ما ادري احترامي للموقع الى انا امثله واحترامي لقوانين الاداررة و المشرفات والاداريات كل ذلك يمنعني بالتشهير في من يغالين في الاسعار ويعطين السلعة اكثر من حقها اضعافا مضاعفة ففي الاسبوع السابق طلبت من واحة هنا في النتدى منتج الكونين هير وارسلته لى ب 60 ريال وقالت ان الشحن لا ياخذ اكثر من 10 ريالات ولكنهم اخذو مني 40 ريال بعد ما طفشوني في ارسال السلعة كما وجت بالصدفة المنتج في مكان اخر وبسعر لا يصدقه اح ب 10 ريالات فقط وهو نفسه لا يختلف عنه ولا في شي فهل هذا حلال او حرام انا لا امانع بالكسب يهني اذا كانت السلعة ب10ريالات ممكن نبيعها ب 25 حتى يكون لدينا مكسب وليس نبالغ في السعر وننصب على الناس حسبي الله ونعم الوميل فاحذرن يا مشتريات واتقين الله يا بائعات. حبي للجميع

عزيزتي

انتي متاكدة انه هو كوين هير الاصلي

وجربتيه

لانه في وحدة من الاخوات اتبيعه ب150 درهم وغيرها ب 300 وياريت اذا عندج او اللي حصلتيه هوالاصلي خبريني عشان بشتري عنج كمية الصراحة

وانا في انتظار ردج

و انا ايضا اريد معرفه من وين لاقيتيه ب 10 ريالات ياريت اختى تفيدينا جزاكى الله خيرا و نحن جميعا فى الانتظار

لااله الا الله
اختى تاكدى قبل ما حد يزعل منك
صدقونى يا تاجرات البيع الكثير والكسب القليل رااااااااائع جدا واهم شىء سمعه الواحده
عموما اختى لاتدعى على احد وقولى الله يهديها ويسامحها
وربنا يهدى

لا حول ولاقوة الابالله المفروض منك تنبهي البنات في المنتدى باسم المنتج لكي لايكون لهم مثل ماحصل لكي والله يابنات انا نفس الشي اعرف منتج لكن ماينباع هنا قيمته ما تتعدى الخمسين ريال ينباع بـ150 يعني الزياده الصعف مرتين
وبالنسبه للنوعيه هذي صدقيني يمكن الله يبارك لها ويرزقها اكثر واكثر ولكن بالاخير كله حسره عليه انا بالنسبه لي اعتبر اكسب الحقيقي الي 20ريال كويس والي تجرب حتى انها يزيدعدد زبائنها لو ارتفع قيمة الشيئ تاخذعليها 20ريال وهذا بالاول وااخير بصالحها هي ..............
والله يعين على الدنيا صار الهم الاول والاخير كسب المال
والله المستعان

لا خواتي انا اخالفكن بالرأي تماما...............
مع احتلرامي لك اختي عاشقة... انتي بتروحي السوق ترومين تشترين شئ معين و بتبدئي في البحث عنه من حيث الجودة والسعر الجيد و تلاقينه في اول محل ب 1000 و في تاني محل 500 درهم او 600 او عيره... لو انتي شريتي من اول محل ب 1000 درهم لا تلومين الا نفسك... لانك اشتريتيه بدون ما تسوي بحث...اما اللي باعه لك ب 1000 فرزقه حلال لا تشوبه شائبة الحرمة لا من قريب ولا من بعيد... الشراء والبيع في الدين الاسلامي يجب ان يكون بالتراضي بينك وبين التاجرة وانتي دفعتي المبلغ عن طيب خاطر.. اذن ليس من حقك ان تتهميها بان ما قامت به حرام....
وارجو منكن خواتي ان لاتتعجلن باصدار احكام الخلال والحرام... بخصوص السعر الذي يحدده التاجر عندي فتوى كانت موجودة باحد المنتديات تقول بما ان البيع بالتراضي فليس هناك اي حرمة في زيادة السعر او انقاصه...
هناك امور لا تعلمونها عندما تشترين سلعة... مثا بكم اشترتها التاجرة و من اي مكان و كم كلفتها بالشحن او اي مصاريف اخرى....
انا كنت ابيع منتجا اشتريه من برة... لما تجي عليه رسوم الشحن يوصلني غالي ولما اضع ربحي يصيح غالي جدا...و بالصدفة وجدت المنتج بدولنا العربية وسعره ربع سعري.. فهل انا مذنبة؟؟؟؟
التاجرات بهذه المنتديات نساء عاديات يرغبن بعمل شئ يرفع من قيمتهن لذاتهن او لقضاء وقت مثمر بالنت او لحوجة مادية... و عليهن ضغوط لا اول لها ولا آخر و ليس من العدل ان يزداد الضغط عليهن بسبب الاتهامات المتواليه لهن بالربح الفاحش ....جميعنا خوات في الله... ولا تبقى في النهاية الا التاجرة ذات السمعة الجيدة اما الهشيم فتذروه الرياح
طولوا بالكم عليهم والله يهدي الجميع الى ما فيه الخير
سابحث عن الفتوى واضعها لكم ان شاء الله

