السلام عليكم ....

صحيح هذي أول مشاركة لي في المنتدى ... بس عارفتكم ما بتقصرون معي...

أنا مخططة اني أفتح محل كوافير وما ني عارفة من وين أبتدي...يعني أبي من A إلى Z

وأريد أعرف كم تكلفة المحل ...يعني كم يكون راس مال المشروع تقريبا ؟؟ً وشنهي التكاليف ؟؟

ومن أين أشتري المعدات والأغراض للمحل وكيف يكون الديكور داخل وخارج المحل؟؟

أتمنى من صاحبات المحلات والخبرة إفادتي في الموضوع وإذا كان مع بعض الصور للديكور يكون أفضل

مشكورات حبيباتي مقدما ً..

وسلامي...

بالتوفيق

سلام لاختي سيما000عندي نفس المشروع وانا باديه فيه من زمان بس بشكل مصغر وكنت شريكه مع ناس في مشغل بس ما عجبني الحال وتركته والحين قاعده ارتب لمشروعي الخاص فيني بس ابغاه علي مستوي 00وهذه المشاريع يا عزيزتي تتطلب مجهود خاص (مالي وفني)مثل الوان وديكور واشكال مميزه للمرايات والكراسي وسيراميك للارضيات واثاث راقي واناقه وترتيب 000اوه كثير وكمان ادوات المكياج وانا اعرف شركه مره حلوه حاصه بتجهيز المشاغل واذا انتي في السعوديه بيكون سهل عليك لان الشركه في جده وزميلتي اثثت مشغلها منه وانا شفت عينات بس جوده تراه وتعرفين طبعا نظام الشركات تحرص علي الجوده والسمعه ورضا العمبل يعني اطمني من ناحيته لاني ناويه ااثث منها ان شاء الله0وراح اعطيك مثال لاسعارهم ( كرسي للاستشوار وممكن يستخدم لوضع المكياج بتغيير وضعيته يعني اثنين في واحد ب1800ريال سعودي00السله المتحركه وتكون هذي عند كل مرايه وفيها كل شي استشوار وفرش وبنس اكيد عرفتيها ب250تقريبا 000هذا موجز مبسط وبنكون علي اتصال طالما انه لنا المشروع نفسه لتبادل الخبره واخر شي سويناه بس اذكرك انه لازم تكلمي المسؤول عن الرخص في البلديه وتساليه عن المطلوب لانهم لهم شروط من حيث المساحه والمكان والتجهيزات واللوحه يعني ممكن هم يقولون لك من وين تبدين وترا البلديه لازم تمر وتشوف المحل حتي تعطيك الموافقه000اشياء كثيره بس هذا المختصر 000ارجو اني افدتك00 في انتظار ردك0كل الود 000رنيييييم قلب

مشكورة أختي...رنيم قلب..

أنا من السعودية ..من الشرقية...والمحل اللي ذكرتيه في جدة..

هل فيه فرع له في الشرقية ؟؟ لأنه بيكون أسهل لنا...

وإذا ما فيه ممكن آخذ رقم التلفون لهذي الشركة للاستفسار

ودي أسأل بعد سؤال لو سمحتي...بالنسبة لفتح مشروع محل تجميل..كم واضعه ميزانية تقريبا ً؟؟...

أنا ودي في محلي إن شاء الله يكون فيه 6 كراسي هي للمكياج والاستشوار معاً..

ومو عارفه كم يكلفني يعني كم أحط ميزانية راس مال للمشروع ؟؟؟ أرجوا المساعدة..

وسلامي...

سلام اختي سيما00بالنسبه للشركه راح اسئل واردلك اذا كان لها فرع في الشرقيه واذا مافيه ممكن يرسلك كتالوج بالبريد اللممتاز وتفرجين وتحتارين ومن ثم يشحنو لك اياها وهذي طريقتهم ترا مع العملاء اللي مو في جده00اما الميزانيه تعتمد علي حجم المشروع وهل بتسوين فيه ملحقات مثل كوفي شوب او بوفيه ساونا خياطه سكن للعاملات تاجير فستابن افراح00لكن اضعلك بالتقريب (100000)وهذا يعنمد بعد علي سعر اشيائك اللي بتجيبينها وسعر العماله اللي بتشتغلك في الديكور والسيراميك والكهربا يعني ممكن يزيد او ينقص شويه ولا تنسي اجا ر المحل اذا مقدم وكمان فيز العاملات وبغيت اعطيك اقتراح وهو اذا اني جديده في الشغله وماعندك خبره انصحك لاتتوسعين في المحل يعني بدل ست كراسي خليها ثلاثه كبدايه واذا مشي الحال زيدي في العدد وسوي غرفه خاصه للعروسه لاتنسين لانه شغلها غير وماتحب احد يشوفها وهذا اللي يسوونه في المشاغل وحتي مخرجها خاص ماتمر علي الزباين اللي في المشغل 0وكمان الافضل انه يكون غرف الاستشوار لوحدها وغرف المكياج لوحدها ليييه ؟سالتيني غرف الاستشوار بتكون حرارتها مرتفعه لانه كل كرسي عليه استشوار شغال والحراره بتسيح المكياج وتعدمه دا غير الريحه والازعاج وشغل المكياج يبي له روقان و يكون في غرف المكياج احيانا سرير بدل من الكرسي وهذا لايمكن وضعه في صالة الاستشوار بيخرب شكلها وبيزحمها اكثر تحيلي لما كلللللهم يكونو في مكان واحد!!!اظن انك تخيلتي الوضع يعني الشغله يبي لها ترتيب وتنظيم وبتحسين انه فيه خصوصيه لكل زبونه وهذا اللي شفته في كل المشاغل اللي دخلتها000في انتظار ردك والله يوفقك ان شاء الله0 00000000 كل الود00 رنيييييم قلب