السلام عليكم ورحمة الله وبركاته
خواتي الغاليات
سبق وعرضت عليكن شبكات الشعر اللي أسويهن
ووعدتكن أراويكن آخر تصاميمي من اكسسوارات الشعر
تفضلن شوفن الصور
الشغل عبارة عن شباصات
وعليهن شغل من ورود وريش وخرز وكريستالات
وشكل الورود والشغل أقرب للطبيعة
ما يتوفر من الشغل غير حبة وحدة
وممكن إذا أي وحدة تطلب نفس الألوان أرد أشتغل لها لكن بتصميم ثاني
وممكن بعد تطلب ألوان ثانية (حتى لو دمج كذا لون)
الأسعار تختلف حسب الشغل المطلوب ونوع الورود ووجود الكريستالات أو لا
وبعد إذا أي وحدة تحب أشتغل لها نفس الشغل على الشبكات ممكن
وهنيه بعد يختلف السعر إذا في شبكة ولا لا
على فكرة .. تراهن الشباصات كبار
لكن أنا صغرت الصور عشان تنعرض بشكل أرتب في الصفحة
والتصوير مش واضح لأنه تصوير موبايل
وأكيد على الطبيعية أحلى
ودومهن الخوات اللي ياخذن منيه يقولن نفس الكلام
بالنسبة للصور المعروضة
اللي تبا أي وحدة فيهن تحدد لي رقمها
وأول وحدة بتحجز بتكون الشباصة لها إن شاء الله
رقم (1)
الشغل عبارة عن دمج بين اللون العنابي والأخضر الفاااااتح وفيها لون أبيض
وهو مكون من ورد الليلك باللون العنابي والورود المخملية وريش متوزع بطريقة واااايد حلوة
رقم (2)
الشغل باللون الفيروزي
وفيه كريستالات كبيرة وورود المخمل وبعد ورود مميزة من فوق واستخدمت الريش في الشغل
والخرز المتدلي فيه كور الكريستال بشكل مكثف
رقم (3)
لون ناري مميز
دمج الأصفر ويا البرتقالي
والشغل كأنه باقة ورد طبيعية
رقم (4)
اللون تدرجات الفوشي
الورود واااايد مميزة وكبيرة
الشغل فيه ريش وكريستالات من الحجم الوسط
رقم (5)
لون مميز وهادي
وردي وأبيض
والورود مستخدمة بشكل مكثف
عشان تكون أقرب لشكل مجاميع الورد الطبيعي
رقم (6)
دمج الأصفر والأخضر
وبتلاحظن نفس الشي الشغل كأنه باقة ورد طبيعي
وفي كريستالات من الحجم الكبير
أتريا ملاحظاتكن خواتي
وأي استفسار بخصوص الشغل والأسعار راسلونيه ع الخاص
لأنيه شرات ما ذكرت السعر يختلف على حسب الشغل والأشياء المستخدمة فيه
وإذا أي وحدة تبا شرات هالشغل على شبكات ممكن تطلب
ختكن رومانوف
الروابط المفضلة