لا حول ولاقوة إلا بالله


طبعا الأخت تقصدني ولا أخجل من اعلام الكل بذلك لأني ماغلطت أبد
وقبل ما أبدأ بالتجارة درست أحكام البيوع لأني أخاف ربنا ولله الحمد

وحبيت أوضح هذه النقاط الهامة :

أختي في الشرع الاسلامي (البيع بالرضا) ولو بمليون طالما رضيتي بالسعر

ومايصير تحللي وتحرمي من عندك هذا شرع ربنا

وطالما رضيتي بالسعر فالتاجرة مالها ذنب لأن الشرع يقول البيع بالرضا
وهي فلوسها حلال عليها لأنك راضية ما غصبتك

وارجعي لدينك حتى تتعرفي على الأحكام صح واقرئي أحكام البيوع

وبالنسبة إن سعره رخيص زي ماتقولي فمو شرط إني أنا كمان اشتريته رخيص
أكيد مكلفني أكثر من شحن وجمارك وقيمة وعمولة


وكونك دفعت للشحن أكثر فهذا لأنك أكيد اتأخرتي وما أخذتي طلبيتك من الشركة وتركتيها عندهم
وهذا معروف عند كل شركات الشحن إنهم ياخذوا عن كل يوم مبلغ عمولة تخزين في مستودعهم
إذن الغلط منك لأنك اتأخرتي وعلى قد ما اتصلوا عليك وعلى زوجك ما رديتوا عليهم وألا ناسية كم يوم تركتيها عند الشركة؟؟


وأرى أنه من أولى أن تنصحي نفسك أولا بتقوى الله:
فلا تتصدري للفتوى بغير علم وتقولي هذا حلال وهذا حرام
ولماذا لم تذكري في كلامك نقطة تركك للبضاعة عند الشركة واتصالاتهم المتكررة عليكم وعدم ردكم عليهم؟؟
ياريتك كنت أمينة أكثر وصادقة أكثر فتنقلين كل شيءكما هو : اللي لك واللي عليك. هداك الله

والله يعطي كل إنسان على قد نيته

أما إنك تسميه نصب :

