تسلمي حبيبتي عالموضوع الجميل ده
لكن عندي تحذير اخر من الرسائل التي تأتي عالميل بخصوص مبروك فزت في السحب (علي اي حاجة الميل مثلا او زيارة الموقع الفلاني......)وطبعا المبلغ بالالاف او الملايين احيانا .............. ويبدأوا يطلبوا بيانات عنك وصورة من جواز السفر وعند اللحظة الحاسمة يقولوا مطلوب منك دفع رسوم الشحن او رسوم الشحن مناصفة
طبعا لما تكون هاتكسب جايزة بالالاف او الملايين هاتقول اية يعني مصاريف الشحن لكن دي بتبقي بداية الابتزاز وفي تجارب كتير عن ناس ضاع كل ما يملكون واحيانا بتوصل للقتل لانهم ببساطة عرفوا عنك كل شئ مكان سكنك وعملك وتليفونك ورقم جواز سفرك وبطاقتك الشخصية
وزي الموضوع ده موضوع انا بشتغل في بنك ومات صاحب الحساب الفلاني وملوش ورثة وعاوز احولك الفلوس دي (علي اعتبار ان الحداية بتحدف كتاكيت)
او موضوع انا كبير في السن واهلي جاحدين وانا هاحرمهم من الميراث لانهم مايستحقوش وهابعتلك الفلوس دي والقدر هو اللي اختارك
وطبعا التفانين كتير والمواضيع اكتر والفلوس بالهبل
وزي مابنقول في مصر
(اسباب رزق الهبل عالمجانين)
وشكرا