السلام عليكم يا بنات ويا سيدات المنتدى

بغيت من اي وحده عندها فكره لبداية مشروع صغير براس مال من 50 الى 70 الف درهم انها ما تبخل علي سواء مجربه والا احد من جيرانها او انها سامعه عن مشروع ناجح
ما يهم شو نوع المشروع المهم انتو عطوني افكاركم وانا باخذ منها
المشروع طبعا مو لي لزوجي وانا حابه اخدمه لانه محتار ومب عارف من وين يبدا

ومشكورين مقدما

السلام عليكم ورحمة الله وبركاته

فيه مشاريع كثيره جدا يااختي الكريمه بس حددي توجهاتك التجاريه وحنا ندلك . . .
البدايه الذكيه في الاعمال التجاريه . . .

عندنا مجموعه من الافكار التجاريه المنزليه البسيطه وبدون رأس مال عال . . .

للاستفسار beday111@yahoo.com

مرحبا اختي اي مشروع تجدين نفسك فيه او من هواياتك سوف تبديعين فيه (ان لم تكن ذئبا اكلت الذئاب)
انتبهي لاتثقين باحد مهما كان او توكلي احد يشتغل عنك لانك راح تخسرين اذا ماكنتي على راس العمل مهما كان المشروع والله يوفقك ان شاء الله ويفتحلك باب الرزق .....................

عزيزتي فيه مشاريع كثيرة ممكن تستفيدو منها امنى افيد بالي اقدر عليه
بسم الله الرحمن الرحيم

المشروع الاول "
ممكن يشتري سيارة شحن كبيرة واسعارها مستعمل نظيف مايتجاوز 60-70الف درهم
وياجرها على اصحاب البضايع تجار الجمله ب15000 الحمله الوحده

والمشروع الثاني:
يفتح له كذا محل مثلا مغسله ا وبقاله اوحلاق هذي مرة مربحه وماتكلف شي وان كان ماله خلق يتابعهم ياجرهم على احد ويجيه كل شهر 10000اقل شي

والمشروع الثالث سلمك الله :

يشتري سياره فان عائليه ويقدم له سواق على كفالته وياجرها بالساعه او بالشهر واغلب العوايل يفضلون يستاجرون توصيل حق عيالهم والله عندنا بالرياض السواويق حق المشاوير بسيارات

خاصه الساعه ب70واقل شي ب50 هذا بالساعه فمابالك بالعقد الشهري حق المعلمات اوالطلبه واهم شي الدعايه يسوي له كرت ويوزعه عند المدارس والمستشقيات واماكن الموظفين
ويتفق مع السايق اما انه يعطيه نسبه او راتب شهري


والله يوفقكم ويرزقكم من اوسع ابواب رحمته اهم شي في هالدنيا ان الواحد مننا يعيش بكرامته وياكل لقمه هنيه

حلال هو واهله هذي قمة السعادة سامحيني ياقلبو هذا الي طرا على بالي من مشاريع وان جتني افكار ماراح ابخل عليك

تحياتي لولي

اختي حصلت لك مشروع مافيه غير الاسهم اذا كان زوجك ماعنده خبره بالعمل الحروالشركات تشتغل بالمبلغ وانتم مرتاحين اليوم الاسهم نازله بكرى يمكن راح ترتفع والدنيا فرص واهم شي بالموضوع استخيروا الله يدلكم على اللي فيه الخير والربح الحلال الله يوفق الجميع لما يحب ويرضى..........................

شكرا لك ام سارا

اسفه على التخير في الرد عليكم هذا لاني ما دشيت على المنتدى من اسبوع
beday
مشكوره حبيبتي على الرد بس تبين الصراحه انا لا عندي ميول ولا افكار واضحه يعني مب عارفه من وين ابتدي وهذي اهم مشاكلي وانشالله بيكون بينا تواصل وتكونين فال خير علي

ام سارا
مشكوره على النصيحه وهذا الي حقيقه صاير هالايام محد يقدر يثق باحد

لووولي
مشكوره حبيبتي عالافكار الي اكثر من رايعه والواحد يقدر يستفيد منها
كل واحد احلى من الثاني خاصه المشروع الاول الي شكله احتمال يعجب زوجي

والمشروع الثاني حلو بس مثل ما قلتي صعب شوي يكون في منطقتنا الا اذا قدر يحصل محلات في منطقه فيها حركه

على العموم مشكوره وياليت تزيدينا من هالافكار الي صدج ذهبيه

وارجو من الاخوات انهم ما يبخلون علي ولو بفكره يمكن يشوفونها بسيطه بس انا يمكن ابني عليها وتكون اهي الفكره الذهبيه

والله يرزق الجميع على حسب نيته