت علي......................
اخذت من وقتي ومن صحتي................
.في الاخير اترك الحكم لك ...........
.ماذا تقولون في هذه التاجره
انصفوني ...............من(( تاجرة نت ))ام محمد

حياة الحربي ((مندوبة الروائع الذهبيه))
والله على ما اقول شهيد

......................

انصفوني يابنات وين الامانه والذمه مافي احد يقول كلمة حق

احتاج منكم الدعاء فقط والكلمه الطيبه صدقه

ان شاء الله يااختي يعوضكي الله خير

والأخت تاجره نت الله يسامحهاكيف تبغى الله يوفقها وهي تاكل حق غيرها......

السلام عليكم
بنت الراشد عليك بالدعاء أنتي مظلومة ودعائك مستجاب
وبالنسبة للتاجرة أنا مستغربة كيف تسووووي كذا؟؟؟
كيف ترضى بمال مو حلال
وبصراحة ماقصرتي صبرتي عليها كفاية الله يرد لك حقك سواء
في الدنيا أو في الآخرة
الله يهديها ويهدي الجميع إن شاء الله

حبيبتي مااااااابي اظلم احد
في منتديات الفراشة الكل يمدح في تاجرة نت
على العموم إن شاء الله يرجع لك حقك

الله يعوضك حبيبتي

الله مايضييع حق احد ما عليك الا الدعاء

سبحان الله انا بغيت اقع في مثل ما وقعتي فيه

والحمد لله اللي نجاني

لا حول ولاقوة الا بالله