جاءت لاختي الفرصة للعمل في احدى الوظائف الحكومية في قسم النساء وهي وظيفة سكرتيرة تنفيذية وغدا المقابلة والاختبار اذا احد عنده فكرة عن الاختبار(على الكومبيوتر) والمقابلة وشو تتضمن الوظيفة اكون شاكرة جدا.

مبروك الوظيفه لاختك ويارب يوفقها ويرزقها من حلاله
بس للأسف ماعندي خبره

اتصور راح اختبرونها في اساسيات الكمبيوتر و الاستخدامات العادية
ويكون مظهرها الخارجي جيد و الله ولي التوفيق

مشكورة حبيباتي على ردودكم

هلا عزيزتي

الاختبار يكون عن سرعتها في الطباعة وطبعا باللغتين العربية والانجليزية هذا في ملف الورد ويمكن يعطونها رسالة تكتبها او اي شي من هذا القبل ويمكن يعطونها جدول وتسويه على الاكسل عسب يعرفون هل هي تعرف تسوي formela فورميلا .

ومرات يعطونها امتحان انها تكتب رسالة عن موضوع معين يعطوها اياه مثل لماذا اخترتي انت تكوني احدى موظفات الدائرة او الشركة ...... هل تتوقعين بانك ؟؟

اما بالمقابلة يمكن يسالونها عن خبرتها اذا عندنا او انها خريجة ويمكن يخلونها ترمس اشوي عن اي موضوع المهم باللغة الانجليزية بس لازم يكون عند اخت الثقة اهم شي في الموضوع كله لانهم يشوفون في المقابلة هل هي جرئية ام لا ؟؟ هل هي عندها ثقة او لا ؟؟ ويمكن يسالونها كيف تنظم وقتها في الشغل لو عندها شغل وايد ؟؟ بس لا تقول انها بتم زيادة بعد الدوام عسب تخلص شغلها لازم تقول انا اقدر انتظم وقتي يعني time managment .

ولازم توصل قبل موعد المقابلة على الاقل 15 او 10 دقائق

صح نسيت اقول خلها ادش website الشركة عسب تعرف هم شو طبيعة شغلهم يعني نبذة عن الشركة about us او من نحن
وخليها تاخذ كل اورقها مثل السيرة الذاتية باللغتين صور من شهاداتها الخبرات وهاي السوالف

وهذه بعض المواقع يمكن تستفيدين منها
http://www.najah.edu/career/beready.asp
http://www.najah.edu/career/details.asp?newsID=45
http://jobsclub-jo.com/SeekersAr/Int...p.asp?TipID=18
http://lebnights.net/vb/showthread.p...3&page=1&pp=10

موفقة ان شاء الله

اختك
اللّـوجين

مشكورة حبيبتي ماكصرتي بس انا اليوم قريت ردك وطبا نفس اللي كتبتيه جابوا لاختي لو شايفة كتابتك من اول
جزاك الله كل خير