السلام عليكم الغاليات
بصراحة اليوم عندي شكوا للقائمين على المنتدى اللي اتمنى من كل قلبي اني اكون عضوة نشيطة فيه واللي افراح دايما بتواجدي فيه بس بصراحة قانون الايميلات ابدا مو شي طيب انه يكون متواجد على العلن لاني بصراحة اول كنت حاطة ايميلي على العام بس بصراحة تضايقت يعني صار في ناس يضيفوني عندهم بس جي حق لعب وضياع وقت يعني لو كانوا بنات كنت بسكت ما عليه بس المشكلة انه شباب وبصراحة فعلا صار الموضوع وايد مزعج بالنسبة لي يعني يامحلاني وانا مثلا فاتحة الماسن ويطلع ان اللي ضايفني والله واحد ما فيه خير وانا افتح النت من عند ريلي فحطوا نفسكم مكان ريلي والله زوجته فاتحة الماسن وتكلم واحد او ان في واحد ضايفنها عنده في الماسن والله ما راح يفهم انها غلطة واني والله ما كنت اعرف هذا شو الحين بنت والا ولد راح يقول ...... واكيد انتوا تعرفون المشاكل اللي تيي من هاي الحركات ويوصل لين خراب البيوت والموضوع شو سوء تفاهم يعني وااايد حاطين اسماءهم في الماسن ابيات شعريه او القاب ما تعرفين هذا شو بالضبط
فأطالب وكلي رجاء من الادراة الكريمة انها تفتح التعامل بينا الناس عن طريق الرسايل الخاصة اما سالفة الايميلات بصراحة مو حلوة ابدا سالفة الايميل على العام والله ان في وايد اشياء حابة اني اعرضها بس ما اقدر والسبة هالموضوع اني ما اريد احط ايميلي على العام
واتمنى من الادارة انها تاخذ بعين الحرص على اعضاءها بخصوص هذا الموضوع اللي جد حساس
والله يوفق الجميع ويسر الخير للجميع ان شا الله دنيا واخره
@ اختكم في الله @
الروابط المفضلة