السلام عليكم
بصوا بقي انا عندي ليكم حاجتين
اول حاجه هو اقترح مين فينا معندهاش حاجه اشتريتها وبعد ماتشتريها تحس انها مش لايقه عليها او مش عجباها
سواء كانت الحاجه دي مكياج او اكسسوار او حتي ملابس للخروج او الاستقبال
انا بقترح كل واحده عندها حاجه بالشكل ده تعرضها هنا بمواصفاتها بس اهم حاجه الامانه يعني استعملتها ولا لاء جابتها من امتي يعني حاجات من هذا القبيل
وتقول هي جابتها بكام وعوزاها تتباع بكام مع مراعات انها مش جديده يعني هاتنقص من حقها كتير
وتبقي استفادت من حاجات عندها ملهاش لازمه وهاترجعلها جزء من فلوسها
وافادت حد تاني يكون مش قادر علي سعر الجديد
ياريت اسمع ردودكم في الموضوع ده سواء بالرفض او القبول
والحاجه التانيه هي اني اقدر اجيب لاي حد اي مكياج بس مش الماركات الاوريجينال
يعني الماركات التقليد للي مش عاوز مكياج غالي وبسعر الجمله لان اخويا بيتاجر في الحاجات دي
ووالله انا اكتر مكياجي بستعمله من الحاجات دي
مش هاقولك انه زي الاوريجينال عشان ابقي امينه معاكم بس والله حاجات حلوه جدا واسعارها كويسه
بس انا مش عارفه ممكن اديهالكم ازاي انا ساكنه في العباسيه وشغلي في مصر الجديده يعني ممكن اقابل اي حد في النطاق ده واسلمه الحاجه واخد فلوسها بعد مايشوفها بعينه
انا مستنيه ردودك ان شاء الله يا بنات مصر
ويارب اقتراحاتي تفيدكم

اقتراح حلو و احنا معاكى

ميرسي يا اروي علي الرد ونورتيني في موضوعي

فكرة حلوة اوي

ميرسي يالغاليه

العفو يا ( الياهو ) والله انت اللي غاليه
وميرسي علي الرد يا (lololala)
ومستنيه العروض ان شاء الله

اقتراح جميل
وانا هبدأ:
انا كنت شاريه بدله بوستاج وبعدين بطلت البس بدل والله ما لبستها غير وانا بقيسها بس
هي 3 قطع جاكيت وبنطلون بوستاج وتوب علي شكل صديري شيفون منقوش كنت جايباها ب265 جنيه طبعا لو حد عايزها هاتكون بسعر تاني عشان هي بقالها فترة مركونة في الدولاب بس بحالتها زي ما هي اللي بتحب لبس البدل ممكن تراسلني علي الخاص وانا احاول اوريها صورتها
وان شاء الله كلنا نستفيد حتي لو ماتباعتش البدلة يكفي ان الفكره بتاعتك دي جميله قويnadanada

كتبت بواسطة logey05

اقتراح جميل
وانا هبدأ:
انا كنت شاريه بدله بوستاج وبعدين بطلت البس بدل والله ما لبستها غير وانا بقيسها بس
هي 3 قطع جاكيت وبنطلون بوستاج وتوب علي شكل صديري شيفون منقوش كنت جايباها ب265 جنيه طبعا لو حد عايزها هاتكون بسعر تاني عشان هي بقالها فترة مركونة في الدولاب بس بحالتها زي ما هي اللي بتحب لبس البدل ممكن تراسلني علي الخاص وانا احاول اوريها صورتها
وان شاء الله كلنا نستفيد حتي لو ماتباعتش البدلة يكفي ان الفكره بتاعتك دي جميله قويnadanada

طيب ممكن تعرضي صورتها علي طول ومقاسها واللي تعجبه يكلمك علي الخاص

فكرة تجنن

تسلم الافكار الحلوة

طيب عندي سويت سحرية فعلا

ما حد جربها الا ومدح فيها

تزيل الشعر الزائد بدون ألم

طبعا فيها اضافات طبيعية مش زي السويت العادي

بتخفف الشعر جدا وبتاخر نموه وتضعفه كمان

ونتائج ملحوظة ومبهرة جدا

العلبة تكفي الجسم كله

سعر العلبة 20 ج بالشحن بامر الله

واللي تطلب بالجملة او بتشتغل في كوافير تاخدها ب15 جنية العلبة

والتجربة خير دليل

والرابط في توقيعي فيه دليل النتائج المبهرة

تحياتي لكم

ايوه كده يا بنات عاوزين عروض اكتر عشان بنات مصر تستفاد
بس ياريت العرض يكون مع الصور وبلاش الخاص عشان مش كتير بيقدروا يتواصلو من خلاله
بالنسبه للبدله البستاج واعلبه السويت احنا مستنيين الصور هنا علي العام
عشان نفيد ونستفيد