السلام عليكم ورحمة الله وبركاته

يااخواتي المفروض نبتدي جميعا بهذا العمل

وهو ان اي وحدة تشتري اغراض من اي بائعة عن طريق المنتدى

تحدثنا عن البائعه وكيف تعاملها

حتى تكون عندنا خلفيه عنها مانشرررررررررررررري على عمانا

وبعدين هذي فلوس ماهي ورق تروح وخلاص

وارجوا انه يتثبت هذا الموضوع بحيث يكون مرجع لنا


عند القدوم على الشراء

وشكرا لكم

وانا معاك بعد اختي

وفقك الله

الله يبعدنا جميعا من المال الحرام..........امين

السلام عليكم

هلا خواتي اشحالكن ان شا الله طيبات

والله شي حلو انو تسوون هذا الموضوع واوكي راح ابدأ انا

اول مرة انا اشتريت فيها شي من النت كان من الاخت فتون الامارات والصراحة كانت انسانة محترمة وتعاملها ما شا الله وطبعا واااايد كنت مستانسة اني تعاملت مع انسانة مثلها واشتريت منها بخور روعة وكريم الجسم هتون وعطر الفراش حوين المشم والصراحة اغراضها ابدا ما عليهم كلام كل اللي عندي عيبهم شغلها واااااااايد

وبعدين اشتريت من عند الاخت الغالية سلام الحب ونفس الشي الحمد للمرة الثانية اتوفق في الانسانة اللي اشتري من عندها ما شا الله انسانة محترمة وتحب تخدمج الى اقصى الحدود وما شا الله علاقتنا ان شا الله انها لازالت قوية وان شا الله تستمر واشتريت من عندها شيلة ودخون سايل الصرااااااحة وااااايد وااااايد حلو

واشتريت بعد من عن اختي بنت_العم والحمد لله ما تفرق عن اللي اشتريت من عندهم يعني الصراحة كلهم ما اعرف شو اقول عنهم ادب واحترام واخلاق كلهم كلهم ما شا الله عليهم وما اقول غير الحمد لله ان الله وفقني في ناس محترمين وكلهم اخلاق وبعد شغلهم ما شا الله حلو ومرتب واشتريت من اختي بنت_العم اكسسوار وكريم تقشير حق البشرة بس الصراحة ما شا الله واااايد حلو يخلي البشرة ما شا الله نظيفة وشرات المخمل وبعد شريت من عندها عطر حق الشيل والعبايا واااايد حلو

واكيد اذا اشتريت بعد من اي وحدة ثانية من الاخوات اكيد راح اقولكم على تعاملها ويايه

والله يوفق الجميع

اختكم في الله

ام ناصر

موضوع رائع عزيزتي نورمي
وان شاءالله نشوف تجارب البنات مع التاجرات بالمنتدى
ويكون مرجع لنا باذن الله
موفقين جميع..

موضوع حلو يا نورمى جزاك الله خير
هو بالنسبه للبيع والشراء عن طريق النت الحمد لله لم يحدث اى مضايقات من البنات
لانى على ما اظن حق كل ينت محفوظ واتمنى من البنات اللى تعاملوا معايا يكتبوا تجربتهم
مشكوره اختى

انا كمان معاكو ياريت يتثبت الموضوع

أنا كمان معاكم وموضوعك تمام يا نورمي مية مية و اتمنى ان يثبت الموضوع

بصراحه انا اتفق مع الاخوات واتمنى الموضوع يثبت لمصلحة الجميع واتمنى من الاخوات الصراحه في الموضوع دون خوف لان اكيد تكون إفادة لنا جميعا
اما عني انا اول مره اشتريت شي من النت كانت من الاخت السعودية ( سارا جده ) وبصراحه سارا روعه وبكل شي في الاخلاق وفي التعامل وانسانه طيبه الى ابعد الحدود هذا وانا بعيده منها حسيت بهذا الشي فما بالك لو اكون قريبه منها
وانا اشتريت منها زيوت للشعر للتطويل وللتساقط ونفعوني زيوتها كثير وحتى كتبت موضوع عن الزيوت واستمر اكتب وهي لها موقعها الخاص ومعروفه