فأرفع يدي لخالق السماء وأقول
اللهم كافئها بما هي أهل له
إن خيرا فخير وإن شرا فشر

وهذه دعوة عادلة على قدر عملك ونيتك


والله يوفقنا لما يحب ويرضى

برضوا ارجع واقول انا احترامي الاول والاخير هنا يرجع للموقع وادارته ومشرفاته وانا ما ادهي على احد وما قلت انها فعلت حرام كل الى قلته انا باسأل هل حرام ان واحدة تبيع السلعة باكثر من قيمتها ولا لا والاخت الي قالت اني انا اقصدها هي حرة في كلامها وهي وضميرها
وانا اعرف ان اكثر المنتجات تجي على شركة معينة في جدة والتاجرات بياخذوا منها ويبيعو باسعار غالية ةانا اعرف موقع مرة رائع ويبيع كل الاشياء الي بتزل في النت باسعار مرة طيبة وفي متناول الجميع والي تحب اقولها على اسم الموقع تراسلني على
والاخت الي قالت اني اقصدها هي نفسها فعلا الي باعتني المنتج لانها حبت انها تفصح عن نفسها هي في الاول اعطتني ارقام وقالت ان هذي الارقام للشركة في نفس البلد الي انا فيها وطلع ما للشركة فرع ولا شي بعدين انا ما اعطيتها رقم زوجي ولا شي ما اصير والله الكذب حرام بعدين لما اتنازلت وردت علي وكلمت الشركة قالي الرجال انه ما في لهم فرع في نفس بلدي يعني حضرتها تبغاني اسافر عشان مجرد علبة صغيرة وانا مالي ذنب في التاخير ما ادري هي لي ما ذكرت هذا الكلام انا هي ماني في ساحة حرب مع احد بس حبيت انوه الاخوات على شي حصلي وانا ما اتصدرت بفتوى ولا غيره ولا تنسوا تراسلوني عشان اقولكم اسم الموقع وهو لشركة في جدة تجيب كل المنتجات من ماليزيا وتبيعها باسعار حلوة وانا متاكدة انه المنتج الى اخذته هو نفسه الي عند الشركة وعندهم بـ20ريال والي بـ 10 عند بقالة من بقالات اندويسيا ولكم كل الشكر

يمنع وضع الايميل

اختي الغاليه عاشقة البدر

اولا هناك فتاوي كثيرة بخصوص بيع المنتج باعلى من سعره ومن مشائخ سلفيين وقالوا انه حلال واذا تبين نص الفتوى اجيبه لك اختي الكريمه.

انا ما ادري بالنسبة للي حصل بينك وبينها


لكن اعرف شيء واحد انه اذا كنتِ انتِ تتكلمي باللي يصير وما يصير وتتكلمي يا اختي بالنصب وغيره
فانتِ الان جالسه ترتكبي محرم تعرفين ليش

لانك قاعده تبيعين على بيعة اختك المسلمه

لما هي تبيع منتج للبنات بالمنتدى وتجي بنت وتقول انا اعرف المكان الفلاني يبيعه ارخص منها وتذكر هالشي بشكل علني بنفس المكان اللي البنت تبيع فيه يعني تخربين عليها تجارتها

وهالشي معروف انه بالاسلام يسمى البيع على بيع الاخ المسلم وهو محرم شرعا وله عقاب عند الله

يا ليت ما نخرب على اخواتنا المسلمات

هي تتعب وتدور المنتجات وبعدين تغلفها وتروح الشركه وترسلها غير وقتها على الانترنت وحساب الساعات اللي تجلسها على الانترنت طيب هاي كلها لها حساب وربح ولا ما لها يا اختي؟!!

لك حق تتكلمين على البنت لما تشوفي انها غشتك بالمنتج مثلا قالت لك انه صناعة امريكيه وهو صناعه ثانيه
مثلا قالت لك انه اصلي وطلع مغشوش

ساعتها لك حق وكل الحق انك تتكلمين وعلى العام عشان تحذرين الناس

لكن بهالطريقة والاخت ما غلطت بحقك فما لك حق

اما بالنسبة للشحن والمشكلة اللي بينكم فانا ما اعرف عنها وما اقدر اتكلم فيها
لكن كان ممكن تتكلمي معها عبر الخاص بخصوص هالمسألة لانه يمكن صار فيها سوء فهم وكان ممكن تنحل من طرفها او طرفك قبل ما تكتبي وتطلقي الاحكام بهالطريقة عليها. وانا ما ادافع لا عنك ولا عنها لكن بالخاص افضل والله.


لكن لا تبيعي على بيع اخواتك بالمنتدى سواء كنتِ انتِ اللي تبيعيه او تدلي على محل ثاني وتخربي على اختك المسلمه تجارتها


الله المستعان ويهدينا ويهدي الجميع

ام ريان
لا تزعلي روحك حبيبتي وسمعتك الطيبة تسيقك...
عاشقة البدر..اسال الله ان يصلح بينكما
مليكة القلم...لا اسكت الله لك حسا