السلام عليكم ورحمة الله
كيف حالكم؟
ابي فزعتكم الله يجزاكم خير دقو علي بنك البلاد بعد كم شهر وانا مقدمة وتعرفون بعد ابوي الله يخلية لنا مخلى احد يعرفة ماقالة يتوسط والان انا خايفة باقي المقابلة ولا ادري وشلون راح تكون ولا وشي أسئلتهم فياليت اي وحدة عندة خبرة تفيدني واكون شاكرة
ملاحظة ارجوكم ادعو لي اني يسهل لي ربي هل الوضيفة لاني فعلا بامس الحاجة له توضفت قبل بمدرسة اهلية وبعد ماشحططون عطوني انهاء عقد وانا ودي اتوضف لاني محتاجة الوضيفة من الناحية النفسيه والمالية

ربنا يوفقك في الوظيفة, و يجعلك فيها خير يا رب, و لو لا سمح الله ما كانت من نصيبك فلا تحزني عليها, فقط ادعي الله أن يعوضك خيراً منها و كوني واثقة من الإستجابة, فالله سبحانه و تعالى قال في حديث قدسي, (أنا عند ظن عبدي بي)..فأحسني الظن يا أختي في الله تعالى و هو سبحانه سيكون حسبك ووكيلك, و بالتوفيق دائماً..

(أعتذر لأني لا أستطيع إفادتك بشأن المقابلة).

هلا حبيبتي تسبيح
اول شيء الله يوفقك ويسهل عليك امورك وتكون الوظيفه من نصيبك ولا احد ياخذها غيرك

شوفي اللي اعرفه لازم تكونين اول شيء واثقه من نفسك وتكون اجابتك واضحه وبدون تخبيص
وشكلك لازم يكون مرتب والمظهر ترى اكثر شيء يهتمون فيه
اتوقع يسوون لك اختبار في الرياضيات اسئله مدري من وين يجيبونها بس لاتشيلين هم اذا كانت فيه واسطه
واختبار بسيط في الانجليزي اممممممممممممممم وش بعد طبعاً بنت عمي هي اللي قدمت بس تقول ماعجبتها وطلعت
واكد عليك المظهر لازم يكون توب وشيك وكشخه من جد يهتمون من هالناحيه لان فيه زباين راح تقابلينهم ان شاء الله نايس كلاس
والله يوفقك يااارب وتتوظفين ونصير زباينك
وجد اذا توظفتي طمنينا وبشرينا ياقلبي
سلام

الله يجزاكم خير ان شاء الله ياصفاءوسحابة
وياليت ياسحابة تسألين بنت عمك لو تذكر الأسئلة الي في الانجليزي وشي لاني ماعرف انجليزي واجد وبعد هل فية اسئلة بالحاسب وش نوعيتهم