خواتي الغاليات
انا جديده في الرياض لكن اريد بعض الاشياء

اريد اعرف وين سوق الجمله الخاص بالاشياء التالية ويكون مره رخيص :



1) الكلف وورود الزينه
2) اكياس الاورجانزا الصغيرة التي يوضع فيها شوكولاه او اي شيء
3) علب كرتون خاص بالاكسسوار او للشيكولاه والتقديم

واذا فيه محلات معينة تنصحوني فيها اكون شاكره لكم.

بانتظاركم الله يخليكم

ليش محد رد أنا أعرف سوق الجمله إلي في الإمارات

اختي الغاليه روز
تسلمين والله على مرورك
طيب ممكن تخبريني بعد اللي بالامارات وين بالضبط وشو اسمه وباي شارع وهل يبيع الاشياء اللي فوق اللي كتبتها
وشاكره لك يا الطيبه لاني ساعات انزل الامارات يمكن علىالعيد اروح اهلي هناك وعشت عمري كله بابوظبي بس الحين تزوجت وموجودة بالسعوديه وما اعرف شي فيها

بانتظارك


ويا ليت بنات السعوديه يخبروني ضروري

حبيبتي عندك السويلم ويسمونه الناس سوق اشيقر من جد فيه حاجات حلوه

تسلمين اختي بس ممكن اعرف السويلهم او اشيقر وين موجود بالرياض وسط ولا الجنوب ولا الشمال ولا الشرق يعني حي ايش يتسمى او شارع شو؟
لاني جديدة بالرياض
وتسلمين

مرحبا..
انا بصراحة مالي في الوصف مرررة..
لكن سوق اشيقر معروف في الرياض واعتقد انه موجود في وسط الرياض..
حول المعيقلية..واعتقد يسمى بعد الديرة..
بس السويلم مكان ثاني غير اشيقر وكثير يمدحونه بس انا مارحت له..
رحت لاشيقر من فترة بسيطة واسعاره حلووووة وكثيرة الاغراض ومتنوعة بس بالنسبة لطلباتك هناك ماكنت رايحة لها بس عادي روحي هناك واسألي واللي يسأل مايتوهش..

اتمنى اني افدتك

تسلمي يا الطيبه

حياك الله اخـتي


أعرف بالرياض في محلات الزامل


أنا أشتري من الزامل اللي بالخبر و عندهم أشياء كثير مناسبة


على العموم هو قريب من الفيصلية و المملكة


ان ما كنت غلطانة جنب فندق موفنبيك


و اذا تبين في الشرقية في محلات كثيرة و منوعة و أقدر أدلك أحسن هناك

السلام عليكم ورحمة الله وبركاته
اولا حياك الله بين اهلك واخواتك وان شاء الله انبسطتي في الرياض
وبالنسبة للاشياء الي سألتي عنها بتحصلينها ان شاء الله في شارع السويلم واوشيقر والمعيقلية وهذي الاماكن كلها في الديرة يعني وسط الرياض واذا تبين الوصف مضبوط قولي لي وارسلك اياه
واي استفسار عن اي شي انا حاضرة وهلا بك...

تسلمون والله

اختي الغاليه انا هند
رحت ودرت انا وزوجي ودرنا ودرررررررررنا وكل واحد يقولنا هناك وهناك ويعطي وصف لزوجي شكل
وبالاخير لقينا لكن لقينا محل واحد وهم قالوا في محلات كثيرة
وشكله زوجي ما يوديني مره ثانيه الا بعد سنه ههههههههههههههههههه يكره ذاك السوق من الزحمه مع انه رحنا يوم سبت يعني امس بس تقولي كانه يوم اجازه الناااااااااااااااااااااااااس مثل النمل هناك خلية نحل

بس ممكن تعطيني وصفك وهل فيه علب اكسسوارات رخيصه هذي اكثر شي تهمني هي واكياس الاورجنزا

وشكرا